بسم الله ولا حول ولا قوة الا بالله العلي العظيم
خاتمة نوفيلا ( فرصة ثانية )
بقلم آية العربي
قراءة ممتعة
&&&&&&&&
تجتمع اسرة محمد حول بعضهما في الصالة يتابعون عرض مسرحى مميز للزعيم
امامهم ما لذ وطاب من حلويات العيد ولوازمه .
كانوا فى جو اسرى رائع يضحكون دون تكلف او خوف الا ان انتهى العرض ...
تنهد محمد ونظر لابنته نور مردفاً بترقب _ نور .... ادم جاي بكرة ... هو طلب يقعد معاكى الاول ويتكلم قبل الخطوبة .. انتى جاهزة يابنتى ؟ .
سحبت شهيقاً عالياً الى رئتيها واردفت بتوتر _ تمام يا بابا ... بس يمكن لان الوضع جديد عليا انا متوترة ... بصراحة مش عارفة هنتكلم في ايه او هو هيقول ايه ؟ ... خايفة اظهر امامه متوترة ... محتاجة اكون ثابتة وعندى ثقة بس خايفة مشاعرى تخونى .
اردف محمد مشاكساً وهو يقترب فى جلسته قليلاً حتى التصق بابنته _ معقول ! ... نور بنتى اللى تحاور بلد وعندها لسان زى المطرحة مش هتعرف تتكلم مع الانسان اللى هترتبط بيه ؟
ابتسمت نور بهدوء بينما اردفت حياة ممازحة ايضاً _ نور بنتك عندها لسانين فى اي كلام الا كلام الحب يا محمد ... وقتها هنلاقيها احمرت وغرقت فى شبر ماية .
ضحكت اسماء واردفت بمرح _ ياااااه ... اخيراً .. هرخم عليكي وانتى بتتكلمى مع أدم فى الفون زى ما كنتى بتعملي معايا انا وعلي .
ضيقت نور عيناها ونظرت لاختها بتهديد مردفة _ طب عالله يا اسماء تعمليها ... وقتها شوفى انا هعمل فيكي ايه ؟
اردف محمد بصدمة _ بنت يا نور ! ... ايه الكلام ده ؟
تحمحمت واردفت بتلعثم _ احم ... مش قصدى يا بابا ... انا بس كنت بحذرها ترخم عليا قدامه يعنى علشان برستيجي وكدة .
اومأ محمد مبتسماً ثم تابع _تمام ... لما نشوف هتعملي ايه بكرة .
ارتعش قلبها العاشق وشردت تفكر فى اللقاء المنتظر غداً
&&&&&&&&&&&
عند أدم الذى يتمدد على فراشه ويضع كفيه تحت رأسه شارداً فى سقف الغرفة يفكر بعمق ويمرر على عقله الحديث الذى يرتبه من اجل لقاء غداً .... لقاء السحاب ... حديث العمر .
يشعر بالسعادة والتوتر والخوف فى آنٍ واحد .... يخشى الحديث معها كأنه لم يتحدث يوماً الى فتاة ... واي فتاة ! ... انها نورسين التى كسرت الجدار الصلب لشخصيته وبروده بكل سهولة .
هى فرصته التى تمناها والتى يريد ان يعيشها دائماً ويحظى بها فى حياته القادمة والجديدة .
أنت تقرأ
نوفيلا فرصة تانية (على القلب سلطان )
Romanceهل يمكن ان يتحول (أدم ) الشيطان الذى عاهدناه فى رواية ( على القلب سلطان ) الى ملاك ويعطى له القدر فرصة ثانية ؟ هل لتلك البريئة الخلوقة ان تقع فى حبه ! او ان الماضي سيعرقل طريقهما ! سنعرف هذا واكثر مع نوفيلا (فرصة ثانية ) لمعرفة قصة أدم كاملة يجب ا...
