المجنونه وبنتها
١٢
بسم الله الرحمن الرحيم
رجعت ميران البيت
عائشه: من مين الورد ده
ميران :عايزه الصراحه
عائشه ' اكيد
ميران : بصراحه يا مامتي الورد ده من ريان .
عائشه: وريان يجبلك ورد بمناسبه ايه
ميران ؛ طلب ايدي للجواز . وانا قولتله هفكر
. عائشه : جواز ايه. انتي لسه مخلصتيش تعليمك ، مستحيل اقبل بكده
ميران : ليه مستحيل
عائشه : انتي لسه صغيره علي الجواز والمسؤوليه
دخل يامن : السلام عليكم. صوتكم عالي ليه
عائشه : تعال شوف. ريان عايز يتجوز ميران
يامن : اه . ما هو قالي انهرضه . وانا قولتله هفتحها في الموضوع
عائشه : ومرفضتش ليه من الاول ، انا مش هجوزها
يامن : الرأي الأول والأخير ليها هي .. من حقها تختار شريك حياتها
عائشه : معنديش انا الكلام ده .. انا قولت لا يعني لا
يامن : بصراحه انتي بتقفلي دماغك في حاجات غريبه . في ايه اما هي تختار
عائشه : والله انا حره يا استاذ مش عاجبك
يامن : عاجبني .. انا اللي استهل علشان اختارت واحده مجنونه
عائشه : والله الطيور علي اشكالها تقع
يامن : قصدك اني مجنون
عائشه واقفه وايدها في وسطها : الكلام مفسر نفسه يا استاذ
ميران : يا ماما براحه مش كل حاجه خناق .وبعدين خلاص لو انتي رافضه ريان انا مش هعمل حاجه انتي رفضها
يامن : انتي راضيه كده
عائشه : انت شكلك عايز تتخلص منها . صح
ميران بصت ليامن اللي وشه احمر واتعصب
يامن : كفايه دبش بقي . ميران دي بنتي وانا عمري ما افكر بالطريقه دي . مش كل شويه تجرحيني. انا يا ستي مش بخلف ومعنديش اولاد بس بعتبرها بنتي ..
سابها ودخل الاوضه وهو مضايق مكنش عايز يتعصب عليها بس هي بتجرحه
ميران : ماما
عائشه : مش عايزه اسمع صوت حد
ميران : طيب ادخلي صلحيه
عائشه : لا
ميران : خلاص انا هدخل
خبطت علي الباب ودخلت
ميران : ممكن ادخل يا باشا
يامن ابتسم : تعالي
