#خذيني_منها
الجزء1
مريم السعدي
اجواء المنصور قبل العيد كم يوم
ماشاء الله تروش ناس رايحه وناس جايه اليوم التفتيحه عليه جريت الكبنك وفتحت
يس صديق طفولتي الصبحح يفتحح لل4 ونعزل ساعتين لل6
الشفت الثاني يبدي اني واستاذي المحل يلمع عفيهه يس هلكد نظيف حتى الجام يللمع والريحه والله ام بيت نيال مرتك عليك
طبيت شغت السبلت وعلكت الاضويه وكعدت ارتب بالذهب بحكم عملنا كصاغه نفتح لاجل البائع والمشتري اكو ناس تجي تبيع قطع وتاخذ بمكانها جديده وناس تجي تشتري صار 3 سنين اشتغل هالصنعه شفت اشكال والوان تعرضت للسرقهه تقريبا 5 مرات والحمد لله انلزمو رتبت الذهب بالجام خانه وكعدت طبت مره وياها بنوتات 3 اشتروا تراجيات برغي وطلعوا احلى شي من يجينا زبون ميتعامل نسمي راشدي راسا يشتري ويطلع
واكو لا والله يشلع الكلب وكلشي ميشتري اشكال --- اني مصطفى نزار من سكنه المنصور خريج معهد تكنلوجيا زعفرانيه قبل 3 سنين عمري25سنه
والدي مدرس ثانويه ووالدتي مهندسه بشركه حكوميه من يومي المشاكل بين والدي ووالدتي مشتعله شعل والدتي محافظات من الكوت وابويه من المنصور ه بعد وفاه والده عمه اللي ساكن الكوت كله اخذ بنتي وامي كلش حلوه جانت مبطليها من المدرسه من صصف سادس وافق والدي وصصارت القسمه من تقرب منها رادت منه وعد انه يخليها تكمل دراسه واعدها ابويه ومن ذاك اليوم معافها كملت ابتدائيه وراها متوسطه وهي كلش متفوقه وذكيه كملت ثانويه وانقبلت هندسه وراها صرت اني وكملت دراستها بعدها مقبلت تسوي اطفال لان رادت تصصعد
وفعلا تخرجت ودرست ماجستير والدي تعب ويايه هوايه اتذكر جان يدرسني ولا فد يوم اتذكر امي درستني او سبحتني او وكلتني مع العلم هسه اني نقطه ضعفها الوحيده حاليا تخرجت امي وتوضفت براتب محترم ههنا بدت المشاكل والتعير لابويه كمت اسمع ممنها كلمه دفنت روحي وياك اكثر من السلام عليكم
والدي طبيعته صبور ميرد كملت سادس ععلمي والدتي خلتلي مدرسين لكل المواد مقبلت والدي يدرسني على انه ميعرف اشترت سياره وكامت تساففر وتاخذني وتترك والدي مجان يعترض على اي شي تسوي واذا رفض متدير بال تسوي اللي تريده جنت اتوقع كل العوائل هيج
بس كم مره بتت بيت يس صديقي وسمعت زلزال ابوه وشون كامت امه تتراجف عرفت الفرق بذاك اليوم حبيت احترام امه لابوه وحتى ل يس كرجل -------
واكف بالصياغه وطبت بنيه لابسه حجاب خليجي صصايه وشال من الباب شفتها مدت ايدها على ركبته تنزع كلاده وكففت تقربت يم الميز نزعه وخلتها عالميز
تفضلي-
- العفو بس .. جرت نفس .. اريد ابيع عالكلاده
- اي تدللي باوعت بعينها دمعت نصيت عالكلاده خفيفه بس متجيب تره باوعت عالكامره خاف استاذي يشوفني همست
