المجنونه وبنتها
١٤
سبحانك اللهم وبحمدك
.
خلص الفرح وميران كانت فرحانه ..
عائشه : فين العربيه اللي هتركبوها علشان اركب معاكم
ريان بص ليامن : معلش يا عمي . انت مش قولتلي انا هظبط الليله
عائشه : بتوشوشو بعض ليه
يامن : مفيش يا قلبي . اصل ريان مش رايح مكان حاجز جناح في الفندق هنا
عائشه : طيب كويس . يلا نطلع نرتاح
يامن : طيب تعالي نطلع انا وانتي الاول نشوف الجناح مظبوط وله فيه حاجه ناقصه
عائشه : ناخد ميران
يامن : ميران هتتصور مع ريان مش رايحه بعيد
عائشه : ماشي . خلي بالك منها يا ريان عقبال ما ارجعلك
ريان : متخفيش يا حماتي انا هستناكي هنا. اتفضلي انتي
اول ما يامن طلع هو وعائشه . ريان شد ميران وفتح باب عربيته
ميران : احنا رايحين علي فين
ريان : علي عش الحب هو انا عبيط اقعد في مكان حماتي قاعده فيهميران : انت كده بتخدعها وانا مش موافقه
ريان : معلش انا هصالحها بعد كده. .وله تزعلي
ساق بالعربيه قبل ما عائشه تنزلفي الأوضه فوق
عائشه : اه حلوه الاوضه . يلا بقي ننزل لميران وريان.
يامن : تنزلي فين ياقلبي.
عائشه : هنزل لبنتي يا يامن .
يامن : لا . ما هو خلاص بح
عائشه: هو ايه اللي بح بقي علشان افهم
يامن : يا عمري. عريس وعروسته يوم الزفاف مش محتاجين حد معاهم . هو خد مراته ومشي
عائشه: انت كدبت عليا. اتفقت انت وريان عليا. خدعتني
يامن : لا . مخدعتكيش. انا بس مش عايز تنكدي علي ميران . سبيها تعيش حياتها
عائشه: اوعي كده. ابعد عني . انا عايزه بنتي حالا أو تطلقني
يامن : ربنا يهديكي يا عائشه . البنت مع جوزها
عائشه. : خلاص طلقني
يامن : بزمتك انتي عاقله
عائشه : عاقله مش عاقله . طلبتي وحالا دلوقتي
يامن : طيب تعالي اقولك علي حاجه حلوه . انا جبتلك البتاع اللي كان نفسك فيه
عائشه: بتاع ايه