أعشق ملاكي

الفصل الحادي والعشرون

زين بصدمة. نعم
آسيا بدموع .انا والله مااعرف حصل ازاى انا منتظمة على الحبوب وكمان مالك صغير لسة وانا تعبانة
زين بقلق. بس اهدى بيتعيطى لية دلوقتى
آسيا. انت زعلان
زين. هههه ازعل ان ربنا هيرزقنى بطفل تانى انتى مجنونة ياحبيبتى لا طبعا انا بس اتفاجئت مش اكتر بس المهم عندى انتى تخلى بالك من نفسك وبعدين عرفتى ازى.
آسيا. شكيت وعملت اختبار منزلى واتاكد
زين .بكرة نروح لدكتورة وتطمنة عليكى
آسيا. مالك تاعبنى ومش كنت عايزة اخلف تانى دلوقت
زين بحب. حبيبى دة رزق من عند ربنا نعترض احنا ونقول لاء مش عايزة دة اسمة كلام انا عارف انك تعبتى فى مالك وكمان مالك لسة صغير بس نحمد ربنا على كل حال ولا اية
آسيا. الحمدلله ربنا يخليك ليا يارب
زين .اية رأيك نروح نقعد عند ماما وهتخلى بالها منك ومن مالك وهتفرح بمالك اوى
آسيا. كدة هنتعبها
زين .ماما قاعدة فاضية ومابتصدق تشوف مالك وكمان حبيبة هتكون جنبك وتسليكى وزياد يخلى بالة من مالك ماهو دكتور اطفال ماتشعليش بالك بكرة اتكلم مع ماما واكيد هتفرح اوى
آسيا. ماشى ياحبيبى زى ماتحب .....
.........
ظل مازن فى غرفة المكتب وجلس خلف مكتبة وبداء فى كتابة كلمات تعبر عن ما بداخلة..
مازن يكتب. اصعب حاجة انك تحس بالخذلان والجرح من اقرب الناس ليك او متخيل ان اقرب حد على قلبك لكن فجأة يخذلك بعدم ثقتة فيك ويجرحك جرح الحبيب صعب اوى .
انتى فين يا امى انا محتاجلك اوى واحشنى حضنك وخوفك علية ولهفتك لم اتوجع ابنك موجوع يا امى ومكسور واول مرة احس بالضعف
انا محتاج حضن يخفف عنى وجعى ويطبطب على كتفى فريدة بدل ماتقرب لازم تبعد مابتفكرش مافيش ثقة بينا لو بتثق فية مش هتوجعنى بكلمها وبطريقتها كان ممكن افقدها هى كمان مصيرة تشتتنى وانا بسوق كان ممكن العربية تتقلب بينا كان ممكن اخسرها وهى كل حياتى ومش فى قلبى غيرها بس هى مصرة ترجعنا للماضى إللى انا نسيتة بالمة وجرحة وانا اخترتها هى نكمل حياتنا مع بعض والله بحبها هى مش عايزة تفهم حياة كانت فى الماضى وبس انا استفربت وجودها بس مش اكتر هى بقت متجوزة وانا ماينفعش افكر فيها باى شكل المفروض مراتى تكون واثقة فية عدم الثقة بينا هيهد كل حاجة هتهد حبنا وحياتنا مع بعض ...
مازن بدموع يتصل على حسام اخية
حسام .حبيبى يا ميزو الف مبروك على الافتتاح
مازن. الله يبارك فيك عامل اية
حسام .تمام معلش كان نفسى احضر بس لسة فى شغل هنا ورايا كتير بارك لفريدة
مازن .يوصل ياحبيبى المهم خلى بالك من نفسك هترجع امتة
حسام .بعد يومين
مازن .تيجى بالسلامة يادوب تخلص آخر صفقة وترجع تجهز لفرحك بقى
حسام  .اة طبعا انا بقى هاخد اجازة شهرين عسل مش شهر واحد انا بقولك اهو هههه
مازن بحب. حقك طبعا يا حبيبى انت تعبت كتير معايا والله لو تطلب عنية ادهالك ياقلب اخوك
حسام .تسلملى ياكبير بس انت كويس
مازن بابتسامة الم. اة يا حبيبى كويس جدا
حسام. بجد يا مازن بس صوتك مش عاجبنى
مازن بضحكة تدارى وجعة. هههههه لا ياراجل عشان عايز انام بس وكنت تعبان من دوشة الافتتاح
حسام .طيب يا حبيبى تصبح على خير
مازن .وانت من اهل الخير ياحبيبى ....
مازن بشرود .اقولك اية بس يا حسام اقولك انى محتاجك دلوقتى نفسى ارتمى فى حضنك وتخفف عنى يا اخويا وان من غيرك  حاسس بالضياع ....
...........
فى الصباح الباكر استيقظت ملاك وهى تشعر بالقلق على صديقتها وبعد أن اخذت شاور وارتدت ملابسها وصلت فرضها ذهبت لتيقظ زوجها.
ملاك بحب. احمد قوم بقى مش عندك شغل
احمد بكسل .هى الساعة كام
ملاك. 8 قوم بقى
احمد بابتسامة طبع قبله حانيه على وجنتها . طب مافيش صباح الخير الاول
ملاك بابتسامة. صباح الخير الاول بطل كسل وقوم بقى الحمام جاهز ولبسك اهو انا هشوف بابا
احمد بحب. تعالى هنا صاحية بدرى ومحضرة كل حاجة ايوة بقى بداية موفقة لعملك الجديد صح
ملاك بابتسامة. صح طبعا انا بقيت مسئولة عن شغل وماحبش أى تقصير يحصل فية دة شغل بقى وتعاقد وحاجات كبيرة هههه
احمد.ههههه ايوة ياعم المهم ربنا يوفقك ياحبيبتى أى خدمة انا موجود
ملاك بابتسامة. وانت بقى هتصمم هندسى ولا هتصمم ازياء ههه
احمد بغمزة .انا عشانك اصمم أى حاجة ياقلب احمد
ملاك بحب. طب قوم ياقلب ملاك هتتاخر كدة
.........
ملاك بحب تقبل والدها
حودة حبيب هارتى من جوة صباح الفل عليك
محمود بابتسامة. صباح السعادة والجمال اية الروقان دة
ملاك. احم احم بقينا لينا وضع فى البلد بقى وعندنا اشغال ومهمات وكدة يعنى ههههه
محمود .ربنا يوفقك ويسعدك ياحبيبة حودة
احمد.وحبيبة احمد كمان ههه صباح الخير ياعمى
محمود .صباح الخير ياحبيبى
احمد. ملاك متحمسة بقى للشغل بكرة ماحدش يعرف يكلمك ياجميل هتبق عالمية
ملاك بابتسامة. عالمية مرة واحدة
محمود .ان شاء الله
احمد. طب الرسم والمرسم هتعتزلية ولا اية
ملاك. لا طبعا المرسم حياتى ووجودة مهم ومش اقدر اعتزلة طول ماانا عايشة بس التصميم شغلى وطموحى انا والبتات نكبر الشغل دة ومانتخلاش عن موهبتنا بردو وعندى امل طبعا اعمل معرض واعرض لوحاتى بس بعدين دلوقتى تركزى فى حاجة واحدة عشان اعرف ادقن عملى
احمد بحب. ياسلام على الكلام والله انتى عسل تحبى اوصلك معايا .
ملاك. لا هروح بعربيتى ميرسى ودلوقتى استودعكم الله
احمد بحب. خلى بالك من نفسك وسوقى على مهلك
..............
بعدها توجة احمد إلى عملة أيضا......
......
خرج مازن من غرفة المكتب وتوجة إلى غرفة حسام اخية بدل ملابسة وارتدى ملابس حسام  وخرج من المنزل دون أن يذهب إلى غرفتة ويقابل فريدة .. ......
وصل بعد فترة إلى شركتة وبدأ بالانشغال بعملة...
استيقظت فريدة وعلمت أن مازن لم ياتى إلى غرفتهم امس وتوجهت الى أسفل تسال عنة الدادة..
فريدة .صباخ الخير يادادة هو مازن خرج
الدادة. صباح الخير ياحبيبتى ايوة خرج من بدرى حتى مارضيش يفطر احضرلك الفطار
فريدة .لا ماليش نفس .
.....
صعدت فريدة إلى غرفتها مرة أخرى وتحدثت مع نفسها.
فريدة .ماشى يا مازن ماهنش عليك تصالحنى وانا إللى كنت عملالك مفاجاة وعايزة افرحك .
كانت تضع يدها تلامس بطنها برفق
كنت هقولك انى هجبلك ابن شبهك لكن ماتستهلش...
............
وصلت ملاك الشركة الخاصة بيهم وتوجهت إلى مكتبها..
وبداءت تعمل على الحاسوب الخاص بها ودلفت حبيبة إليها
حبيبة .موكا حبيبتى ازيك عاملة اية
ملاك. تعالى ياختى مانمتش طول الليل قلقانة على فريدة هى ماجتش
حبيبة .ولا هتيجى انت عارفة فريدة ودماغها بس إللى انا مستغرابة انها مااتصلتش ولا حكت حاجة
ملاك بقلق .يارب خير بعد الشغل هعدى عليها تيجى معايا
حبيبة .طبعا لازم نطمن عليها هشوف مكتبى بقى سلام يا مزة

ملاك بابتسامة. سلام ياختى
..........
اتصلت ملاك على احمد وأبلغته انها تريد أن تذهب الى فريدة وتطمئن عليها ووافق.
احمد. اوكية ياحبيبتى وانا بعد الشغل هعدى اشوف ماما عايزة حاجة
ملاك. اوكية هبق اعدى عليك هناك بعد لم اطمن على فريدة
احمد. بجد هتيجى
ملاك. لو عايز تكون براحتك خلاص بلاش اجى
احمد بحب. انا بكون براحتى وانت دايما معايا ياملاكى هستناكى بقى هناك وخلى بالك من نفسك بالك من نفسك
ملاك. حاضر مع السلامة
........
فى انتهاء اول يوم عمل يخص ملاك
ذهبت ملاك وحبيبة إلى بيت فريدة