مطلقه

مطلقه ١٢

“ مطلقه ١٢"
يوسف: شهد انتِ طالق
شهد: !!!!!
ام شهد: لا حول ولا قوة الا بالله ليييه كدا يابنى هو حصل ايه علشان تطلقها
شهد تنظر ليوسف بصدمه ولم تتفوه بكلمه وفجأه يغمى عليها ويجرى عليها خالد للامساك بها ولكن يسبقه يوسف ويحملها للغرفه فشعر يوسف بمدى تهوره وعدم التحكم بنفسه وندم لذلك ايعقل ان يعيش بدون نصفه الاخر
ام شهد: يا ضنايا يا بنتى وتحضر برفان لتستنشقه وتبدأ شهد تستعيد وعيها
خالد: شهد انتِ كويسه حاسه بوجع اكلم الدكتور
يوسف وهو يضغط على سنانه: ممكن تسبنا لوحدنا حضرتك شايف احنا عيله مع بعض مايصحش وجودك
خالد: والله انا شايف انتَ دلوقتى مابقتش من العيله بعد ما طلقت شهد ولا ايه
يوسف بغضب: اظن انا لسه فى حكم جوزها انتَ نسيت شهور العده يعنى ممكن ارجعها فى اى وقت
شهد بصراخ: بسسسسسس كفاااايه انا مش لعبه فى ايديكم اطلعوا برااا انتوا الاتنين مش عاوزه اشوف حد فيكم براااا
ام شهد: اهدى يابنتى هنعمل اللٍ عوزاه لو سمحتوا اخرجوا دلوقتى مش شايفين حالتها
“ خرج كلا من يوسف وخالد ولكن كل منهم فى وادى اخر
فخالد كان يشعر بالسعاده بطلاق شهد وان خططه مع سلوى نجحت واخيرا شهد ستكون زوجته مره اخرى
أما يوسف فكان يشعر بالاختناق فهو لم يشعر بنفسه من الغيره عندما رأى شهد تجلس مع خالد وقام بتطليقها
كان لابد من الجلوس مع شهد لفهم مايحدث حوله من احداث ولما شهد تخفى عنه الكثير لكنه تهور برد فعله المبالغ فيه
ماذا سيفعل الان وأراد الرجوع مره اخرى لشهد للاطمئنان عليها فهو شعر بالخوف الشديد عندما شاهد انهيارها
شهد ببكاء وهى تحتضن امها: طلقنى يا ماما انا معملتش حاجه لكل ده انا صحيح قولتله انى هوصل العيال واروح على طول بس كنت عاوزه اقابل خالد واحط النقط على الحروف الايام الاخيره يوسف كان بيتعصب اوى خصوصا لما بحتك بخالد مع ان والله كان علشان خاطر العيال ومش اكتر من كدا وهو كان عارف من الاول انى هحتك بيه علشان نفسيه اولادى جاى دلوقتى ويحسسنى انى بخونه ليييييه دا انا كنت لسه بتكلم مع خالد وبقوله يخفف تعامل معايا وانك تكونى وسيله اتصالنا علشان مازعلش يوسف  يقوم يعمل كدا يطلقنى من غير حتى ما يتكلم معايا اكنى كلبه وغارت فى داهيه للدرجادى يا ماما انا هونت عليه
سارة: مالك يا أبيه من ساعه ما رجعت من برا وانتَ شكلك تعبان ومضايق فى حاجه وشهد اتأخرت اوى هى هتبات عند مامتها
يوسف بتنهيده: انا طلقت شهد
سارة: أيييييه طلقتها ليييه يا أبيه دى بتحبك اوى وانتَ كنت سعيد ومبسوط بيها حصل ايه علشان تطلقها
يوسف: انا مش ناقص يا ساره سبينى فى حالى والنبى كفايه اللِ انا فيه روحى ذاكرى بدل ما اسيب البيت وأمشى
سارة: حاااضر بس انتَ متعصبش نفسك
“ بعد اسبوع"
ام شهد: هتفضلى يا بنتى حابسه نفسك فى الاوضه ومش بتروحى شغلك عيالك محتاجينك يا شهد مش كدا يا حبيبتى
شهد: مش قادره والله يا ماما غير ان بطنى وجعانى وتعبت من كتر الترجيع شكلى اخدت برد
ام شهد بشك: شكلك حامل هى متأخره عليكِ
شهد : يالهوى ممكن اكون حامل دى فعلا ميعادها فات والنبى يا ماما انزلى الصيدليه وهاتى اختبار حمل يارب ماكونش حامل انا مش ناقصه
" بعد قيام شهد بالاختبار"
شهد: يالهوووى حامل
ام شهد: فى ايه يابنتى دى هديه ربنا بعتها ليكِ تقومى تزعلى الف مبروووك يا حبيبتى
شهد: هو انا مكتوب عليا اشيل مسئولية العيال لوحدى يارب قوينى وخفف عنى
يوسف: وبعدين بقاا بقالها اسبوع مش بتيجى الشغل ياترى هى عامله ايه (عقله) خايف اوى عليها تلاقى خالد رايح جاى عندها وهو ماهيصدق علشان ترجعله(قلبه) لا شهد لو كانت عاوزاه كانت رجعتله من الاول وماكنتش اتجوزتنى(عقله) مش يمكن ندمت لما اتجوزتك وحنت لخالد تانى اديك شوفت بتكلمه فى التليفون بالساعه وبيقابلها فى الشغل وعند مامتها من غير ما تقولك(قلبه) لا انا واثق فيها بس الغيره عمتنى ومخلتنيش افكر كويس
انا هروحلها واللِ يحصل يحصل هى وحشتنى اوى ونفسي اشوفها
سلوى: 😃😃😃علشان تعرف انى مش سهله
خالد: والله انا مش مصدق انتِ ايييه شيطان بس دماغك دى طلعت عنب ده طلع خفيف اوى وطلقها بسرعه انا ماكنتش متصور انه ممكن يطلقها بسهوله كدا
سلوى: بص لكل واحد فينا نقطه ضعف ويوسف نقطه ضعفه عصبيته وغيرته الشديده اوى
بس انتَ برضوا ما طلعتش سهل اوى
يوسف: عيييب عليكِ انا فهمت كريم انه لو عاوز نرجع نعيش مع بعض تانى ينفذ كلامى خليته يكلمنى من تليفون امه لمده ساعه ويزن على امه بأنى وحشته وعاوز يشوفنى وبكدا متستناش لاخر الاسبوع وتضطر تجبهم عند مامتها علشان اخدهم وافسحهم وغير لما جتلها الشغل وانا متأكد انها مش هتقول ليوسف علشان غيرته لانها من النوع اللِ مش بتحب المشاكل وكدا خليت يوسف يلف حوالين نفسه من غير ما يفكر غبى بقااا هقول ايه
سلوى: ايه غبى دى ماتغلطش فى جوزى المستقبلى ههههه😃
مريم : يا نهااار اسود
فلاش باااك
مريم: ياترى نازله فين يا سلوى دلوقتى وبتتسحبى زى البورص انا لازم انزل وراها واشوفها رايحه فين
تااااكسي لو سمحت امشى ورا التاكسى اللِ قدامك
كوفى شوب!!! دى هتقابل مين بقااا
مين اللِ معاها ده اول مره اشوفه انا هعقد وراهم واسمعهم
بااااااااك
مريم: انا لازم اقول ليوسف ليه كدا بس يا سلوى تخربى بيت يوسف ربنا يسامحك
“ ترن ترن ترن"
يوسف: ازيك يا مريم ادخلى بقالك مده مختفيه متقوليش بذاكر انا لسه عمى مشتكى منك بيقول ليل ونهار على الموبيل ارحمى الشبكه الباقه خلصت يا مفتريه
مريم: هههههه هو لحق يسيح عليا ثم انا لوحدى اللِ بدخل نت ما ساره خرباها ولا مافيش غير قرمط اللِ تحفلوا عليه
يوسف: ادخلى يا لمضه ساره نايمه جوا ابقى صحيها واعمليلى قهوه
مريم: بس انا مش جايه لساره انا عاوزاك انتَ
يوسف: خير اوعى تكونى اتخانقتى مع عمى وعاوزانى اصالحكم
مريم: يا اخى اصبر بقااا خلينى اتكلم لوك لوك لوك اسمعنى
يوسف: اتكلمى ياختى
مريم: انتَ طلقت شهد
يوسف: عرفتى منين ساره قالتلك
مريم: لا للاسف عرفت من سلوى بس بطريقه مش مباشره
يوسف: !!!!!
مريم: بص اسمعنى للاخر بس اوعدنى متقولش لعمك حاجه علشان سلوى كدا هتتأذى
يوسف: انطقى يا مريم انا العفاريت بتتنطط فى وشى
مريم: هحكيلك اللِ حصل انه ............. وبس وجيت على طول على هنا علشان اقولك بس والنبى ماتقول لبابا هو تعبان ومش هيستحمل
يوسف: 🤬🤬🤬🤬🤬😠   انتِ عارفه اختك والكل*** ابن**** ده عملوا ايه خربوا بيتى وعيشونى فى جحيم وظلمت شهد وطلقتها
مريم: والله عارفه ومقدره انتَ اخونا وانا ماستحملتش اشوف بيتك بيتخرب واقف ساكته ومتكلمش بس علشان خاطرى بلاش تقول لبابا انتَ عارف انه عنده الضغط والسكر ومش هيستحمل اللِ عملته سلوى وانا اوعدك انى هخوفها منك واخليها تبعد عنك
يوسف: ماشى يا مريم بس فهمى الهانم انى من النهارده مش عاوز اشوف وشها تانى ولا المح طيفها مفهووووم
^^^^^^^^^^^
ترن ترن ترن
ام شهد: خااالد اتفضل يابنى
خالد: شكرا يا طنط ممكن اقابل شهد عاوزها ضرورى
ام شهد: حاضر يابنى هصحيها اتفضل اقعد فى الصالون
شهد: فى اى ياماما بتصحينى ليه
ام شهد: خالد برا وعاوزك شوفيه يا بنتى يمكن حاجه مهمه
شهد: حاااضر هقوم الواحد مايعرفش ينام فى البيت ده
خالد: انا اسف يا شهد على الازعاج بس كنت محتاج اتكلم معاكِ
شهد: ولا ازعاج ولا حاجه اتفضل سمعاك
خالد: انا عارف ان عِدتك لسه ماخلصتش بس مقدرتش اصبر لغايه لما تخلص انا  انا عاوز اتجوزك ياشهد علشان خاطر ولادنا توافقى وانا اوعدك عينى مش هتشوف غيرك انا تعلمت الدرس كويس وانا لو لفيت الدنيا مش هلاقى زيك
يوسف: مش عييييب تتقدم لواحده متجوزه انا رجعت شهد لعصمتى من تانى واتفضل امشى ورينى عرض قفاك استنى ابقى سلملى على سلوى صحيح الطيور على اشكالها تقع
"خالد وشه جاب اللوان وخرج من غير ولا كلمه"
شهد : خلصت كلامك مع السلامه يا يوسف عاوزه انام
يوسف: انا عارف انى غلطان وظلمتك معايا بس والله بحبك وبغير عليكِ انتِ متعرفيش حاجه هحكيلك واحكمى بنفسك .........
…….   عاوزانى بعد ده كله حالتى هتكون ازاى وانتِ غلطتى لما خبيتى عليا
شهد: اللِ حكيته بيثبتلى انك مش واثق فيا اه صح انا غلطت لما خبيت بس انا خبيت ليه مش من غيرتك ماكنتش عاوزه مشاكل وزعل بينا على حاجه متستاهلش ولما جيت وشوفتنى بكلم خالد انا كنت بكلمه علشان يخف احتكاك بينا وتكون ماما هى وسيله اتصالنا علشان مقابلهوش علشان متزعلش ويكون جزاتى انك طلقتنى من غير ماتتكلم معايا وتواجهنى
انا تعبت ومش قادره خلاااص
يوسف: والله يا شهد بثق فيكِ والدليل انى رجعتك لعصمتى من قبل ما مريم تقولى على حاجه انا بس مقدرتش اتحكم فى غيرتى الشديده انا عارف انى بضغط عليكِ بس انا مستاهلش منك يا شهد انك تستحملينى انا اسف هحاول اقلل غيرتى بس ماوعدكيش انا بحبك اوى يا شهد بتجنن لما اشوف حد بيبصلك انا حتى بفكر اقعدك من الشغل
شهد : كفاااايه انا تعبت سبونى لوحدى مش عاوزه حد فى حياتى انا كرهت نفسي والناس مش عاوزه اشوف حد اااااااه
يوسف بخضه: مالك ياشهد ايه الدم ده يا طنط الحقى شهد هى مالها
ام شهد : يانهار اسود البت شكلها بتسقط شيلها بسرعه وديها المستشفى انتَ متنح ليه يلاااا
يوسف: حاااضر حااضر
^^^^^^^^^
بعد ساعه
الدكتور: الحمد لله قدرنا نوقف النزيف والجنين الحمد لله بخير حمدلله على سلامه المدام عشر دقايق وينقلوها لاوضه عاديه
يوسف: الف شكر يا دكتور ربنا يطمنك
ام شهد: البت كانت هتروح منى ليه كدا بس يايوسف
يوسف: انا اسف يا طنط واوعدك كل شئ هيرجع زى ماكان متقلقيش
شهد: 😭 ماما ابنى مات مش كدا
ام شهد: لا يابنتى ابنك بخير والله بس بلاش الزعل مش كويس علشانكم
يوسف: كدا يا شهد متقوليش انك حامل وتخبى عنى الخبر الحلو ده
شهد: انا عرفت لما كنت عند ماما مش قاصده اخبى عنك
يوسف: حمدلله على سلامه القمر 😉
شهد: ماتحاولش مش هرجعلك تمام يلاااا يا بابا هنرش مايه
يوسف: واهون عليكِ يوسف حبيبك يتحرم من نصه التانى ومن شحيبر
شهد: شحيبر!!!!
يوسف:😜 فى ايه يا ام شحيبر ابنى وأسميه براحتى
شهد:😬 شكلك اتجننت قوم يا يوسف من وشى بدل ما اطلع عليك القديم والجديد
يوسف: وعلى ايه الطيب احسن قومى يا طنط روحى علشان العيال عند الجيران وانا هبات مع شهد وبأذن الله هتخرج بكرا على بيتها
ام شهد: ماشى يا بنى خلى بالك منها اوعى تزعلها وانتِ يا شهد ارتاحى يا حبيبتى جوزك بيحبك خفى عليه شويه سلام بقااا هتصل عليكِ علشان اطمن
يوسف: والله حماتى ست بتفهم وعندها نظر مش ناس تانيه جبله
شهد: قصدك انا جبله مش كدا امشى يا يوسف من قدامى بدل ما انفخك
تك تك تك
الممرضه: انا بس هركبلك المحلول وأول لما يخلص تنادى عليا هو القمر ده جوزك😉
شهد:😬 اه جوزى تتفضليه لو عايزه
الممرضه بضحكه: لا شكراً ربنا يخليكم لبعض
يوسف: كان هيمووت من الضحك على منظر شهد وهى عاوزه تاكل الممرضه
:بتغيرى يا قطه
شهد: نينينيي اتلم ولا تحب اشوهلك وشك الحلو ده
يوسف: هو انا متجوز عبده موته يا ربى بس وماله انا ملكك يا جميل اعملى فيا اللِ عاوزاه مش هعترض
شهد: انا مش هقدر ارجع شقتك تانى الا اذا
يوسف: الا اذا ايييه
شهد: بعتها واشتريت غيرها فى مكان تانى بعيد عن بنت عمك وانتَ فاهمنى كويس
يوسف: طيب تصدقى بأيه انا كنت هعمل كدا من غير ماتقولى
^^^^^^^^^^
مريم: انتِ ازاى بالحقاره دى تخربى بيت يوسف حرام عليكِ .شهد عملتلك ايه علشان تخلى يوسف يشك فيها ويطلقها للدرجادى الحقد والغل عموكى انتِ معندكيش دم تكلمى راجل غريب وتقابليه برا من ورانا وتعملى خطط كمان
سلوى: كفايه بقااااا انتِ مش حاسه بيا انا بحب يوسف ومش قادره استحمل اشوفه مع واحده تانيه
مريم: ده مش حب ده جنون انتِ مقدره اللِ عملتيه يوسف لو قال لابوكى مش بعيد يموتك وعلى فكره يوسف لو شافك هيموتك ابعدى عنه الحب مش بالعافيه
سلوى: كله منك انتِ انا خلاص ماصدقت طلق شهد وكان هيتجوزنى بس انتِ بوظتى كل حاجه
مريم: انتِ اكيد مش فى وعيك من الاخر ابعدى عن يوسف وشهد والا انا اللِ هقفلك
خالد: ياترى اللِ عملته ده صح ولا غلط اكيد يوسف حكى لشهد كل حاجه ومنظرى بقااا زباله قدامها يارتنى ماقابلت سلوى ولا شوفت خلقتها
“ بعد مرور شهر"
يوسف: الووو مين معايا خالد!! نعم عاوز ايه نعم يا خويا تكلم شهد ثوانى
يااااا شهد تعالى كلمى خالد عاوز يكلمك بس خلصى بسرعه
شهد : الوو ايوه يا خالد اه غيرت رقمى لو عاوز حاجه علشان العيال كلم ماما
خالد: انا بس كنت عاوز اقولك انى هسافر لفرع الفندق فى الامارات ومعرفش هعقد كام سنه بس هكون على تواصل مع الاولاد ومصاريفهم هتوصلك كل شهر مفيش حاجه هتتغير
شهد: تروح وترجع ليهم بالسلامه هبعت الاولاد عند ماما علشان تودعهم وتفهمهم بنفسك
خالد: شكراً يا شهد على كل حاجه وانا اسف لو كنت اذيتك ولا ضايقتك فى يوم انتِ تستاهلى كل شئ جميل مع السلامه اشوف وشك بخير
شهد: مع السلامه
-----------يتبع
Elbanota gege..   ….
عاوزه تفاعل حلو البارت اللِ جاى هيكون الاخير فرحونى بقاااا بتفاعلكم