عشق يافع

♥اعلان♥

.
وصل يافع إلي الباب الخارجي للمنزل حتي قفز اليه عمار الصغير يحتضنه وهو يقول:

- جبتلي حاجه حلوه؟

حرك رأسه بالنفي قبل أن يحمله فوق كتفيه بملاعبه وهو يهتف:

- دا انت ليلتك سودا معايا النهارده

ثم دلف به سريعا إلي غرفتهم المشتركه واغلق الباب بهدوء واقترب من الفراش ثم انزله بخفه وجلس بجواره وهو يقول:

- بقا بتقول لكريم يجي ياخد درس هنا من غير ما تقولي يا عمار

اجابه مسرعا ببراءه:

- ما هو مش بيفهم من الميس التانيه الوحشه دي لكن ميس روان بتدلعني وبتحبني

صر علي اسنانه بغضب ثم هتف بضيق:

- بتدلعك ازاي يعني

عقد ذراعه امام صدره وقال بعفويه:

- مش هقولك مادام مجبتليش معاك حاجه حلوه

اسرع يافع باخراج قطعه الشوكولاته المغلفه من جيب بنطاله وهو يقول:

- ايه رأيك

نظر عمار إلي الشيكولاته بسعاده وهو يلتقطها مسرعا من بين يديه واجابه قائلا:

- كدا تسأل وأنا اجاوب

كرر يافع سؤاله مجددا بلهفه:

- بتدلعك ازاي ميس روان؟

ابتسم عمار وفمه محشو بقطعه شيكولاته ثم اجابه:

- يعني لما بجاوب حلو بتكون مبسوطه مني وبتبوسني

ردف وهو يضغط علي حروفه بنبره غضب:

- وهي متعوده تبوس كدا كل الفصل في المدرسه

أومأ عمار بهدوء وهو يعقب:

- طبعا عشان كدا كلنا بنحبها

مرر يده فوق ذقنه الناميه محاولاً تهدأت شعور الغيره الذي تسلل لقلبه الذي نبض بعد ان كان ميتا منذ أن انتقلت هي وعائلتها إلي الطابق العلوي ووقعت عيناه عليها وجلبت معاها الاعصار الذي قلب كيانه!!

تنهد عميقا وهو يري تأفف عمار الجالس امامه بتذمر:

- أنا عايز العب في الشارع بقا

فرك اسفل عنقه بحرج علي ما فعلته به فهي من جعلته يحتاج إلي ذلك الصغير كان يبتلع ريقه بغضب متشدقا حروفه:

- ايه رأيك هجبلك بكرا شيكولاته أكبر من دي بس تسمع الكلام وتقعد

بلل عمار شفتيه بلهفه وهو يجيب: 

- هتجيبلي اتنين مش واحده

أومأ رأسه بالموافقه وهو يقترب منه متسائلا:

- احكيلي شوفت ميس روان في المدرسه النهارده أنا عاوز تفاصيل اليوم كله من أوله لأخره يا بطل

اجابه عمار بهدوء:

شوفتها في الفسحه بس كانت مع ميس ملك ومستر حسن

زفر يافع بضيق وارتفع وتير صوته بغضب:

- مين حسن دا كمان وقاعد معاها ليه

عقب عمار بما حدث:

- كان بيعملها شاي

أخبره بغضب عنيف يخرج من بين اسنانه:

- عمار أنا ال هوديك بكرا المدرسه فاهم

هز رأسه بالموافقه قبل أن يشير له يافع بالخروج وقد ظهرت الانفعالات التي تمور به علي وجهه وهو يهمس في سره:

- هلاقيها منين ولا منين كمان طلع فيه زفت حسن

فوت وكومنت يلا 😂💃
وننزل بالمواعيد 🤭