နတ်ဘုရားတွေအုပ်စိုးစဉ်ကာလမှာ အရမ်းကျော်ကြားတဲ့ စစ်နတ်ဘုရားတစ်ဦးရှိခဲ့တယ်။သူကအရမ်းလဲတော်သလိုအရမ်းလဲမာနကြီးတယ်။စစ်နတ်ဘုရားဖြစ်နေတာကြောင့် ယောကျ်ားတစ်ဦးလို့မထင်လိုက်ပါနဲ့။သူကအင်မတန်ချောမောလှပတဲ့မိန်းကလေးတစ်ဦးပါ။
ကောင်းကင်ဘုံ..ကောင်းကင်မင်းကြီးအစည်းအဝေးလုပ်နေစဉ်မှာ
“အရှင်မင်းကြီး!အရှင်မင်းကြီး”
အသဲအသန်ပြေးလာသောစစ်သည်တစ်ဦး
“ဘာဖြစ်တာလဲ စည်းကမ်းမရှိ အစည်းအဝေးခန်းမထဲကို ဝင်လာရဲတယ် မောင်မင်းသေချင်နေပြီလား”
“ကျွန်တော်မျိုးတောင်းပန်ပါတယ်မင်းကြီး။အနောက်ဘက်ဂိတ်မှာမိစ္ဆာနတ်ဘုရားနှင့်သူ့အပေါင်းအပါတွေကျူးကျော်ရောက်ရှိနေပါတယ်”
ကောင်းကင်မင်းကြီးနှင့်တကွအစည်းအဝေးခန်းမထဲမှနတ်တွေမျက်နှာပျက်ကုန်သည်။စွမ်းအားကြီးမားလွန်းတဲ့မိစ္ဆာနတ်ဘုရားကိုဘယ်ကောင်းကင်နတ်ကမှရန်မစရဲ။လွန်ခဲ့တဲ့နှစ်ထောင်ပေါင်းများစွာကမိစ္ဆာနတ်ဘုရားနှင့်ကောင်းကင်ဘုံနတ်တွေတိုက်ပွဲဖြစ်ပွားခဲ့သည်။နှစ်အတော်ကြာတိုက်ခိုက်ခဲ့သည်။နောက်ဆုံးမှာတော့နှစ်ဖက်အကျအဆုံးများလာလို့မိစ္ဆာနတ်ဘုရားကိုမြေပြင်ကနေရာတစ်ချို့ပေးကာငြိမ်းချမ်းရေးယူခဲ့သည်။ထိုအချိန်ကစပြီးနတ်ဘုရားလောကဟာအေးချမ်းနေခဲ့သည်။အခုတော့ဘာဆက်ဖြစ်ဦးမယ်မသိ။
“အနောက်ဂိတ်ကိုသွားမယ်”
ကောင်းကင်မင်းကြီးစကားကြောင့်နတ်များအားလုံးလှုပ်လှုပ်ရှားရှားဖြစ်သွားသည်။
xxxxxxxxxxxxxxxxxxxx
“ကောင်းကင်မင်းကြီးကြွချီလာပြီ”
စစ်သည်တစ်ဦးရဲ့အော်သံကြောင့်အနောက်ဂိတ်မှာရှိနေတဲ့မိစ္ဆာနတ်ဘုရား ဆောင်းရို နှင့်အပေါင်းအပါများ နှာခေါင်းရှုံ့လိုက်သည်။စိတ်ထဲတွင်လည်းစောက်သုံးတစ်စက်မှမကျဘဲကောင်းကင်မင်းကြီးအဖြစ်သုံးလောကကိုအုပ်စိုးနေသော ကင်မ်ဟာနူးကို ရီချင်မိသည်။တကယ်ဆိုကောင်းကင်မင်းကြီးနေရာကသူ့အတွက်ဖြစ်သင့်တာ။
YOU ARE READING
Love Story Under The Moonlight (Lisa×IU)
Fanfictionမူရင်းမြန်မာficအား fanfic ပြောင်းရေးခြင်း
