#ابي-يعرف كل شي
الجزء٧
٧
اسامه- عمي تعال اكلك لكمه راح توكع من البارحه لحد هسه
اماسي- اسامه عفيه انت هم اكل عفيه حتموت لا نوم لا اكل لا شرب
محمد- اكل عمي مالك دخل بيه خلي ام اماسي وامها هم تاكل بابا انتي هم اكلي وصيحي باسم تره محتاجكم ويايه
اسامه- اي عمي صار بس اكل حتى اكدر اكل هاي نهى دازه حليب من بيت الحجيه اشرب شوي الله يخليك
محمد- دجيب انت مراح تفك ياخه عني طيني خل اخلص
اسامه- بالعافيه عمي كعدنا نتريك خطيه نهى مسويه بيض بالجبن تدري بينا نحبه واني وباسم قويت روحي ورايا عمليه
ام اماسي - يمه اسامه ناملك ساعه هسه اماسي وباسم مو نامو نام ارتاح راح توكع
اسامه- لا خاله مبيه شي مرتاح عيج عوفيني بس اتكطعين الدعاء
ام رافد- والله انت ماكو منك الليل كله يصلي ويقره قران مكابل شباك الانعاش
محمد- تعرفيني بي ابو السوم سبع
اسامه- كمت عفتهم وطلعت تمجد بيه عمي وتدري البيها من ورايه اخ الله حموت قهر كرهت حتى روحي شافني الدكتور اشرلي رحت لعبادته وكال اليوم العمليه ب٨المغرب حاله اريج مستقره هياناها للعمليه تفضل هاك حلقتها انت زوجها مو
- دمعت عيني اي دكتور اني داخلي الحلقه بجيبي لكيت قوطيه ايه الكرسي يووو منطيتها الهديه خليت حلقتها ببطن القوطيه ويه الايه الكرسي طلعت نتيجت الزرع السريه بالعاده ١٠ايام يله تطلع بس هذا منقح والمستشفى متعوب عليه سمعت عمي يحاجي يكوله اسفرها الدكتور كله متتحمل سفر دخلت امها يمها ١٠دقايق سمحولها بس عمي مكدر يدخل خايف ليوكع حموت قهر صارت ب٦ تسحبت منهم وصيت باسم على عمي ميعوفه دقيقه ورحت للمحل صفيت الحسابات عالسريع ورجعت للمستشفى دفعت حسابه ونطيت حساب عمليتنا طبيت بدون ميشوفوني نهى بقت بيت جدهم امي عكبه تجي رحت للطبيب--
- دكتور اني جاهز حساب المستشفىً سددته كم يوم وتستقر حالتي وره العمليه
- اسبوعين ماكسي موم يبقى الم المكان وتعويد الجسم عالجزء المفقود -- انزع حلقتك وهدومك
وساعتك
- ماشي شلبس
- البس هالغيار مال مستشفى ووقع على العقد
اسامه- قريته باسمي انا وبكامل قواي العقليه والجسديه وبدون اجبار اخضع لعمليه استئصال كلى سليمه والتبرع بها للمدعوه -- اريج محمد علوان بتاريج --- والتوقيع --- وقعت كملت البنود بالعقد ودخلت للغرفه
طلبت من الدكتور يتكتم عالخبر وينطي الغراض لباسم اخويه ويطلب منه ميكول شي لاي احد نمت هالسديه والاضويه فوك راسي ٣ دكاتره فوك راسي صافن عالسقف بالي يم امي رنا اريج عمي شراح يصير بي اذا عرف بدون مااخذ اذنه وجه اريج وشعرها الحلو باخر مره مراح من بالي عيونها المدمعه ووجهه العصبي المزنبر اخر شي تذكرت من اخذت لحيتي واخر شي من بستها شفايفها ضحكتها التخبل كلها جتي ببالي ابتسمت
الدكتور- ها يابطل البنج بعده مماخذ بجسمك
- اخر كلمه سمعتها بصدى طفت الاضاءه بعيني ضوه ضوه محسيت بشي بعد ----
محمد- باسم بابا اخوك وين
باسم- كول عمي محتاج شي
- تعال اخذ الحجيه واماسي للبيت جدهم نهى ورند وحدهم تناوبو انت ورافد
رافد- باوعت لباسم ميريد يروح
باسم- عمو وصاني اسامه مااتحرك من يمك وانت معلمني مااكسر كلمته لحد ميرجع نصيت راسب
محمد- شبيه كلشي مبيه روح صحت بي
باسم- بقيت بمكاني نصيت راسي
رافد- اني راح اخذهم امشي اماسي
