مطلقه

مطلقه ١١

“ مطلقه ١١"
"فى المدرسه 'مكان شغل شهد ويوسف'
كانت شهد فى طريقها لاوضه المعلمات وسمعت معلمتين بيتكلموا عنها :
معلمه١: انا سمعت ان شهد عملت عَمل سفلى عند شيخ علشان توقع يوسف ويرضى يتجوزها
معلمه٢:  استغفر الله العظيم هى وصلت للاعمال والدجل انا برضوا قولت ازاى واحده مطلقه ومعاها عيلين يوسف اللِ زى القمر ولسه مادخلش دنيا يتجوزها
معلمه١: نسوان قادره ياختى بدل ما تتكفى على عيالها وتربيهم طايره تدور على عريس وتدلع، دنيا ليها العجب
معلمه٢: ماتعرفيش طاليقها عمل ايه يعنى اخد العيال منها ولا سابهم لجوز امهم
معلمه٢: والله معرفش بس لو راجل فى مكانه هياخد عياله منها دى واحده انانيه يهمها مصلحتها وبس ومش مهم عيالها
معلمه١: خلاص بقا قفلى على السيره كفايه ذنوب عندنا ولايا ربنا يسترها عليهم
شهد بحزن: السلام عليكم
معلمه١،٢: وعليكم السلام
شهد كانت مش طيقاهم ونفسها تتخانق معاهم بس ماكانتش عاوزه فضايح وفضلت تصحح الكشاكيل لغايه ميعاد الحصه بتاعتها وسابتهم وراحت تشرح الدرس للفصل
"فى الفسحه المدرسيهbreak “
يوسف : شهد ..  شهد مالك سرحانه فى ايه بنادى عليكِ من بدرى ايه مش سمعانى
شهد ببتسامه: معلش ماكنتش سمعاك تعالى كُل معايا عامله سندوتشات مربى ولانشون
يوسف: ياريت انا جعان بس مالك فى حد زعلك شكلك مش طبيعى
شهد: لا ابدا مافيش ارهاق بس مش اكتر يلا كُل قبل الجرس مايضرب ورانا حصص بعد الbreak
^^^^^^^^
نروح مكان تانى
سلوى: احمممم  حضرتك استاذ خالد
خالد: اه انا حضرتك سلوى اللِ اتصلتى بيا وقولتى انك عاوزه تقبلينى فى موضوع مهم مش كدا
سلوى: اه.. من غير مقدمات انتَ لسه بتحب شهد
خالد: وانتِ تعرفى شهد منين
سلوى: انا بنت عم يوسف وبحبه اظن انا صريحه معاك ممكن ترد عليا انتَ لسه بتحب شهد
خالد: اه بحبها اوى بس ايه الفايده وهى خلاص اتجوزت واحد غيرى
سلوى بخبث: بس ممكن تطلق وترجعلك واولادك بتربوا وسطيكم قولت ايه
خالد بعدم فهم: فى ايه انا مش فاهم حاجه هو انتِ قولتى حاجه اصلاً
سلوى: بص انا وصلتنى معلومه ان شهد ويوسف بيتخانقوا علشان بيغير منك واكيد الغيره دى مش من فراغ اكيد يوسف لاحظ انها لسه بتحبك فلو زودنا الغيره دى اكيد يوسف هيطلقها لانه مش هيقبل يعيش مع واحده لسه بتحب جوزها الاولانى ها قولت ايه
خالد: واحنا بقا هنزود الغيره دى ازاى!!!
سلوى: بص بقا احنا هنعمل ايه ******
خالد: وتفتكرى ده هيجيب نتيجه
سلوى: عيييب عليك امشى ورايا ومش هتندم
^^^^^^^^^^
فى شقه يوسف&
كريم: ماما انا بابا واحشنى ممكن اتصل بيه
شهد: مش انا عطيتلك موبيل اتصل بيه فى اى وقت يا كركر
كريم: اصل  اصل موبيلى فصل شحن ولسه قدامه وقت علشان يشحن ممكن اكلمه من موبيلك
شهد بابتسامه: اتفضل يا كركر الموبيل كلمه براحتك وخلى اختك تكلمه معاك اسيبك بقا تكلمه علشان الاكل على النار🙂
" تانى يوم"
بواب المدرسه: استاذه شهد لو سمحتى
شهد: فى حاجه يا عم ابراهيم
عم ابراهيم البواب: معلش انى دخلت الحصه عليكِ بس فى برا واحد عاوزك
شهد: ماتعرفش مين وعاوز ايه
عم ابراهيم: اظن اسمه خالد بس معرفش عاوز ايه
شهد باستغراب: ماشى يا عم ابراهيم خليه يستنى فاضل ١٠ دقايق والحصه تخلص واحصلك
شهد: فى حاجه يا خالد قلقتنى اول مره تيجى هنا خير
خالد بابتسامه: فى اى هو انا شكلى يخض كدا خدى نفسك الاول يا بنتى
شهد: خااالد انا مش فاضيه قول جاى ليه
خالد: ابدا كنت معدى من جنب المدرسه قولت اعدى اسلم عليكِ واطمن على الاولاد بس ده كل حاجه معرفش انك هتتخضى كدا
شهد: لا ابدا بس علشان اول مره على العموم اطمن الاولاد بخير الحمد لله وبعد يومين هوديهم عند ماما
خالد: انا كنت واعدهم هنخرج نتفسح فى الملاهى ماتيجى معانا
شهد: معلش مش هينفع انا هخرج مع يوسف روحوا انتوا واتبسطوا عن اذنك علشان ورايا حصه سلام
يوسف: ازيك يا ميس عفاف امال شهد فين مش موجوده فى اوضه المعلمات هى عليها حصه
ميس عفاف: لا يا مستر يوسف دى برا البواب جه ندا عليها فى حد كان عاوزها
خالد باستغراب: اوك شكرا لحضرتك
شهد كانت فى طريقها لاوضه المعلمات لقيت يوسف قدامها
يوسف: كنتِ فين يا شهد
شهد بتوتر: ابدا كنت فى حصه وراجعه للاوضه اجيب شنطتى علشان نروح
خالد فى نفسه: هى ماقلتش ليه انها كانت برا بتكلم حد
شهد فى نفسها: انتِ كدبتى ليه يا شهد المفروض تقوليله ان خالد كان برا بس هو اكيد هيضايق ويكبر الموضوع ونتخانق والموضوع مايستهلش لا كدا احسن بلاش تقولى
يوسف: اممم خدى يا شهد مفاتيح العربيه واسبقينى علشان نسيت حاجه مهمه وهحصلك اوك
يوسف : ازيك يا عم ابراهيم هو مين اللِ جه للاستاذه شهد من شويه
عم ابرهيم البواب: الحمدلله يا بنى ده واحد اسمه خالد اول مره اشوفه
يوسف بتنهيده: شكراً يا عم ابرهيم سلام
" طول الطريق ويوسف بيسوق وهو سرحان ياترى شهد كذبت عليا ليه وخبت ان خالد جه المدرسه وهو كان عاوز ايه...
شهد سرحانه: كان نفسى ماخبيش عليك حاجه يا يوسف بس خوفى منك ومن غيرتك خلتنى اعمل كدا انا حاسه اكنى عامله عمله يارب الطف بيا
" فى شقه يوسف"
يوسف: مالك يا شهد مش على بعضك فى حاجه ولا ايه
شهد: ااانا لا ابدا مفيش حاجه
يوسف: شهد ممكن موبايك اصل رصيدى خلص وعاوز اعمل مكالمه
شهد: اتفضل يا حبيبى اتكلم براحتك عقبال لما اشوف العيال
يوسف بيقلب فى المكالمات بتاعت شهد وشاف انها اتكلمت مع خالد امبارح لمده ساعه كامله
يوسف: وكمان كلمته ساعه كامله من غير ماتقولى ومخبيه عليا انه جالها الشغل لا بقااا انا مش كيس جوافه ولا طرطور ماشى يا شهد
شهد: انا لازم اشوف خالد واقوله مايجيش شغلى تانى وامى تكون وسيله الاتصال مابينا بلاش يتصل عليا اكيد يوسف هيزعل بلاش اضغط عليه اكتر من كدا، ااه وانا بوصل العيال لامى هقابله واقوله الكلام ده
" بعد يومين"
يوسف: رايحه فين كدا
شهد: انت نسيت ولا ايه النهارده هوصل العيال لماما علشان هيخرجوا مع ابوهم ومش هتاخر هوصلهم وامشى على طول
يوسف: ماشى يا شهد روحى مع السلامه
" شهد نزلت ويوسف فضل ماشى وراها بالعربيه يشوفها هتتكلم مع خالد ولا هتوصل العيال وتمشى على طول.  ...
شهد: وصلت الاولاد لمامتها وفضلت مستنيه خالد عند مامتها لغايه لما وصل خالد وكلمته  فى اللحظه دى الباب خبط
ام شهد: مين.. ايه ده يوسف اتفضل يابنى
دخل يوسف شاف شهد قاعده مع خالد لوحدهم وبيتكلموا
شهد: يوسف!!!!!
يوسف ببرود: شهد انتِ طالق
-----------يتبع
Elbanota gege****
تفتكروا يوسف هيعرف انه ظلم شهد!! وهل شهد غلطانه ولا معذوره!! تبعونى😉😉