قصص من الارشيف
القصه الأولى
( من كان مع الله كان الله معه )
الجزء الاول
مريم السعدي
مرحبا اسمي ميس صف ثالث متوسط
والدتي متوفيه والدي عايش وعندي اخوه 2
اخوتي ووالدي للاسف مو خوش ناس حراميه ومجرمين واني اعرف بهالشي بس اخاف احجي
مره حجيت انضربت ومن يومها اني محبوسه بيتنا بالشعب حيد النصر يعني نص الاجرام من جان مودة الخطف
اخوتي ووالدي كامو يخطفون بالعالم ويخلوهم بالمنور الداخلي مثل سرداب جوه البيت ويقفلون الباب ويطلعون واسمع الونين والصياح من اخلي راسي عالمخده
طبعا ياخذون الفديه ويقتلون ال رهينه اخوتي بليل يطلعون ويجون وجه الصبح سكارى يبقى والدي نسوان اخوتي ويانا بالبيت كلمن مشتمل محد يدري بيه اعرف بموضوع الخطف ومرت اخويه الجبير تدري لان اشوفها دائما تتبشبش وي اخويه عالمنور
منورنا الداخلي بي حمام ومبي اي فتحه غير فتحه المبرده اول مره عرفت انه خاطفين واحد قبل شهر من سمعته يدك على باب الحمام واخويه صار عصبي ونزل للمنور ومن صعد لمحت مطفر قطرات دم على ايده
وبليل من طلعو وابويه ضل نايم نزلت وفتت من فتحه المبرده شفت رجال جبير بالعمر ضاربي ومقيد تخبلت ورجعت صعدت سويت نفسي مااعرف بس جسمي ضل يرجف
وبوكتها من استلمو الفلوس جددو بيتنا قنفات وتباريد واحنا ابويه واخوتي كلشي ميشتغلون فعرفت انهم مجرمين كمت اخاف منهم وكلشي مااكدر اسوي يكتلوني
اليوم ب11سمعت صار جوه صوت ضليت اتسنط واحد يصيح بس بخنيك وراها صارت سنطه وره شوي صعدو اخوتي اني من انام عالكاع بالغرفه اسمع صوت من اني بالبيت كلشي ماكو المنور ممنوع احد يفوته غير اخوتي اصلا مقفل بمية قفل
والطريقه الوحيد للدخول الا من فتحه المبرده من الكراج بالطرمه عدنا كراج للسيارات تستوعب سياره وحده يعني بي مثل النزله زحليكه تدخل السياره وتنقفل الباب ما كراج مثل الكبنك اكدر افوت للكراج وانزل ليجوه واسحب المبرده يله اكدر افوت للمنور الداخلي
هاي ثالث رهينه والقبلها يمكن كتلو مااعرف او رجعو بس حصلو الفلوس اني كلش اخاف ونسوان اخوتي اخاف منهم كلش لان يحجون لاخوتي ابويه فاصل انطي نسوان وشرب اخوتي هم يشربون بس يحبون نسوانهم يجون ب2بليل شاربين وكبل كلمن لمشتمله نسوان اخوتي هم اليطبخون وينضفون بيتنا واني هدومي وهدوم ابويه عليه وهكذا دوامي يوميه اداوم عادي كلش فكرت احجي للمدسه للمديره اخاف بس اخاف منهم
ب11سمعت صوت وراها صعدو اخوتي وسمعتهم طلعو من الكراج وراحو يشربون نسوان اخوتي صعدو وابويه نام اني من انام اقفل الباب عليه من اول ومحد معترض على هالشي اصلا محد يدري المهم قفلت الباب مال غرفتي وفكرت انزل اليوم اشوف نزلت وسحلت المبرده ودخلت من فتحتها الصغيره مشفت احد بالغرفه لعد شنو هاي الصوت دخلت للحمام لكيت واحد مقيدي خطيه وجهه كله دم ومعصبين عينه تخبلت
