المجنونه وبنتها٣
لا حول ولا قوه الا بالله
دخلت عائشه علي ميران اللي كانت نايمه والمنبه شغال رن
عائشه: الجيران صحيت وعم عبمنعم والبواب صحي وانتي وله هنا
ميران لسه نايمه برضو
عائشه: قومي يا بت.. ميررران ..
ميران فتحت عينها : مين فين ايه
عائشه: قومي اتحركي نايمه نومه أهل الكهف مش سامعه المنبه
ميران : يا ماما حرام عليكي . سبيني انام
عائشه: مفيش نوم ..اتغضلي اتحركي من علي السرير.
ميران: سبوني في حالي بقي . ابعدو عني بقي
عائشه : قوووومي
اتنفضت ميران من علي السرير: ايه يا ست الكل الحنجره دي.
عائشه: اتحركي علي الحمام . علشان تفطري وتروحي الجامعهميران : ها. هو انا مقولتلكيش
عائشه : لا مقولتيش
ميران : اصل انا اديت لنفسي أجازه
عائشه : وده من ايه يا روح امك
ميران : يا حبيبتي يا ماما.. انا تعبانه انهارده. بالله عليكي خليني اقعد
عائشه : تعبانه عندك ايه . عايزه اعرف
ميران : عندي . عندي . ااه نفسيتي وجعاني
عائشه اتكلمت بهدوء : يا حبيبه ماما . ليه مخدتيش الطياره وسافرتي باريس تغيري جو
ميران : اصلي زهقت من باريس يا ماما . عايزه اروح مكان تاني. بفكر اسافر أبوظبي
عائشه : لا والله . بس كده
ميران : اسافر ام ظبي طيب
عائشه مسكت الشبشب : من عيني يا حبيبتي . انا هسافرك ظبي نفسه
جريت ميران من قدمها : انتي بتقلبي بسرعه ليه يا ست حلويات انا كنت بهزر
عائشه : جزمه
ميران دخلت الحمام وهي بتفكر في حل علشان تغيب عن الجامعه مش عايزه تروح ، بس تعمل ايه
جتلها فكره مجنونه وهي أنها تمثل بس التمثيل قلب بجد ...
مسكت علبه الشامبو وفضته علي الارض علشان تمثل انها وقعت بس وهي مش واخده بالها . اتزحلقت ووقعت علي رجلها
: اااه . الحقيني يا عائشه .. يا ماما
جريت عائشه علي الحمام وفتحت الباب كانت ميران علي الأرض
عائشه: خلصتي علبه الشامبو اللي لسه جيباها
ميران بصدمه : شامبووو ايه . انتي مش واخده بالك مني انا اتكسرت وانتي همك علي الشامبو