“ مطلقه" ٣
شهد: لا يعنى لأ مش هتجوز وطز فى الناس عن اذنك يا ماما عاوزه انام
ام شهد: ربنا يهديكِ يا بنتى
شهد: الووو ازيك يا نجوى وحشتينى عامله ايه بقولك ايه هعدى عليكِ بكرا اصلي مخنوقه اوى وعاوزه اتكلم معاكِ
نجوى بتوتر: هاه تعدى عليا بصى هو يعنى اصل معلش يا شهد مش هكون موجوده بكرا اصل هكون عند حماتى اسفه يا شهد بس هعوضك هتلاقينى عندك بعدها
شهد: لا ولا يهمك يا نجوى خلاص فى اى وقت تكونى فاضيه فيه عدى عليا
نجوى: طيب سلام دلوقتى علشان الاكل على النار باى يا حبيبتى
^^^^^^^
فى المدرسه التى تعمل بها نجوى وشهد
شهد: اخيرا الاجازه خلصت وشوفتك يا ست نجوى هو انتِ قضيتى الاجازه كلها عند حماتك
نجوى: هاه معلش يا حبيبتى اصلها كبيره فى السن وانا بخدمها اهه اخد ثوابها
شهد: تمام عليا حصه دلوقتى لما اخلص نبقى نكمل كلامنا
مدرس معتز : صباح الخير يا استاذه شهد
شهد بجديه: صباح الخير يا استاذ معتز خير
معتز: ابدا كنت بصبح عليكِ
شهد: اوك عن اذنك ورايا حصه
معتز فى نفسه: اذنك معاكِ يا قمر يخرب بيت جمال امك بقا دى تتساب دى امال الغفر اللى فى البيت اعمل فيها ايه اولع فيها وارتاح
معتز بخضه لما حد وضع يده على كتفه: اييه فى ايه ياعم خضتنى مش تتكلم ولا تكح
مدرس سامح: فى ايه يا معلم انتَ خرع كدا ليه ثم يا خويا غض البصر مش كدا
معتز: قصدك ايه !!
سامح: يبنى عينك ما نزلتش من عليها ارحم نفسك دى حتى مطلقه ابعد عنها هتعملك مشاكل انتَ فى غنى عنها
معتز: مشاكل ايه هو انا جيت عندها ثم ايه يعنى مطلقه
سامح: شوف بقاا واحده فى جمالها وسنها الصغير ده تتطلق ليه الا اذا ربنا يستر على وليانا ابعد عنها بدل ما تشبهك
معتز: انتَ بتقول ايه دى محترمه وعمرى ماشفتها من ساعه ما اشتغلت بتهزر مع حد او بتتكلم بطريقه مش تمام ابقى اتكلم عن زميلتك بشكل محترم عييب كدا عن اذنك
شقه شهد"
شهد بصوت مرتفع: ايه اللى جابك هنا يا ماما ازاى تدخلى الكائن ده هنا
ام شهد: وطى صوتك يا شهد الراجل جاى يشوف عياله همنعه يعنى اسيبكم انا الاكل على النار وبالراحه ياشهد مش قدام العيال تعالوا يا حبايبى وسيبوا بابا وماما لوحدهم
خالد: ووحشتينى يا شهد ،انا اسف على اللى حصل مكنتش قادر اقابلك الفتره اللى فاتت من كسوفى منك سامحينى ياشهد والله انا مش عارف انا عملت كدا ازاى ارجعيلى يا شهد واوعدك انى مش هعمل كدا تانى انا بنى ادم وغلطت وندمان طيب حتى علشان عيالك بلاش يعيشوا وسط اسره مفككه ارجعيلى يابنت الناس
شهد: خلصت كلامك، طيب اسمع بقاااا رجوع ده بعيييد عن حلمت ودنك انتَ انسان قذر ياك تكون فاكر انى معرفش بلاويك تبقااا عبيط تحب اقولك كام واحده عرفتها وكنت بتخونى معاها دا انا كنت بشوف كلامكم المقرف على الواتس وغير الصور الو**ة انتَ انسان مريض قولى انا قصرت معاك فى ايه دا حتى عيالك اللى عاوزنى ارجعلك علشانهم متعرفش عنهم حاجه اصلك مش فاضى غير للزباله اللى تعرفهم ،بقولك ايه الكلام معاك متعب مش شوفت عيالك مع السلامه بقااا وابقى قبل ماتيجى تتصل قبلها يمكن نكون مش فاضييين
خالد: ده اخر كلام عندك يا شهد
شهد: ااه ومفيش غيره اتفضل هوينا
بعد خروج خالد
ام شهد: ليه كدا يابنتى الامور ماتتحلش كده ده مهما كان ابو عيالك والانسان ياما بيغلط
شهد بسخريه: الانسان ياما بيغلط !! ولو انا عملت كدا كان سامحنى
ام شهد: يابنتى هو راجل
شهد: والله اللى اعرفه ان ربنا ما فرقش بين راجل وست فى الزنا وعقابهم واحد انما المجتمع ده المفروض يولع بجاز علشان يخلى الراجل يخون ويزنى براحته والمفروض ان الست تسامح وتعذر ،ولو الست عملت كده تتقتل لانه بيدافع عن شرفه
ام شهد: انتِ هتغيرى الكون ده الواقع ولازم تعيشى على قوانينهم فكرى تانى يابنتى ومن الاخر كدا لترجعى لطليقك لتتجوزى غيره لكن القاعده كدا لا الناس هتمسك سيرتك وانتِ حلوه وصغيره ومطمع للِ يسوى وللِ مايسواش واحنا ولايا وابوكى ميت ومالكيش اخ يسندك بقولك ايه جوز اختك جايبلك عريس محترم هو اكبر منك بعشر سنين ومطلق زيك وعياله مع امهم فكرى وابقى قولى قرارك
^^^^^^^^^^
شهد ببكاء وهى على سجاده الصلاة:😭 يارب انتَ اعلم بحالى مش قادره على الامتحان ده انا تعبت فيوم وليله بقيت لوحدى مع طفلين ومحدش راحمنى ولا سيبنى فى حالى اقف جنبى يارب وسخر ليا ولاد الحلال اللى يعينونى ويساعدونى على التحمل
----------- يتبع
Elbanota gege…..
ياترى شهد هترجع تانى لطليقها ؟ ولا هتصمم على رايها،وهل هترضخ للمجتمع وقوانين؟!!!!!! تبعونى😉
أنت تقرأ
مطلقه
Любовные романыالمطلقه ونظره المجتمع لها بالرغم من خيانه زوجها لها...حتى بعد زواجها للمره الثانيه لم يرحموها
