أعشق ملاكي

الفصل الثالث عشر

فى النادى
ملاك .كفايا بقى تدريب
احمد.مش انتى عايزة تدربى هههه تعبتى لية تسابقينى
ملاك. اممم اسابق بس جرى تعالى فى تراك الجرى
احمد .لا جرى لا هتتعبى
ملاك. امال نسابق فى اية
احمد. اشوف تعليمى بنفسى تعرفى تنشنى وتصيبى الهدف ولا اية راح تعبى ومجهودى هههه
ملاك. لا طبعا تعرف ان كان نفسى ادخل شرطة
احمد باستغراب. بس عمرك ماقولتى حاجة زى كدة
ملاك. عشان دة كان حلم جوايا نفسي كنت احققه عشان خاطر بابا لم استقال زمان عشان يفضل جنبى ساعات كنت بحس بالذنب ان بابا يسيب شغله إللى بيحبه واتمسك بيه وكان ناجح فية عشان كدة كان نفسى اعوضه واكمل حلم هو حلمه
احمد بحب. حبيبى انتى فاهمة غلط مش عشان انتى سبب فى بعد عمى عن شغله بالعكس انتى سبب كون عمى موجود وسطينا دلوقتي ، بابا دايما كان يقولى لو ملاك مش موجودة فى حياة محمود ماكنش محمود معانا دلوقتي عمى كان بيحب مامتك اوى وانهار بجد لم اتوفت ولولا وجودك فى حياة عمى وصبره وقواه وخلاة يكمل حياته بلاش تقولى حاسة بذنب دة تانى
ملاك. تعرف ان حتى الحلم دة بابا مايعرفوش عشان كنت بسألة من تحت لتحت كدة اية مواصفات ظابط الشرطة وطبعا انا مانفعش عشان اول حاجة لازم لياقة بدنيه وصحة جيدة بدون أى مرض مذمن وطبعا انا فشنك ههه
احمد. ملاك مالك ياحبيبتي فى حاجة زعلانة من حاجة احكيلي ياقلبى مالك
ملاك. عادى يااحمد بتكلم معاك عادى بس مافيش حاجة
احمد. بصيلى هو انا ماعرفش ملاكى الصغير بيفكر فى اية ، ولا اية شكلك فى حاجة بصى فى عنية وقولى مالك عشان بجد هزعل منك
ملاك. هههههه اية جو الدراما دة ههههه
احمد لنفسة .واثق ان فى حاجة وهعرفها مهما حاولتي تخبى
احمد. مين عرفك بغسان
ملاك. هو فى غيره زياد حبيبى هههه
احمد. ملاك قولت اية
ملاك. فك يااسطى
احمد. بس مااشوف زياد مبوظلك اللغة قدامى ياختى .......
فى فيلا عمر الالفى
زياد .حبيبة بيبو قومى يابت بطلى نوم بقى مش هنروح نزور مامتك وباباكى قومى بقى
حبيبة. بجد هنروح لماما وبابا ياحبيبى يا زياد بموت فيك
زياد .وانا بموت فيكى
توجة زياد وحبيبة إلى بيت والدها وقضاء اليوم بمنزل اهلها
.......
فى بيت مازن وفريدة
فريدة .مازن ممكن نزور ماما وبابا أصلهم واحشونى اوى
مازن .اكيد طبعا يا حياتي نروح انهاردة عشان بكرة هنزل الشركة كفايا حسام شايل كل حاجة لوحده
فريدة .اوكية طب وشركتنا
مازن .هههه شركتكم عايزة دعاية وعايزة موظفين ولا هتشغلو الشغل لوحدكم
فريدة.ياعم ماهو مكتب صغير واحنا تلاتة نقدر نشغله وممكن نجيب سكرترية وحد عشان البوفية وبس
مازن .ههه والله بصى بقى ياقلبى انا واحمد هنظبطلكم كل حاجة وانتو بس عليكم تحضرو الافتتاح وتبدءو شغل وبس ماتشغليش بالك يا حياتي ماشى
فريدة بغيظ .مازن بلاش تقولى حياتي من فضلك
مازن. اية لية ماانتى فعلا حياتي وقلبي وروحي وعمري
فريدة .انا أسمى فريدة بس ماشى
ومن ساعة ماعرفنا بعض وانت مابتقولش اسمي خالص مابتقولش غير حياتي لية انا مش حياة انا فريدة ديدا وممكن اعرف اسمى صعب تنطقو لية لية اتجوزتنى لم لسة فى قلبك حياة ومابتقولش غير حياتي
مازن بصدمة .اية الجنان دة كل دة جواكى عشان بقولك حياتي وفيها اية ماانا بقولك قلبى وحبيبتي اية دايقك اوى كدة من حياتي انا غلطان ياستى ومش هقولك أى كلمة هتزعلك تانى وعايز اعرفك مافيش فى قلبي غيرك انتى يا فريدة وأجهزى عشان نروح نسلم على طنط وعمى وانا هستناكى فى العربية
وخرج مازن فى قمه حزنه فإنه يحبها حقا لماذا فكرت بهذا الشكل وزواجهم لم يتجاوز شهر فهذة بداية غير محببه ويحاول أن لا يغضب ويكتم انفعاله
.....
فريدة بدموع .هو انا أسرعت وظلمته فعلا ولا هى دى الحقيقة دة مابقوليش اسمى خالص يعنى مجوزنى عشان ينسى حياة ومش همة قلبى يتكسر وكل شويا يفكرنى يقولى حياتي اكيد كان بيقولها حياتي
....
ظلت فريدة شاردة تفكر هل فعلت الصواب ام تسرعت فكلام مازن لم يهدى من ما بداخلها
........
قاد سيارته واصطحبها لمنزل والدها ، وطوال الطريق كل منهما شارد فى افكاره ، قطع مازن ذلك الصمت

مازن .فريدة من فضلك ابقى افردى وشك وابتسمى حتى انتى لسة عروسة وبلاش تقلقيهم من اول شهر جواز
فريدة .طيب حاجة تانية
مازن .لاء