بسم الله ولا حول ولا قوة الا بالله العلى العظيم
البارت الاول من نوفيلا (فرصة ثانية )
تكملة لرواية ❤ على القلب سلطان ❤
بقلم آية العربي
قراءة ممتعة
الحياة فرص
وان كنت محظوظ فستحظى بفرصة ثانية لتجدد حياتك التى امتلأت باللا شئ وتترك أثراً جيداً فى النفوس
&&&&&
فى احدى المناطق الهادئة
تحديداً فى احدى المبانى ذو الطول المتوسط
فتاة جميلة ذو حجاب مرتب هادئ يغطى كامل شعرها وعيون شقراء تجلس على مائدة الطعام بجانب عائلتها وتتناول احدى اكواب الشاي مردفة بحماس _ ادعولي بقى يا جماعة ... يارب اتقبل فى الوظيفة دى ... لاحسن انا رجلى بقت مقاسها ٥٦ من كتر اللف والدوران على الشركات ... وال CV بتاعى تقريباً بقى فى نص شركات مصر .
ربت والدها بحنو على كتفها يردف بأيمان وثقة _ وقت ما ربك يريد يا نور هتتقبلي ... مش مهم الشغل يابنتى ... المهم تشتغلى فى المكان اللى يقدرك ويحفظ قيمتك .
نظرت لوالدها بوجه مبتسم والتقطت كفه تقبله بحنو مردفة _ ربنا يخليك ليا يا بابا ... حضرتك مثلى الاعلى وانا متأكدة ان اللى حضرتك زرعته فيا انا واخواتى مش هيدمر ابداا ... وعارفة ان كل شئ بأوان بس اوقات كتير بأحبط غصب عنى .
اومأ محمد بتفهم مردفاً بتشجيع _ انا بنتى ست البنات ... اوعى تيأسي ابدااا ... انتى بأخلاقك وشهادتك ومبادئك هتوصلي للقمة بأذن الله ... وربنا مش هيضيع تعبي ولا تعب والدتكوا فيكو .
ابتسمت له بتآثر من كلماته ونظرت اليه داعية _ ربنا يباركلي فيكو يارب .
اردفت والدتها حياة بحنو _ ويبارك فيكي يا نور انتى واخوكي واختك يا حبيبتى ... يالا كملى فطارك علشان متتأخريش .
اردف شقيقها الأصغر سيف بمشاكسة _ وانا يا نور هتاخديني فى سكتك توصليني ع السنتر لانى هتأخر ع الدرس .
فركت اذنه بيدها مردفة بغيظ _ لا ازاي .. متتأخرش ع الدرس اتأخر انا على الانترفيو يا استاذ سيف .... قوم يالا خلينا نمشى .
قامت هى تستأذن من والديها واردفت بإستئذان _ بعد اذنك يا بابا هاخد العربية .
اومأ والدها يردف برتابة _ ماشي يا حبيبتى ... المفتاح عندك ع الكوميدينو ... بس خدى بالك كويس يا نور وانتى سايقة !
اومأت له ووقف معها شقيقها واتجها الاثنان بعدما التقطت المفاتيح الى الأسفل حيث سيارة العائلة .
قادت نورسين السيارة بعدما قامت بتشغيل اذاعة القرآن الكريم لتستمع الى تلاوة ما تيسر منه بصوت الشيخ عبد الباسط عبد الصمد التى تعشق تلاوته وتحفظها عن ظهر قلب .
أنت تقرأ
نوفيلا فرصة تانية (على القلب سلطان )
Romanceهل يمكن ان يتحول (أدم ) الشيطان الذى عاهدناه فى رواية ( على القلب سلطان ) الى ملاك ويعطى له القدر فرصة ثانية ؟ هل لتلك البريئة الخلوقة ان تقع فى حبه ! او ان الماضي سيعرقل طريقهما ! سنعرف هذا واكثر مع نوفيلا (فرصة ثانية ) لمعرفة قصة أدم كاملة يجب ا...
