" مطلقه" ١
شهد: انا عايزه اطلق يا نجوى مابقتش قادره استحمله ده خاين
نجوى: يا بنتى استهدى بالله هى خراب البيوت بالساهل انتِ ناسيه انك معاكى طفلين حرام يتبهدلوا
شهد: انا تعبت من كتر ماسامحته كام مره قفشته بيكلم بنات زباله على الاكونت بتاعه ولا المحادثه اللى بتكون بينهم قمه فى القذارة والله مابقتش عارفه ازاى بقفشه ياترى غباء منه ولا نصاحه منى
نجوى: الراجل بيعمل كده علشان مراته مش بتهتم بيه حاولى يا شهد تغيرى من نفسك يمكن يتصلح حاله
شهد: ااانا مش بهتم بيه ،والله ماحصل ده بيرجع من الشغل يلاقينى على سنجه عشرة لبس ومكياج وبرفان مفحفح منى والبيت زى الفل والعيال ميعرفش عنهم حاجه كل حاجه انا بعملها ليهم يعنى مريحاه عاوز ايه تانى ده طفس وعينه زايغه
نجوى: وبعدين انتِ حيرتينى ، طيب ماتتكلمى معاه وشوفى هو عاوز ايه ولا عاوزك تكونى ازاى واعملى ده يمكن يتعدل
شهد: ههههههه بجد ضحكتينى انتِ تفتكرى انا مستنياكى علشان اعمل كده عملت كده واكتر مفيش فايده ده راجل مايتعشرش
نجوى: طيب ما يمكن كتر الاهتمام خلى عنده فضى اشغليه بالاولاد وطلبات البيت يمكن يتهد
شهد: ماشى يا نجوى هعمل كده بس صدقينى لو متغيرش انا مستحيل هقدر اكمل معاه تانى
نجوى: ربنا يسهل ماتسبقيش الاحداث
" نجوى وشهد اصدقاء من ثانوى وبالرغم انهم اتجوزوا وخلفوا الا ان صداقتهم مازالت مستمره
شهد جوزها خالد بيشتغل مدير فى فندق كبير ووسيم لدرجه انجذاب فتيات له اصغر منه فى السن وللاسف له علاقات نسائيه كتير، ولديها ولد وبنت فى المرحله الابتدائيه ، ولا تعمل،وتقوم بكل مهام وواجبات المنزل بمفردها دون تدخل من خالد
اما نجوى فزوجها محمد يعمل طبيب اطفال مرح جدا وملتزم دينيا واخلاقيا ويعشق زوجته بجنون ، وهى تعمل مدرسه انجليزى، ولديها طفل واحد فى ابتدائى، وتتقاسم مهام المنزل مع زوجها وعلى قدر كبير من التفاهم بينهم
^^^^^
خالد: يووووه ده تالت مره تتصل عاوزه ايه هو انا فاضى
فتاه خليعه ترتدى فستان يظهر اكثر مما يخفى من جسدها : فى حاجه يا خلووود
خالد: هاه ولا حاجه ده تليفون مهم ثوانى هرد عليه وهرجعلك اعتبرى المكتب مكتبك يا قمر .....
الووو فى ايه يا شهد كل دى اتصالات انا مشغول مش فاضى علشان ارد عليكى
ايييه تمرين ايه ده اللى اودى ابنك ليه ماتروحى انتِ من امتى بوديه انا
يوووه ماشى ماشى الساعه كام التمرين بعد ساعه اوكيه هوديه التمرين ارتحتى كده سلام علشان عندى اجتماع مهم
خالد: هاه ياقمر اتأخرت عليكِ
الفتاه الخليعه: اوى اوى يا خلوود كنا بنقول ايه بقى قبل التليفون ما يرن
خالد: بصى يا حبيبتى ماينفعش نخرج النهارده نتعشى سوا خليها بكرا ايه رأيك
الفتاه الخليعه: اوكيه يابيبى اطير انا بقى ورايا مشاوير سلام يا قلبى😘
****^^^^
نجوى: الوو ازيك يا حماده اتأخرت على الغدا يا قلبى
محمد: معلش يا نجوى العياده كانت زحمه اوى مقدرتش امشى، انا لغايه دلوقتى على لحم بطنى والله فاضلى اربع حالات واجيلك جرى ،هو الواد عمر ابنك نام
نجوى: اتغدا وذاكرنا سوا ونام
محمد: طيب الحمدلله ، عاوز ارجع اشوفك باللون الاحمر اللى يخطف القلب ده ومتعطره بالبرفان اللى بحبه اوكيه يا قشطه بالعسل 😉
نجوى: 🥰😊☺ ماشى بس متتأخرش والا هتلاقينى فى سابع نومه وانتَ اللى خسران
محمد: هو انا اقدر فوريره ساعه بالكتير وهتلاقينى ان شاء الله عندك يابيض ياعرسي
" بعد شهرين"
شهد: يا نهاااار ابوك اسود!!!!!
--------------يتبع
Elbanota gege
أنت تقرأ
مطلقه
Romansaالمطلقه ونظره المجتمع لها بالرغم من خيانه زوجها لها...حتى بعد زواجها للمره الثانيه لم يرحموها
