كنتي لي يوما واصبحتي واخيرا ملكي
مريم السعدي
الجزء الاول
وياكم اباذر شاب عمري 27سنه
تزوجت بنيه عمرها 16سنه راح اخلي مريم السعدي تسولفلكم عني
- ابد مرتاحيت وياها جانت متعتني بنظافة جسمها ولا بيتها ودائما ضايجه وعصبيه
وعلى طول تتوسل تريد تبات بيت جدها علاقتي الحميمية وياها عباره عن عذاب احاول بكل المحاولات ارضيها وهي بارده وموكلش متفاعله
دائما تتذمر مليت مده ست او سبع اشهر على هالحاله واني شاب اريد اعيش حالي حال المتزوجين جديد لحد مافد مره جتي من بيت جدها جانت بايته اسبوع تقربت منها متلهف ردت انام وياها اثناء النومه بجت ودفعتني وكامت تشهك يابه شبيج
كالت طلكني ماريد تلعب نفسي منك ليش بابا شبيه كعدت وياها اتفاهم ماعندي احد يساعدني بهذه الأمور
والدتي متوفيه واعز ناسي مرت ابويه اللي ربتني واني طلعت بيت وحد المهم كعدت حجيت وياها
- بس فهميني شبيج والله وروح امي اللي هي اعز شي عدي مااحجي واطلكج بس كولي شبيج
وبعد المماطله وطلعان الروح كالت اني عدي علاقه بيني وبين خالتي كشت روحي منها حيل ماكو مجال نتفاهم تطلكنا وجننا ثنينا قافلين رجعت عزابي احس هم وخلصت منه
ورجعت وي جماعتي اعز اصحابي امير روحي من الدنيا اعز حتى من اخويه من ابويه الله يرحمه المهم مشت الايام شفت بنيه بالشارع تخبل شكلها ملائكي حيل حلوه انتبهت هي هم باوعت ونصت جانت وي صديقاتها ووحده من صديقاتها صديقي امير ميت عليه ويانه بالجامعه
امير- لك ذروري هاي ميرال لك هيانها
اباذر- امير هاي الشكره الوياهم ام الحجاب الاسود منو
امير- يمكن صديقتها ولك هاي دتباوع عليك تعال رقمها
اباذر- ماريد لك لتخزيني وخر عني
امير- تعال فاتو للمكتبه
اباذر-
فتنا وراهم اشترت كم شغله وكفت عالميز مال محاسبه خليت وقمي بالكيس شافتني اخذت الكيس وبباب المحل طلعت الرقم وذبته الله لاينطيك امير على هالدكه هيج زين تخزيت
امير - دمشي لك
مشت الايام واني روحي بميرال متحملت بعد لازم اخطبها وصدك تقدمت وقبلو اهلها وراح الخميس نعقد
اباذر- طاير بامير حياخذ حب حياته
بلكن يتهنى يارب
اليوم خميس العقد رحنا كلنا الشباب جماعته وكفنا رحنا بيت البنيه اكيد وجان تدخل صديقات البنيه والكرايب ووياهم البنيه الشفاناها بالمكتبه ياكاع انشكي وبلعيني ولك اباذر هاي الشكره
محمداخويه جان جاي ويانا لان صديق العائله امير
و سال عليها
محمد - منو هاي الحلوه
المهم عدت الايام واني مشفتها بعد وصرت اني وميرال اصدقاء اعتبرها مرت اخويه ودائما اسال على البنيه طلعت اسمها مروه فدوه لمراوي
