#خذيني_منها
الجزء 9
صعدت بالغرفه الفوك ونمت حسيت الصبح عالمنبه وصياح هذا الجوه
نجوى قميصي ليش مكاويته
حبيبي البارحه لبسته
شون كضيت نهار كامل لابسه واليوم هم البسه
مو ميصير يوميه نغسل هدوم تتشكك
لا نلبس ملابس وصخه
هاي شبيك حسين
فهميني شسوي سكتت عمي بس حلي السالفه شلبس هسه
هسه اكوي الك
ساعه 8الا ثلث
اوووو شكد تنك
مسره- بالغرفه واسمع هههه بعدج كلشي مشايفه طلعت عدلت ربطتي على مرايه المغسله نزل الافندي الفوك وقميصه بيده
- يوم هذا وصخ ليش مغسلتي
- هاي شبيكم اليوم صيحت البارحه جان عدي شغل مكدرت اغسل هدوم
- بي ريحه هسه شحلبس
-البس اي شي
- المشكله هنا اي شي ماكو نضيف
- اليوم اغسلهن
- مسره- باوعت لنجيوه وضحكت بمكر باوعت لابويه ها حجي والله ايام
- انتي سدي حلكج
- طلعت ورحت لمدرستي راضيه عن روحي لان ملحكه دراسه صديقات مدااكدر اتواصل وياهم احس الكل يتشمت بيه المنطقه كلها تعرف سالفتي اكمل دوام وارجع مرت الايام اني مااطلع من الغرفه بس اكل كمت اسوي اكل لروحي والوالد كاضيها من بره اتصلت بامي وحجيت وياها كمت يوميه احاجيها بس عصام الخبلني نتصل بي ميرد صار اسبوع اخر شي كام يطلع مغلق جنان بت خالي تقربت من امي كلش كلما احاجيها اسمعها بصفها وامي هواي تحجي بيها جنان امها ميته وهسه جتها امي حسيت بغيره منها بس تقبلت السالفه حجيت لامي كلشي كامت متسال عن ابويه بس تسال عني وهالشي يريحني بالنا يم عصام
عدت كم يوم مصطفى ماشوفه ملتهيه بدراستي اسمع صوت رجليه من يصعد بس مالي دخل اتعشى قبل ليجي كم يوم واجه موعد تنضيفي الخميس رجعت من المدرسه ابويه ومرته طالعين زياره لموقع بنو قبل شهر وهسه ديكرموهم كملت شغلي البيت كام يلمع غسلت هدومي وكويتهن وسويتلي اكل خابرت ماما علمتني اسوي كص بالجدر من رجعت من طريق المدرسه مريت للكصاب اشتريت لحم وسويته على طريقه ماما اكلت هواي بقه شوي عالطباخ بجدريه صغيره كملت شغلي وفتحت كتابي خلصت فلوسي وبعد 4ايام يله الوالد ينطيني غيرهن كعدت اقره من 5العصر لل9طبو ابويه ومرته
هاي شنو عالطباخ
طلعت من غرفتي هاي الكص مالتي
اكلتي باوعتلها منو سواه
اني بابا ماما علمتني
ها
شفته صفن مرته تباوعله يله حسين جيبلنا دجاجه مشويه
اي هسه
باوعلي ونصه راسه حيل بيك تعوف دلال امي وتروح عالموضفه ليش كل موضفه موضفه اكو بيهم مبيهن خير واكو صايرين مره وعشر رياجيل مرت ابويه فاتت للحمام وشفت ابويه طلع فلوس من جيبه وخله الباقي بالمحفضه وعلك البنطرون بالغرفه طلع من البيت شفت ماكو احد طبيت للغرفه جريت ورقتين حمر من
محفضته وطلعت جسمي يرجف اني تاليتي ابوك اقنع بروحي لامو بوك اني مااحب اكل البره وهاي فلوس ابويه قابل اضل جوعانه ضميت الفلوس وبقيت اقره سمعت ابويه يكولها البيت نضيف غسلي هدوم طبعا نضيف قابل هي المنضفته سمعت الغساله اشتغلت وصعدت شرت الهدوم كملت العربي لحكت بالمدرسه عدي جمعه وسبت اكمل مادتين بيها نامو اليوم من وكت
