أعشق ملاكي

الفصل الحادي عشر

فى صباح يوم جديد
استيقظت ملاك من نومها واخذت شاور وابدلت ملابسها واعطت نفسها  الانسولين وقبلت احمد وخرجت من غرفتها لتقابل والدها ...
ملاك تقبل محمود .صباح الخير ياحودة
محمود بابتسامة. صباح الخير ياقلب حودة صاحية بدرى لية احمد لسة نايم
ملاك .ايوة وانا صاحية عشان حضرتك واحشني وعايزة اقعد معاك بتعمل اية بقى
محمود .بعمل خطة جديدة للامن
ملاك .بابا حضرتك لسة بتدرب ظباط الحراسة بنفسك
محمود بابتسامة. اة طبعا دى جزء من حياتى اليومية ولازم اقوم بيه بحس انى لاقى نفسى
ملاك .وانا السبب انك تتخلى عن حياتك فى الشرطة
محمود بحب. ههه لا طبعا لو شغلى فى الشرطة كان جزء من حياتى مهم فوجودك فى حياتى هو اهم انتى حياتى كلها وكونى استقالت من الشرطة فدة الطبيعى ماكنتش هكون فاضى لبنتى ماكنتش هقبل تفضلى بعيد عنى من بيت لبيت وانا كمان بحقق شغلى فى شركة الحراسة وبدرب ظباط الحراسة وبيستلمو مهمات كبيرة ودة نجاح لية
ملاك .كنت زمانك دلوقتى سيادة اللواء زى ياعمو يوسف
محمود .ههههه اة فعلا يوسف دة انتيمى وبقالنا عمر مع بعض حتى لم انا استقالت فضلنا اصحاب
وكان معايا فى كل مهمة نطلعها
ملاك بابتسامة. عايزة اجى اشوفك وانت بدرب الظباط ممكن
محمود .ههههه ماعنديش مانع بس استاذنى احمد انتى دلوقتى تاخدى اذن جوزك
احمد .صباح الخير الاول وقبل ملاك من وجنتها
صباح الخير ياعمى وقبل رأسه
محمود .صباح الخير ياحبيبى
احمد. تاخد اذنى فى اية بقى
ملاك .نفسى احضر تدريب بابا مع الظباط ممكن
احمد. مش فاهم يعنى عايزة تتفرجى عليهم
ملاك .اة وادرب معاهم كمان
محمود..ههههه مش كان نفسك تشوفى بابا وهو بيدرب بس اية غير رأيك
ملاك .عادى يعنى نفسى تعلمنى ضرب النار
احمد. اية ضرب نار يعنى عايزة تمسكى مسدس وتضربى نار بجد
ملاك .واية الغريب فى كدة مش عيب بردو يكون بابا بيدرب ضباط الحراسات الخاصة وانا ماعرفش حتى امسك المسدس والله عيب
احمد. ههههه مجنونة رسمى
ملاك .طب نروح مع بابا نقضى اليوم معاه فى الشغل
محمود .بعدين ياحبيبتى مرة تانية عشان عندى ضغط شغل لازم امشى دلوقتى
ملاك بزعل .ومش هتاخدنى معاك انا زعلانة منكم انتو الاتنين بقى ها
احمد بابتسامة. طب انا مالى عمى مش عايز ياخدك تتفرجى هو الشغل فرجه ياحبيبتي
محمود .انا لازم امشى دلوقتى لو حبيتى تيجى احمد هيجيبك انا مااقدرش ازعلك ياروح بابا سلام عليكم
احمد. وعليكم السلام
احمد. ملاك حبيبتي انتى كنتى بتتكلمي جد
ملاك .وفيها اية يعنى
احمد بحب. مافهاش ياقلبى طب نفطر وتغيرى هدومك ونطب على عمى اية رأيك
ملاك بفرحة تقبله ميرسى ياحبيبي
احمد. احم افطرى احسن مااغير رأئى بقى
ملاك. اوكية صحيح انت نازل الشغل بكرة مش كدة
احمد بغمزة .لو عايزة افضل اجازة انا معنديش مانع
ملاك .هههه لا مخك راح لبعيد يا بابا انا كمان عايزة افتح المكتب بتاعنا متحمسه لشغل وكدة
احمد بابتسامة. لسة لازم نعملكو دعاية الاول ونعمل افتتاح صغير عشان الناس تعرف وتبداو بقى ياملاكى تشتغلو وانا ومازن هنظبط كل حاجة ممكن أسبوع وكل واحدة تستلم شغلها وتقعد على مكتبها بقى ونشوف انتاجكم فى العمل
ملاك. ههه طبعا هتنبهر بشغل مراتك .انا خلصت فطار هطلع اغير ونروح لبابا وبعد كدة نتفسح فى أى مكان فى مصر
احمد بابتسامة. تحت امرك انهاردة مفتوح ليكى عشان بكرة نازل الشغل بقى
ملاك .اممم يعنى شغلك هيبعدك عنى
احمد يمسك يدها .لا طبعا ولا شغل ولا غير شغل يبعدنى عنك ياملاكى
ملاك .طيب سبنى اطلع اغير بقى
.......
فى فيلا محمد الهلالى
على مائدة الطعام
ياسين .ها يا مروان جى معايا
مروان .لا هاجى بعربيتى
سارة. لية يا ياسين ماصحتنيش اسلم على ملاك واحمد
ياسين. عشان كنتى تعبانة ومحتاجة تنامى وعادى لم ارجع من الشغل نروح نباركلهم فى بيتهم
سارة .اوكية
فرحة .بيتهم قصدك بيت عمك
محمد .طيب انا هتاخر على الشغل ومافيش دماغ ادخل فى نقاش عن اذنكم
ياسين .يقبل زوجته وابنته
ووالدتة أيضا
ياسين .سلام ياروح بابى
سارة .خلى بالك من نفسك ياحبيبي
مروان .امتة بقى اسمع مرام بتدلعنى قرب البعيد يارب
سارة. هههه اصبر انت بس
مروان .انا شكلى هخلل فى العيلة دى
فرحة .مستعجل على اية انت كمان
مروان. اوبا انا اتاخرت والشغل مايمشيش من غيرى سلام
سارة بابتسامه . سلام
فى حاجة ياطنط لية مدايقة
فرحة .ولا حاجة انا خارجة رايحة ازور اختى
سارة. تحب اجى اوصلك
فرحة .لا هاخد تاكسي
سارة .اكلم ياسين يجى يوصلك
فرحة. لا هاخد تاكسي وخلاص عايزة حاجة
سارة .سلامتك
سارة لنفسها.اية البيت الغريب دة وانا هقعد اعمل اية هكلم ياسين واروح لماما....
وصل ياسين الشركة وبداء فى عملة جائها اتصال
(سارة حياتي يتصل بك )
ياسين .سارة فى اية انتو كويسين
سارة .ايوة ياحبيبى كويسين ماتقلقش بس طنط خرجت وقالت رايحة لخالتك وانا قولت اكلمك واروح عند ماما انا كمان هقعد اعمل اية لوحدى
ياسين .اية راحت لخالتو على الصبح كدة خير
سارة .ماعرفش حتى قولتلها اكلم ياسين يوصلك او انا وصلك رفضت
ياسين. غريبة طيب ياحبيبتى خلى بالك من نفسك ومن سيلا وسوقى على مهلك ولم توصلى كلمينى
سارة.حاضر يا حبيبى مع السلامة
ياسين مع السلامة
..........
بعد مدة وصل احمد وملاك
إلى شركة الهلالى للحراسات الخاصة ..
احمد. وصلنا ياقلبى اتفضلى
ملاك .تعرف إن ماجتش هنا من عشر سنين تقريبا
احمد بابتسامة. تمام يلى
دخلت ملاك برفقه احمد وبعد أن صعدت مكتب والدها
السكرترية .اهلا ياملاك ازيك يابشمهندس
ملاك بابتسامة. ازيك يانهى
بابا موجود طبعا
نهى .لا الباشا فى الساحة عنده تدريب
ملاك .الساحة
احمد .اة المكان إللى بيدربو فيه
ملاك .ودة فين
نهى .ماعرفش والله انا هنا فى الشركة وبس لكن برة الشركة ماعرفش
احمد .تمام يلى بينا
ملاك .ومش هنشوف بابا
احمد. تعالى بس وانا هتصرف
غادرو من الشركة واستلق احمد سيارته  وهى بجانبه تشعر  بالضيق .
احمد .تحبى نقضى اليوم فين
ملاك .طب فين مكان الساحة دة
احمد .دى ساحة المعركة واكيد مكان خاص ومش معروف للجميع بصى كبرى دماغك بقى ولو مصرة تعالى معايا
ملاك. هنروح فين
احمد. سبيلى نفسك بس ومالكيش دعوة
بعد نصف ساعة وصلو النادى
احمد. اتفضلى انزلى
ملاك. النادى لية
احمد تعالى معايا بس
وذهب بها إلى تدريب الرماية
احمد .عايزة تتعلمى انا هعلمك ضرب نار ورماية كمان
ملاك بابتسامة .بجد
احمد. طبعا لم حبيبى يكون نفسه فى حاجة لازم اعملها
ملاك بحب .بعشقك
احمد بغمزة. وانا بعشقك اكتر
وضع احمد سماعات على إذن ملاك وبدأ فى تعليمها بدايه من حمل  السلاح جيدا وتغميض عين وتفتح الاخرى ويمسكها من الخلف وملاك تقف امامه واحمد يحاوطها من الخلف ويمسك يدها ويصوب السلاح وبدأ فى إطلاق الرصاص المستعار  على اللوحة التى على بعد 10 امتار وبدأ فى إطلاق الرصاص وملاك تنتفض من صوت الإطلاق
احمد بحب .مالك خوفتى لية وكشيتى مش نفسك تدربى انا هدربك اهو بس اثبتى على وضعك بقى ههههه
ملاك .لا كفايا
احمد يحتضنها من الخلف ويهمس لها كفايا لية دى البداية ياقلبى لازم يكون قلبك جامد وتمسكى كويس السلاح وترفعى الزناد وبعدين تصوبى على الهدف إللى قدامك هى صعبة مش سهلة بس مادام عايزة تتعلمى يبق هعلمك اوكية والمرة الجاية مافيش خوف فاهمة
ملاك بحب. فاهمه ياباشا
احمد. باشا هههه الله يخربيتك يا زياد هو السبب مبوظ دماغك
ملاك. لا من فضلك ماسمحلكش على فكرة
زياد دة حبيبي
احمد. نعم حبيب مين ياحبيبتى فوقى انتى حبيبتي انا ومراتى انا وملكى انا وماحدش حبيبك ولا ملكك غيرى انا كلى ملكك واياكى اسمعك تقولى حبيبي لاى حد غير فاهمة
ملاك بحب. لا مش فاهمة هههه
احمد. مابهزرش انا بس إللى حبيبك