လောကကြီးဆိုတာ မတရားမှု့တွေနဲ့ ပြည့်နှက်နေတယ်။ ချည် အတွက်ဆို လောကကြီး ရန်သူတစ်ယောက်လိုပဲ။
ဒါဟာ ချည်က အများနှင့်မတူ တစ်မူထူးနေလို့ ဖြစ်လိမ့်မယ်။
ချည်ရဲ့ အကြောင်းကို စပြောရမည်ဆိုလျှင်၊ ချည်က လူတစ်ယောက်ပေါ့။
ချည် နေထိုင်တဲ့ ကမ္ဘာမှာ လူအမျိုးအစား သုံးမျိုးရှိတယ်။ Alpha ရယ် Beta ရယ် omega ရယ်။ လောကကြီးက ချည် အတွက်မတရားရခြင်းရဲ့ အစက လူအမျိုးအစားသုံးမျိုးရှိနေတာကြောင့်ပဲ ဖြစ်တယ်။
ဒါကလောကကြီးကိုပဲ အပြစ်ပုံချလို့ရတာတော့ မဟုတ်ပါဘူး။ လူ့အသိုင်းအဝိုင်းကလည်း တစ်စိတ်တစ်ပိုင်း ပါဝင်နေလို့ မဟုတ်ပေလား။
ချည် နေထိုင်လောကကြီးရဲ့ လူတန်းစားခွဲခြားပုံက သုံးဆင့်ရှိတယ်။
ပထမ အဆင့်က Alpha တွေ၊ Alpha တွေက လူမှု့အသိုင်းအဝိုင်းရဲ့ ထိပ်တန်းတွေ၊ လူတွေက သူတို့ကို အထင်ကြီးကြတယ် လေးစားကြတယ် ရှိန်ကြတယ် ကြောက်ကြတယ်။ ဘာကြောင့်လည်းဆိုရင် Alpha ဆိုတာ အင်အားအကြီးဆုံးဖြစ်လို့ပါပဲ။
ဒုတိယအဆင့်ကတော့ Beta ပါ။ Beta တွေကတော့ Alpha တွေလောက်မသန်မာပေမယ့် သန်မာတဲ့ အထဲတော့ပါ၏။ Betaတွေ ဒုတိယအဆင့်ဖြစ်ရတဲ့အကြောင်းအရင်းက Omega တွေက အားအနည်းဆုံး ဖြစ်နေလို့ပါပဲ။
ဒီတော့ တတိယအဆင့် Omega ပေါ့။ Omega တွေက လောကမှာ အနူးညံ့ဆုံး အလှပဆုံးနဲ့ အသိမ်မွေ့ဆုံး လူသားလေးတွေ ဖြစ်ကြတယ်။ ဒါပေမယ့် သူတို့ကို Alpha တွေက ပစ္စည်းတစ်ခုလို သဘောထားကြတယ်။ ကြီးနိုင်ငယ်ညှင်း လုပ်တယ်။ မလေးစားကြဘူး။ အလုပ်ရဖို့လည်း အလွန်ခက်တယ်။
Omega တွေက ပျော့ညံတယ်၊ betaတွေနဲ့ ယှဉ်ပြီးတောင် အလုပ်မလုပ်နိုင်ဘူးဆိုပြီး နှိမ်ချဆက်ဆံကြတယ်။ ဒါဟာ ခံပြင်းစရာ အကောင်းဆုံးပါပဲ။ အဆိုးဆုံးကတော့ မိဘတွေဟာ omega တွေကို မွေးလာတဲ့အခါ ၁၈နှစ်ပြည့်တာနဲ့ အိမ်ထောင်ချပေးကြတယ်။ အိမ်ထောင်ချပေးတဲ့အခါမှာလည်း ပစ္စည်းတစ်ခုလိုပါပဲ။ ပစ္စည်းဥစ္စာအများဆုံးနဲ့ တင်တောင်းနိုင်တဲ့သူဖြင့်သာ omega ကို အိမ်ထောင်ချပေးတယ်။
