بسم الله الرحمن الرحيم
"إن الله وملائكته يصلون على النبي يأيها الذين آمنوا صلوا عليه وسلموا تسليما"صدق الله العظيم
دخل الطارق الذي قطع حوارهم، لعنته منال في نفسها
هتلر.... بذهول.... بتعملي إيه يأسيا إهنه دلوجتي؟
آسيا... هتلوري كنت عاوزه اتكلم معاك في حوار
منال.... إنتي جايه تعملي إيه إهنه؟ إنتي متعرفيش ان محدش بيدخل جناح هتلر غيره هو وانا وبس؟
آسيا... بسخرية.... بجد ليه مربيين أسد وخايفين حد يخش؟
منال.... عاوزه إيه ؟داخله جناح راجل متجوز هو ومرته ليه في الساعه دي؟
ضحكت آسيا بقوة.... بجد يالولو ،طيب انا عاوزه اتكلم مع هتلوري شويه، ينفع؟ بس ياريت يبقى على إنفراد
منال.... بغيظ.... ليه إنشاء الله؟ عاوزه جوزي في ايه؟ في وقت متأخر زي ده؟ ماتتكلم ياهتلر؟
هتلر..... يمثل الغضب... إطلعي بره إنتي وهيا مش ناجصة صداع على المسا
رفعت آسيا حاجبها بسخريه... طيب إطلعي يلا ياطنط، عاوزاه في حاجة
هتلر.... طيب يامنال إطلعي روحي إنتي ودجيجة اشوفها عايزة ايه وهتطلع ونكملوا كلامنا بعدين
منال... بعدين؟ لو هي عايزة حاجة كانت تستنى للصبح له عينين، أو تتكلم معاك في مكان غير ده، مش دي الأصول برضه ولا بنات مصر مابيفهموش الأصول؟
هتلر.... بغضب... خلاص بجا يامنال هي مش مناحه، اخرجي، وبعدين إوعي في يوم تنسى نفسك إنتي وهيا إني هتلر، إيه مش مالي عنيكم انا؟
خرجت منال بخوف ترتعب ولكن الغيظ والحقد يملاءان قلبها تجاه آسيا
والتي غيرت وقلبت حياتها فبعد إقتحامها بحياتها أصبح هتلر شخصا اخر غير الذي تعرفه، ولكنها لن تسمح بأن توقع هتلر في غرامها فهي أحق به لأحد سواها، لقد حان الوقت لأخذ موقف تجاه آسيا ومحاولة طردها من حياة هتلر للأبد
هتلر.... بحب... خير يأسيا عاوزه ايه في وقت زي ده. ؟
آسيا... بمكر.... ابدا مش عايزة حاجة
ثم توجهت لأقرب كرسي وجلست واضعة قدم على أخرى بدلع مما آثار دهشة هتلر ولكنه ممتن لها حقا لأنها انقذته من أسئلة منال، رغم انه متعجب من نفسه انه هتلر وممتن بهذا الشكل؟ هل الوقوع في الحب جعله ضعيف؟ لا لا الحب يجعل الشخص قوي، لن يضعف مهما كان الثمن ولن يترك آسيا مهما كلفته حياته
هتلر... نعم، عاوزه ايه؟ ماهو انا مش فاهم، واقفه قدام منال تأوحي وتقولي عاوزه هتلر في حوار ولما تمشي تقوليلي ابدا مفيش حاجة ؟ إيه الحكاية؟
آسيا... بدلع... اصل بصراحه ياهتلوري، عرفت ان منال جات عندك وكان باين علي وشها كدا شر، فقولت انقذك منها واتحججك اني عايزاك، عملت الصح مش كدا؟
هتلر... بسخرية... تصدقي عملتي الصح، اصلي انا طرطور وضعيف مش هعرف اصرف منال لو مش عايزها، ماتنسيش انها مراتي، وهي الوحيدة اللي من حقها تدخل جناحي، إنتي بقا داخله بأي صفه؟
آسيا... بدلع.... تصدق لايق عليك لغة القاهرة احسن من الصعيدي، بصراحه مش لايقه عليك،، حباك في دي أوي
هتلر... بغضب.... إنتي بتغيري الموضوع ليه؟ داخله هنا بصفتك ايه؟
VOUS LISEZ
أين أنتِ من قلبي (متوقفة)
Romanceليست مغرورة، أو بريئة ،إنما هي شيطانة صغيرة، ولدت ليكون الشارع بيتها والتشرد حياتها والخبث والمكر أساليبها ،تدخل حياته تقلبها رأسا على عقب أما هو هتلر الصعيد أو بمعنى أصح سيد بلدته وكبيرها، ليس عمدتها ولكن يحكم البلد بقانون أقوى من العمودية والبشوية...
