قالت لي 👇
..
عايزة ألتزم .. أبدأ أزاي !؟
..
ازاي اكون بنت ملتزمة ؟
..
عايزة أقرب من ربنا بس مش عارفة أبدأ منين ونفسي ربنا يرضي عني 😪
..
بصي يا جميلة الموضوع ده حله بسيط جدا بس أنت ف الاول جددي النية كدة بينك وبين ربنا و اوعديه إنك مش هتعملي أي ذنب م الذنوب اللي كنتي بتعمليها ف الأول 😘
..
وخلي بالك جدا انك وعدتي ربنا مش أي حد يعني لازم توفي بالوعد ده 👌
..
المهم نبدأ بقا كدة بأول حاجة 👈 الصلاة 😌
..
بالنسبة للبنات اللي مش بيصلوا مش بتصلوا ليه ؟
..
على فكرة اللي فاضل مش كتير وهتندموا بعدين 🙂
..
وبالنسبة بقا للبنات اللي بتصلي وبتقطع بصي يا جميلة
أنت عليكي بس تفرشي سجادة صلاة ف ركن صغنن ف اوضتك وهو ده هيبقي المسجد بتاعك وأهم حاجة الخشوع
..
افتحي الشباك بتاع اوضتك وهيبقى فى هوا وانت بتصلي إحساس ب راحة كبيرة وكل حاجة حواليكي هادية بجد شعور جميل الله بجد 💚🌿
..
نتوضأ براحة ونتقن ف الوضوء ^^
..
ونقول الدعاء ده بعد الوضوء "هنتشاهد الأول طبعا وبعديها هنقول اللهم اجعلنا من التوابين واجعلنا من المتطهرين" 😍
..
و الأفضل ننوع ف السور اللي بنقرأها بعد كل ركعة 👍
..
ولو بتصلي بسرعة بطئي شوية وركزي ف كل كلمة بتقوليها وتخيلي نفسك قدام واحدة صحبتك بتحبيها أوي ف طبعا واقفة معاها وبتتكلموا كتير ومركزة معاها بقا طبعا
..
ما بالك بقا ب ربنا اللي خلقك وخلق كل الناس اللي حواليكي دول ✋
..
وياريت بلاش الكسل يعني تصلي أول ما تسمعي صوت الأذان ع طول ف وقتها كده 😁
..
لأنك لو مصلتيش بعد لما تسمعي الأذان ع طول هتضطري تستني للصلاة اللي بعدها وهنكروت الصلاة ونصليها بسرعة" ف صلي ف وقتها أفضل ~..
..
ومننساش طبعا السنن بقا اللي هي إيه 👇
..
الضحي : دي سنة ، وقتها م بعد الشروق بربع ساعة الي قبل أذان الظهر بربع ساعة وعدد ركعاتها من اتنين ل تمانية
..
ودي بقا صدقة عن كل مفصل م مفاصلك
..
السنن الرواتب : ركعتين قبل الفجر .. أربع ركعات قبل الظهر .. ركعتين بعد الظهر .. ركعتين بعد المغرب .. ركعتين بعد العشاء 😌🌸
..
ومتكسليش ده هيتبنيلك بيت ف الجنة 😍
..
قيام الليل أو التهجدد : هي الصلاة من بعد العشاء لقبل الفجر وعدد ركعاتها مفتوح وأقل حاجة ركعتين
..
بتتصلي ازاي دي بقا ؟
ركعتين وتسلمي وبعدين ركعتين وتسلمي و هكذا ..
وبعديها صلاة الوتر ركعة
..
التهجد : هو قيام الليل بس الفرق أن التهجد بيكون بعد النوم يعني بعد العشاء لو نمتي وصحيتي صليتي يبقي دا تهجد
..
ومتنسيش تدعي ف القيام 🌸💚
..
نيجي بقا للقرآن ^^
..
لازم يبقي عندك ورد قرآن ولو صفحة قراءة كل يوم
بس مش عايزين نهجر القرآن ده اللي هينورلك قبرك بأذن الله 😍
..
أذكار الصباح والمساء : حصنوا قلوبكم واوعوا تكونوا برا الحصن ده 😌💚
..
الاغاني : بالله علي قد ما تقدروا قللوا منها لحد ما تمنعوها خالص 🌸
..
وخلى نيتك انك تركتيها لله وربنا هيعوضك افضل منها يوم القيامة 😌💚
..
خدي القرار م دلوقتي محدش ضامن يعيش كمان 5 ثواني
..
إمسحي كل الأغاني اللي ع موبايلك ، ونزلي الساوند عليه أناشيد جميلة ف الاول هتستغربيها ويمكن متحبيهاش فى الاول بس بجد هتلاقيها جميلة وأحسن مليون مرة م الاغاني 😍
بس اسمعوها بدون موسيقي 😌
..
ساعدي الناس : أبسط حاجة ساعدي صحابك خففي عنهم خنقتهم .. اسمعيهم وانصحيهم قوللهم كلام حلو كدة اديهم طاقة يكملوا ف الحياة ومتنسيش "الكلمة الطيبة صدقة" 🦋✊
..
و آخر حاجة هقولها متأذيش حد .. وخليكي متسامحة وقلبك نضيف وروحك حلوة 😌🌸
..
"إِنَّكَ مَيٍتُ وَ إِنَهُم مَيِتُونَ" 💔
#بدايه_جديدة
#إبدأ_من_الاول_وربنا_هيقبلك
#حفيدة_عائشه 🦋
