أعشق ملاكي

الفصل الخامس عشر

ظل شارد فى حياتة ماذا فعل فى حقها ليستحق هذا العتاب فمنذ انا رائها وهى حقا استحوذت على قلبة وتفكيرة انها حقا يعشقها هى زوجتة الحبيبة وليس غيرها....
تفاجأ بوجودة فى الجنينة
حسام باستغراب. مازن مالك قاعد هنا بتعمل اية دلوقتى
مازن .عادى كنت بفكر فى الشغل عشان نازل بكرة وفى كام حاجة فى دماغى
حسام .ياعم انت عريس اطلع ارتاح وبكرة يحلها حلال
مازن .قولى كنت فين
حسام .عند مراتى هههه امتة بقى تبق فى بيتى
مازن .هانت ياعم بكرة تقول ياريت فضلت سنجل ههههه
حسام .اوبا انت زهقت من اول شهر جواز الناس تزهق بعد سنة مش شهر يا عريس
مازن .ههههه كلام وحياة اخوك
حسام .طب قولى يا اخويا مالك مش فى المود لية واوع تخبى عشان عنيك الحزينة فضحاك
مازن بتنهيدة..اةةة
حسام .مالك بجد
مازن .فريدة ياحسام مفكرة ان لسة بحب حياة وكل دة لية عشان بقولها ياحياتى تخيل
حسام بجدية .يمكن حست بحاجة جواك اية يخليها تقول كدة لمجرد كلمة
مازن .بتقول انى مش بقول اسمها ودة صور لها انى مابحبهاش عشان بقولها ياحياتى ياقلبى ياعمرى طب اعمل اية يعنى مش فاهم قولى انا غلطان فى اية علاقتنا بقالها اكتر من سنة ودلوقتى اتجوزنا لية بقى مشاكل وتفكير غلط من اول جوازنا امال بعد سنة ولا اتنين حياتنا هتكون ازى  مش فاهم انا والله
حسام .طب اهدء ياعم انت تعالى نتكلم بالعقل هى حست منك نفور بتتجاهلها ومابتحسيهاش بالحب والأمان مش بطمنها وبعدين اكيد نفسها تسمع اسمها منك هى عايزة يكون لك اسم خاص تندهلها بية ماحدش غيرك يندها بية هم الستات كدة مجانين وليهم تفكير غريب شويا
مازن. انا عمرى ماحسستها باى نفور ولا بسرح وانا معاها وانا شايفها فريدة مش حياة وكنت ناسى حياة خالص هى إللى فكرتنى بيها ودة كلة عشان بقولها يا حياتى قالت انا مش اسمى حياة شوفت تفاهة اكتر من كدة
حسام .هههه بصى بقى ياكبير وانا هقولك تعمل اية وتتصرف ازى  أى ست فى العالم مهما كانت بتحب جوزها وتثق فية بس لم تحس كان فى واحدة غيرها فى حياتة بتغار وتجنن حتى لو العلاقة منتهية من سنين بس طبع  الست كدة بتحب تمتلك حبيبها لوحدها وبس والغيرة مسموح بيها فى الحب مافيش مشاكل المهم انت تتصرف معاها صح
مازن .اعمل اية افهمها ازى ان مافيش غيرها فى حياتى يوةةة بقى طب الغى الكلمة دى ازى من الحياة ههههه
حسام .هههههه حياتى ياميزو والله فريدة مجنونة بيك وبتحبك كبر دماغك واستغل غيرتها بقى ياكبير
مازن .استغل غيرتها اعمل اية
حسام.انا هخليها تيجيلك وتقولك اسفة سامحنى مش قصدى
مازن .ياسلام وهتعمل اية بقى يا فالح
حسام .انا اقولك اية يخليها تخضع وانت بقى روضها براحتك يامعلم اهم شئ تعمل.............
مازن بتفكير.تصدق صح
حسام .طبعا اثق فى اخوك
مازن .ههههههه  ياخوفى لضيعنى هههه
حسام .عيب عليك يا برنس
مازن. اما اشوف اخرة الجنان اية تصبح على خير بقى عشان عندى شغل كتير سلام
حسام .وانت من اهله. سلام .ربنا معاك يا حياتى هههههه
مازن .ههههه
....
صعد مازن إلى غرفتة وجدها مازالت تمثل النوم غير ملابسة ونام بجوارها بدون أى كلام .....
فريدة لنفسها .ماشى يا مازن دة ماهنش علية يقولى اسف ماتزعليش منى والله ماانا معبراك ها بقى .......
فى فيلا عمر الالفى
وصل زياد وحبيبة إلى بيتهم.
رؤى .حمدلله على السلامة
زياد .الله يسلمك يارورو تصدقى وحشتينى اوى
رؤى .بطل بكش اتعشيتو ولا احضرلكم العشا
حبيبة .تسلمى يا ماما اتعشينا
زياد .عن اذنك يا رورو اخدت مراتى بقى فى كلام سر بينا لسة ماخلصش
حبيبة ضربتة فى كتفة. بطل قلة ادب عيب
رؤى بابتسامة .احترم نفسك وفى اوضتكم قول إللى انت عاوزة تصبحو على خير
زياد.وانتى من اهلة يا عسل..
وصل غرفتهم
حبيبة. زياد بطل تتكلم كدة قدام اهلك او اهلى كدة عيب
زياد. عيب لية مشين مع بعض ولا شاقطك من شارع الامم هههههه يابيبو انتى مراتى ياقلبى وقلة الادب مسموح بيها فى الجواز عادى خالص هههههه
حبيبة .انت هتبق دكتور المفروض تكون اعقل من كدة
زياد .ههههه انا مجنون فى الحب بس يا حبيبة القلب لكن تعالى شوفينى فى المستشفى هتفرحى بجوزك اوى وتفتخرى بية يابت محسبوك الاول على الدفعة 6سنين والامتياز بقى تخصصى بس محتار أتخصص فى اية
حبيبة. إللى انت شايف نفسك فية اكتر
زياد. محتار ساعدينى أتخصص نساء وتوليد ولا اطفال ولا باطنة ولا قلب ولا مخ واعصاب ولا ..
حبيبة .كل دة لا بلاش نساء وتوليد خليك اطفال لا لا بلاش كمان اطفال
زياد .لية
حبيبة .بلاش نساء كل الستات هتجيلك وكمان الأطفال كمان الامهات هى إللى هتجيب عيالها يكشفو عشان يعكسوك لا ماسمحش انا جوزى ليا انا وبس
زياد بغمزة. بتغارى علية ياقلبى
حبيبة .ايوة مش حبيبى وجوزى وصاحبى وكل حياتى
زياد .ياخرابى مااقدرش انا على كدة تعالى نتكلم جد بقى سيبك من التخصص دلوقتى ههههه
........
ذهب الابطال إلى النوم
.......
فى صباح اليوم التالى
استيقظ احمد ووجد ملاك فى سبات عميق توجة إلى الحمام واخذ شاور وارتدى بدلة رمادية اللون وقميص ابيض ووضعة عطرة المفضل ورفع شعرة لاعلى وتقرب إلى ملاك وقبلها برفق لا يريد أن تستيقظ يعلم انها مرهقة ومتعبة واستسلمت لنوم بعد قلق
وترك لها ورقة بجانبها
....
نزل إلى الأسفل وجد عمو محمود مستيقظ على سفرة الطعام
احمد. صباح الخير ياعمى
محمود بابتسامة. صباح الخير يا حبيبى نازل الشغل امال فين ملاك
احمد. ملاك لسة نايمة اصلها نامت متاخر امبارح وانا عندى شغل كتير ولازم انزل بقى
محمود .ربنا يعينك
احمد. عمى كنت عايز اخاد ملاك لدكتور عشان تأجيل الحمل
محمود .اممم طب اتكلمت مع ملاك
احمد. لا انا خايف عليها وعارف انها مش مستعدة بس هى مابتاخدش موانع وانا قلقان عشان مايحصلش حاجة ممكن تضرهتا
محمود. خلاص يابنى اتكلم معاها وخدها لدكتور كويس يفهم حالتها ويقولك تعملو اية وكلة خير ان شاء الله
احمد. ان شاء الله
محمود .احمد خدها لدكتورها الاول إللى متابعة معاه وبعد كدة تروح لدكتور نسا كويس واى علاج يكتبة لازم تعرضة على دكتور امجد الاول
احمد. اكيد ياعمى
محمود .انا عارف ان صعب عليك تأجل الموضوع دة بس ربنا كبير وهيرزقكم انا واثق فى ربنا
احمد. والله ملاك اهم حاجة عندى واحنا لسة يعنى عرسان بعد سنة ولا اتنين نفكر تانى المهم صحة ملاكى انا ماشى بقى
محمود. وانا كمان عندى شغل مهم كان نفسى اشوف ملاك قبل مااخرج
احمد. هههه اطلع شوفها مافتكرش انها هتصحى دلوقتى عشان تعبانة شويا
محمود بقلق .مالها فى اية
احمد .تعب كل شهر ماتقلقش
محمود.اة طيب
......
بعد مدة وصل احمد لمقر شركة الهلالى والجميع يبارك له إلى أن وصل مكتبة.
السكرترية .حمدلله على السلامة يابشمهندس
احمد. الله يسلمك ياتقى لم مستر ياسين يوصل ادينى خبر
تقى. تحت امرك ياافندم
.......
صعد محمود إلى غرفة ابنتة وجدها نائمة قبلها برفق وخرج مرة اخرى من الغرفة
.....
محمود لنفسة. لازم اعمل حسابى لغدر العدو عشان الخيانة فى دمة لازم اتوقعها ولازم ملاك تكون فى امان وحسابة هيكون عثير لو فكر يتعرض لبنتى..
......
استيقظ مازن واخذ شاور وارتدى ملابسة ووضع عطرة المفضل وقبل فريدة وترك الغرفة
وجد الدادة تعد الافطار
مازن .صباح الخير يا دادة صباح الخير يا حس
حسام. صباح الفل ياعريس
الدادة .صباح الخير ياحبيبى فين مراتك مش هتفطر

مازن .لم تصحى براحتها
حسام .افطر عشان نبدا الشغل فى صفقات مهمة فى انتظارك
مازن .تمام يلى بينا
حسام .اوكية يلى
......
توجه إلى شركتهم الخاصة وبداو فى مباشرة العمل .....