“ مطلقه" ٢
شهد: 🤬😠يا نهااار ابوك اسود هى حصلت فى اوضه نومى اااه يا و** خ يا ابن ***
والله لفضحك فى العماره ابات عند امى يوم واحد ارجع الاقى الوس**ه دى فى اوضه نومى يا قذر
خالد بخضه وارتباك: 😱اهدى يا شهد ووطى صوتك وانا هنفذلك اى طلب ليكِ بس بلاش فضايح
شهد:😠 فضايح وانتَ لسه شوفت فضايح اقسم برب العزه لو مطلقتنيش دلوقتى لاكون فاتحه باب الشقه ومصوته ولامه عليك السكان كلهم يتفرجوا على قذارتك طلقناااااى
خالد: انتِ طالق ارتاحتى
شهد: الحمدلله اتخلصت من قرفك دلوقتى بقى زى الشاطر تاخد الزباله اللى معاك وتغور برا الشقه ماشوفش وشك وانسى الشقه دى خالص دى شقتى انا وعيالى برااااااا
خالد: 🤫 حاااضر بس وطى صوتك وانتِ يا زفته مش سمعاها البسى بسرعه علشان نمشى يلاااااا
^^^^^^^
نجوى: اهدى يا شهد مش فاهمه حاجه من عياطك فهمينى بالراحه
شهد ببكاء:😭 الزباله جايب واحده شبهه فى شقتى وانا كنت عند ماما لولا نسيت ورق مهم بتاع ماما عندى ورجعت اجيبه شوفت القذر معاها فى اوضه نومى فى وضع مخجل مش قادره اوصفه
نجوى: 😬يا ابن*** وبعدين عملتى ايه!!!!
شهد: يعنى هكون عملت ايه طردته برا هو وهى واجبرته يطلقنى لانى عارفه انه هيخاف على اسمه من الفضيحه وهينفذ اى طلب مقابل انى مفضحوش بس يا نجوى مش قادره اصدق اللى شوفته ازاى كنت عايشه مع البنى ادم ده ومخلفه منه كمان
نجوى: قولتى لاهلك اللى حصل
شهد: اكيييد بس طبعا مقدرتش اتكلم قدام العيال علشان نفسيتهم وصوره ابوهم ماتتهزش قدامهم
نجوى انتِ عارفه انى مش بشتغل ولازم اتصرف دلوقتى قبل فلوسى ماتخلص تقدرى تلاقيلى شغل
نجوى: انتِ بنت حلال المدرسه اللى بشتغل فيها طالبين مدرسه دراسات اجتماعيه بالحصه هاتى ورقك وانا هزق طلبك وبأذن الله هيقبلوكى انتِ واخده تقدير جيد جدا ودى مدرسه خاصه وبيهتموا بده
شهد: ربنا يخليكِ لياااا يارب ويعمر بيتك ويهدى سرك
نجوى: فى ايه يابنتى، ايه جو الشحاته دى ،مش لايق عليكِ
(بعد مرور ٣ شهور)
المدرب: فى ايه يا وائل متنح لمدام شهد لييه انا ملاحظ كل لما تيجى مدام شهد علشان توصل ابنها للتدريب تفضل متنح ليها وبتبصلها بنظرات مش تمام احترم نفسك دى واحده محترمه
وائل: انا من ساعه ماعرفت من ابنها انها اطلقت وانا مش قادر مافكرش فيها بقى القمر دى تتطلق هو جوزها اتعمى ولا ايه والله لو هى مراتى ماانزلش من البيت واسيبها لوحدها دى ماتتسابش
المدرب: احترم نفسك اللى يسمعك يقول دا عازب ولا مراته مش حلوه ده انتَ متجوز واحده احلااا منها ومؤدبه وبنت ناس محترمين
وائل: وفيها ايه مش يمكن عاوز اخاوى المدام ههههه
المدرب: عاوز تتجوز مدام شهد !!!!!
وائل: اتجوزها عرفى مش مطلقه اكيييد هترضى
المدرب:يابنى اتقى الله مش معنى انها مطلقه انها هترضى بالوضع ده
وائل:!!!!!
سميره صديقه نجوى : يا نجوى زى ما بقولك بلاش تدخلى شهد عندك كتير دى مطلقه بدل ماتغوى جوزك وتلطشه منك وبلاش تحكى لجوزك عنها كل شويه بدل ما يتعلق بيها ويحبها
نجوى: انتِ بتقولى ايه شهد!!! لا طبعا دى اختى عمرها ما تخونى ولا تكسرنى ايه الكلام الاهبل اللى بتقوليه ده
سميره: زياده امان فتحى عينك وابقى زوريها انتِ مش لازم هى اللى تيجى عندك ماتبقيش عبيطه
نجوى: !!!🤔
جيران شهد#
الجار: والله مدام شهد صعبانه عليا من ساعه ما اطلقت وهى المسئوليات كترت عليها خساره الجمال ده كله فى المرمطه
زوجه الجار: ايه عجباك السنيوره اروح اخطوبها ليك
الجار: يارييييت
زوجه الجار: ماتتلم ياراجل وقول ياصبح بدل ما اسود عيشتك ادخل الشقه بدل ما اجبهالك من شعرها
الجار: على ايه الطيب احسن
ام شهد: يا بنتى متقدملك عريس كويس اوى ده ارمل ولسه صغير فى السن ومتخفيش على عيالك سبيهم معايا انا اللى هكون حاضنه ليهم بعد جوازك يعنى طليقك مايقدرش ياخدهم بعد جوازك
شهد: يوووووه يا ماما ماتقفلى السيره الهباب دى انا مش هتجوووز اغنيها ولا ايه انا هعيش لعيالى وبس مش هجبلهم جوز ام يبهدلهم
ام شهد: يا بنتى الناس مش هتسيبك فى حالك هيمسكوا سيرتك فى الرايحه والجايه انتِ مطلقه فى مجتمع ما بيرحمش الناس وحشه اوى صدقينى يابنتى
شهد: !!!
----------يتبع
******Elbanota gege
يا جماعه التفاعل قليل ليه لو مش عجباكم الروايه بلاش ماكملهاش
أنت تقرأ
مطلقه
Romanceالمطلقه ونظره المجتمع لها بالرغم من خيانه زوجها لها...حتى بعد زواجها للمره الثانيه لم يرحموها
