نوفيلا فرصة تانية (على القلب سلطان )

الجزء الثالث

بسم الله ولا حول ولا قوة الا بالله العلي العظيم

البارت الثالث من نوفيلا ( فرصة ثانية )

من رواية ❤ على القلب سلطان ❤

بقلم آية العربي

قراءة ممتعة

&&&&&&&&&&&&

نظرت نورسين امامها بتمعن لذلك الشخص وحين عرفته اردفت بصوت مسموع كعادتها _ يا صلاة النبي .

شبه ابتسامة مرت على ثغره لم تلاحظها نور ولا وداد التى نظرت لها بتعجب متسائلة _ خير يا أنسة نورسين فيه حاجة ولا ايه ؟

توترت نور قليلاً وجالت انظارها بين وداد وأدم مردفة بترقب _ لا ابدا يا استاذة وداد ... احم اهلا بحضرتك يا ادم بيه .

اومأ لها ثم نظر الى وداد مردفاً بملامح ثابتة وترقب _ يومين يا وداد ... قدامك يومين قبل ما تمشي تعلميها النظام ايه بالضبط ... مش عايز اى خطأ ولو صغير ... تعرف كل الصفقات ومواعيد الاجتماعات وزيارات المصانع واسماء الملفات وكل معلومة اطلبها منها تكون عندها علم بيها .

اومأت وداد مردفة بهدوء _ تمام يا ادم بيه ... بس ياترى يومين هيكفوا !

هنا تحدثت نور بثقة _ متقلقيش يا استاذة وداد ... يكفى انك تقوليلي المعلومة مرة واحدة وانا مش هنساها .

نظر لها ادم بأعجاب ... كان يعلم انها مناسبة ... عاد لنظرته الباردة مجدداً يردف وهو يعبث باشياء مكتبه _ تمام ... تقدروا تتفضلوا ع المكتب برة وتبدأوا شغلكوا .

خرجتا سويا ونورسين متعجبة من ذلك الرجل ... لماذا اختارها هى من دون غيرها ... هل سينتقم ! ... هل وضعها فى رأسه ! ... ولكن سيارته لم يصيبها مكروه ... هل سيمثل عليها الحب ثم يخلو بها ! ..

عند تلك النقطة واردفت بخوف وصوت عالى _ لاااااء ... مش هيحصل ... كفاية روايات بقى .

تعجبت وداد منها واردفت بتساؤل _ هو انتى بتفكرى بصوت عالى كدة علطول ؟ ... فيه ايه يابنتى خضتيني ..

تابعت محذرة _ لاء ركزى ... مستر أدم مش زى سيلين هانم ... مش بيتهاون فى الشغل ... هو اختارك من بين كل اللى اقبلوا ع الوظيفة دى واللى عندهم خبرة اكيد لهدف معين هو شايفه صح ... علشان كدة ركزى كويس اوى .

سحبت شهيقاً قوياً وزفرته مردفة بثقة وثبات وكأنها تحفز ذاتها _ تمام .... هركز كويس جدااا فى شغلى وبس ... ومش هفكر بصوت عالى .... تمام ... يالا نبدأ .

نظرت لها وداد بشك قليلاً ثم اتجهتا سويا الى المكتب تتابعان العمل ووداد تعلمها بعناية كل شئ .

&&&&&&&

بعد يومين
عادت نور الى منزلها بارهاق بعد يوم عمل شاق فوداد شعرت ببعض التعب وهى من قامت بكل الامور عنها بالاضافة الى الاجتماعات التى نظمتها هى اليوم والتى اثبتت كفائتها بها .