مطلقه

مطلقه ٤

“ مطلقه" ٤
فى صباح يوم جديد
شهد: صباح الخير يا ميس نهله غريبه يعنى اوضه المدرسات فاضيه يعنى كلهم عليهم الحصه الاولى
نهله: صباح النور يا شهد  اه ياستى فى اللى عليها الحصه الاولى واللِ واخده اجازه
شهد: الحمدلله انا عليا الحصه الثالثه ارتاح شويه واصحح الكشاكيل
نهله: بقولك ايه ياشهد انا اسفه على تدخلى فى حياتك الشخصيه بس عاوزه اعرف انتِ اطلقتى ليه مع انك جميله ومحترمه
شهد بتنهيده: خانى يا نهله بعد عشر سنين جواز هو انا عارفه انه عينه زايغه بس مش لدرجه اوضه نومى بصراحه موقف ماتمناش لوحده تجربه
نهله: انتِ بتقولى ايه انتِ تتخانى ليييه هو اعمى للدرجادى ياشيخه بركه انه غار فى داهيه،بقولك ايه ياشهد هو انتِ تعرفى الاستاذ يوسف
شهد: امممم قصدك الاستاذ يوسف مدرس الفرنساوى
نهله: عليكِ نووور هو بعينه هو يعنى عاوز يتقدملك
شهد: يوووووه حتى انتِ يانهله مش كفايه ماما فى البيت واكله دماغى
نهله: بصى بس ده عازب متجوزش قبل كده ووسيم ومحترم وعنده ٣٣ سنه يعنى اكبر منك بسنتين
شهد بسخريه: امممم والاستاذ عارف انى مطلقه ومعايا طفلين
نهله: اه عارف وموافق هو بس انتِ توافقى وهو هيقنع اهله
شهد بضحكه كلها سخريه: اهلا وطبعا اهله هيرفضوا وهيعتقدوا انى ضحكت على ابنهم ومش بعيييد يقولوا انى عمله ليه عمل سفلى علشان يتجوزنى والنبى يانهله قفلى على الموضوع انا مش ناقصه وجع دماغ كفايه اللِ انا فيه متزودهاش انتِ
نهله: انتِ بتسبقى الاحداث ليه مش يمكن اهله يطلعوا كويسين ويوافقوا وتعيشى سعيده
شهد: الكلام ده تلاقيه فى المسلسلات التركى احنا فى مجتمع بيجرم المطلقه اكنها عار على المجتمع
نهله: علشان خاطرى اتكلمى مع يوسف وشوفى الدنيا معاكى هتكون ايه والله حسيتى بقبول ومفيش مشاكل يبقى الحمدلله ونكمل وربنا يتمم على خير ،محصلش خلاااص فى داهيه انتِ مش خسرانه حاجه بس نصيحه منى فكرى كويس اوى احنا فى مجتمع بيبص للمطلقه بصه مش تمام وانتِ بسم الله ماشاء الله زى القمر وده فى مجتمعنا عييب مش ميزه
شهد بنظره كلها حزن: هفكر وارد عليكِ بكرا
^^^^^^^^
يوسف: انا مش مصدق انك وافقتى تقابلينى لما اتصلت عليا الاستاذه نهله وقالتلى انك موافقه تقابلينى فى الكافيه زُهِلت
شهد بتنهيده: بصراحه مكنتش عاوزه انك تيجى عندنا فى البيت وتقابل ماما علشان لو محصلش نصيب متتغطش عليا
يوسف: اممم بدايه مش مشجعه انما تمام اللى تشوفيه عايزه تعرفى ايه عنى
شهد باستغراب: غريبه مش هتسألنى اطلقت ليه وايه الاسباب
يوسف: اللى يريحك موضوع مايشغلنيش وزى مانتى بدأتى كلامك معايا بصراحه انا كمان هتكلم بصراحه انا لما شوفتك فى المدرسه مقدرتش اخرجك من عقلى وتفكيرى كنت بستنى كل يوم الصبح علشان اشوفك وكنت خايف تكونى متجوزه بس الحمدلله طلعتى مطلقه متتصوريش سعادتى قد ايه
شهد: نععم كنت مبسوط علشان مطلقه ايه اللى يخليك تفكر فيا من الاساس واحد زيك ماسبقلوش الجواز المفروض يتجوز بنت متجوزتش قبل كده
يوسف: جايز عندك حق بس ايه اللى يمنع انى اتجوز مطلقه او ارمله حتى
شهد: المجتمع اللى انتَ فيه يمنعك انتَ عارف هيقولوا عليا ايه لو وافقت عليك
يوسف: سورى يعنى طز اللى يقول يقول المهم سعادتنا
شهد: طيب سيبك من المجتمع اهلك ازاى يوافقوا ان ابنهم يتجوز مطلقه وتعول طفلين
يوسف:متقلقيش من الناحيه دى انا يتيم بابا وماما اتوفوا فى حادثه وماليش غير اخت فى ثانوى وساكن جنبينا عمى ومراته وعياله فى نفس العماره بس عمى طيب اوى وهتحبيه
شهد: يعنى عمك مش هيعترض على الجوازه دى ويعمل مشاكل انا فى غنى عنها
يوسف: ماعتقدش وحتى لو ماوفقش انا مش صغير ياشهد ومش مستنى الاذن من حد
شهد:وعيالى ايه وضعهم فى الجوازه دى
يوسف: هما عندهم كام سنه
شهد: نورسين عندها ٤ سنين وعمرو عنده ٨
يوسف: ربنا يخليهملك ويبارك فيهم بس انا مش فاهم قصدك ايه بوضعهم
شهد بنفاذ صبر: قصدى هيعيشوا معانا ولا هتعترض
يوسف: بصى انا معنديش مانع يعيشوا معانا ونربيهم سوا بس طليقك هيرضى ولا هيعمل مشاكل
شهد: مش عارفه بس انا لو اتجوزت الحضانه هتكون لامى وده بشكل رسمى بس هما هيكونوا معايا انا مقدرش استغنى عنهم
شهد: على فكره انتَ من حقك تعرف انا اطلقت ليه ،مع ان الموضوع بيكسرنى خالد خانى مع انى كنت بعرف من الشات بتاعه على الموبيل بس اخر مره وصلت بيه يجبها فى اوضه نومى وانا عند ماما بس يشاء القدير انى اقفشه اكتر حاجه بتوجع هى الخيانه انا ممكن اسامح فى اى حاجه الا الخيانه
يوسف: انا اسف انى فكرتك باللِ حصل بس صدقينى عمرى ما هكون زيه انا مش خاين الخيانه نفسها مهما كانت نوعها مؤلمه اوى حتى بين الاصحاب
شهد بسخريه: الاصحاب !!! انا صاحبه عمرى لما اطلقت بتتهرب منى مع انها عارفه كل حاجه انا شوفتها مع طليقى
يوسف: انا مش عارف اقولك ايه،بس عندى طلب منك لو حصل نصيب اختى هتعيش معانا انا مش هسيبها لعمى يربيها
شهد: اللِ فيه الخير يقدمه ربنا هفكر واصلي صلاة استخاره وابقى ارد عليك سلام علشان الوقت اتأخر
يوسف: استنى انا هوصلك بالعربيه
شهد: لا مفيش بينا ارتباط رسمى علشان اركب معاك وتوصلنى عن اذنك
^^^^^^^
شهد فى اوضتها بتفكر: وبعدين ياشهد هتوافقى وتجازفى مش كفايه اللى شوفتيه مع خالد طيب وعيالك هتجبيلهم جوز ام مش يمكن يعاملهم وحش. طيب لو ماوافقتيش هتعملى ايه الناس مش سيباكِ فى حالك غير نظراتهم اكنهم بيتهمونى ولا ماما اللى عاوزه تجوزنى لاى حد يخبط على الباب
يارب دبرنى قولى اعمل ايه اهدينى للصح انا تايهه
انا هقوم اصلى وربنا يدبرها من عنده
------------يتبع
*******Elbanota gege
عاوزه تفاعل يشجعنى انى اكمل الروايه بلاش تحبطونى😉