بسم الله الرحمن الرحيم
الله لاإله إلا هو الحي القيوم واتوب اليه عدد خلقه ورضا نفسه وزنة عرشه ومداد كلماته
لأحد يعلم مالذي تخبئه له الحياة، وماإن كانت حقيقة أم زيف، فأحيانا نعيش مشاعر وعاطفة ثم نتفاجئ أنها كانت مجرد خداع عاطفي
مالذي ياترى يخبئه القدر أكثر من ذلك
في المستشفى
كانت تتألم من ألام جسدها السطحية هذه ولكن لتجد نفسها بدلا من الحزن على جراحها كانت تبكي وتتألم من ذكريات الماضي التي اجتاحت عقلها فجأة بعد معاناة من أجل نسيانها
دخلت الممرضه عليها بأسف
الممرضه.... للأسف النتيجة طلعت سلبيه
آسيا.... بدهشة.... مش فاهمة قصدك على ايه؟ النتيجة مالها؟ يعني ايه سلبيه؟
الممرضه.... يعني مش هينفع تتبرعي للراجل اللي محتاج زرع كلية ضروري، لأن انتي مش متطابقه معاه، يعني الأنسجة مش زي بعضها
آسيا.... كنت عاوزه أتم عمل الخير ده
الممرضه.... معلش بقا ماهو مش بالعافيه، بس هو انتي في وعيك عشان تتبرعي بحتة من جسمك لحد ماتعرفيهوش؟
آسيا.... لما تحسي ان الحد ده بيفكرك بالماضي بتاعك، وانك خسرتي حد غالي عليكي وحتى من غير ماتعرفي هو بيعاني من ايه وتخسريه
لما تحسي بفقدان حد عزيز عليكي، ايا كان الشخص اللي انتي هتروحي تتبرعيله وايا كان حلو او وحش بس بتمنعي تشوفي خد بيتألم بمرض خبيث تاني
الممرضه... كلامك ملخبط مش فاهماه، بس اللي قدرت استوعبه، شكلك مريتي بحاجة زي كدا، ربنا يكتر من أمثالك، قليلين اللي تلاقيهم طيبين زيك في الزمن ده
ضحكت آسيا بسخرية..... زي؟ طيبين زيي؟ بلاش زيي دي عشان محدش يندم في النهاية
الممرضه.... إنتي كلامك عامل زي لغز، مش فاهماكي، بس انتي شكلك مش من الصعيد خالص، مش إجده ؟بس ازاي انتي متجوزه هنا
آسيا.... ايوة ياستي لهجتي ولبسي لاني كنت عايشة في القاهرة
الممرضة.... وازاي جوزك سامحلك....
قاطعها دخول الطبيب.... إنتي قاعدة تحكي هنا وسايبة المريض، مش هتبطلي الداء ده؟ فين البنت اللي كنتي بتقولي عايزة تتبرع وريني ملفها
الممرضه.... بتوتر.... ابدا يادكتور انا كنت هرجع للمريض
الطبيب... هاتي الملف بتاع المتبرعه
أعطته الملف ليلقي عليه نظره متفحصة على نتائج التحاليل ثم تكلم بدهشة...... طيب ايه المانع؟ ماهي متطابقه بنسبة 99 ٪ايه مانع انها تتبرع
الممرضه.... يادكتور اصل
آسيا.... بتدخل.... أنا مش فاهمة بالظبط؟ إنتي مش قولتيلي، اني مش متوافقة معاه؟
الطبيب.... بالعكس دانتي اكتر واحدة متطابقه معاه جدا بصورة كبيرة كان فيه صلة بينكم، لأن النسب دي بتبقى لما يبقى فيه قرابة او صلة
دق قلب آسيا بعنف وبدأت تتأوه قليلا من دون سبب
الطبيب.... حسابنا بعدين، المهم جهزيها طالما هي مستعدة للتبرع، ويلا عشان معندناش وقت
VOUS LISEZ
أين أنتِ من قلبي (متوقفة)
Romanceليست مغرورة، أو بريئة ،إنما هي شيطانة صغيرة، ولدت ليكون الشارع بيتها والتشرد حياتها والخبث والمكر أساليبها ،تدخل حياته تقلبها رأسا على عقب أما هو هتلر الصعيد أو بمعنى أصح سيد بلدته وكبيرها، ليس عمدتها ولكن يحكم البلد بقانون أقوى من العمودية والبشوية...
