صمام الامان
الجزء الاول
مريم السعدي
تمر السنين ولاتعرف بما تحمله من عذاب مخبا بين اضلعها تمر الليالي كلمح البصر من مسيره اعمارنا فادي واجبك تجاه رب العباد فماهي الا دنيا زائفه زائله الامانه من اول صفات رسولنا الكريم ورد المعروف بالمعروف وكافل اليتيم محظوظ من اتصف بواحده من صفاته واخذ حظه من الدنيا ---
اليوم حسين ودارين من الحدباء حيسولفونا سالفتهم نستمع الهم بعيوننه اتمنى ان اكون وصلت احساس كل لحظه وكل موقف مرو بيه بقلمي مريم السعدي
كان ياما كان دارين من الحدباء
عمري20سنه عائلتي مترابطين جدا اخوتي 2والدي ووالدتي الله يحفظهم الي بالدنيا كلها
صف سادس ابتدائي وبطلت من المدرسه ام بيت ممتازه من دخلو داعش احوالنا تغيرت كمنا نخاف كلش والدي جان مرعوب من سالفه ياخذون بنته كدام عينه وينطوها للدواعش واخوتي صار بيهم قلق نفسي لدرجه انه حفر سرداب مربع وخله بيها كلشي موونه وخله مكان تواليت ومي كانما سرداب جوه الكع بس مو جبير 5مترات وبي تواليت على صفحه بغطه مثل البرده والدي بناء رتبه وخله بي بنكه واذا سده وخله فوكاه زوليه محد يعرف اكو سرداب ليجوه
كمت البس نقاب حسب اوامرهم وبيوم الاربعاء 30-7ساعه 3بلليل صار هجوم عالدواعش بس مو يمنا بعيد والدي لزم اخوتي كل واحد سلاح وكمنا نسمع اطلاق ناري وره ساعه اندكت الباب بصوره مريبه والدي ركض نزلني للسرداب ونقبني وسد الباب عليه
.
.
.
السلام عليكم وياكم حسين ابو مياده من اهالي الناصريه لبينا نداء المرجعيه والتحقت بالجيش
عفت عائلتي وزوجتي وبناتي والتحق وصلنا الحدباء وسوينا هجوم على قطاع52 وكتلنا هواي منهم جننا 26جندي بس للاسف التفو علينه وصفونا بقينا اني واخويه انهزمنا وكدرنا ننهزم منهم عالبساتين
جانت دنيا ليل وميبين شي مننا ختلت بس اخويه جان متصوب للاسف من وكف الاطلاق الناري التفتت عليه
- عباس خويه راحو يمكن عبااااس اكعد لخاطر امك
جسيت نبضه ماكو نبض فتح عينه واستشهد تدمرت اعصابي وضليت ابجي دفنته بيدي وخليت الخوذه مالتي علامه لقبره كعدت ارتاح واتذكر حياتي ويا هذا اخويه الاصغر مني وربايه ايدي عمره 20سنه جلب بيه الا يجي ويايه من ارجع شراح اكول لامي اذا رجعت عدي هو وبعد اخ واحد لخ
وعدي خوات 2 متزوجات وحده منهم ارمله اني عدي محل حلاقه واشتغل بي بالناصريه طلع الفجر كمت امشي بسرعه اتهزم لكيت مثل الحديقه صغيره وبيها بيت جبير ماكو غير مكان بعد شوي امشي اوصل القطاع دكيت الباب الفجر ب3 فتحلي الباب رجال ستيني بالعمر ضل صافن عليه
ابو دارين- تفضل شتريد باوعت لبدلته وللدم البيها انت من الحشد
حسين- اي عمي ساعدوني اذا بيكم غيرة عراقي
ابو دارين - تعالو يولد ويايه فوت ابني
