صلوا على النبي
متنسوش الڤوت ❤️✨
____________________
حاول "نادر" الإتصال به عدة مرات لكن في كل مره لا يجيب ليزداد خوفه من أن يفعل شيئًا خاطئ يؤثر عليهم بالسلب فهو يعلم تفكير "خالد" إذا كان الأمر معلق ب"فريده"
لتمر دقائق من التفكير المتواصل يقطعه صوت هاتفه المضئ بإسم " خالد " بالإنجليزيه وضعه على أذنه فورًا ليهتف دفعه واحده
: خالد أنا عارف فريده فين عارف مكانها
أجاب "خالد" بنبره قلقه
: عارف ؟ طب هي فين!؟ هي كويسه؟
أخذ "نادر" يطمأنه بكلماته
: متقلقش قولي بس مكانك وأنا هفهمك
هتف بعد أن شعر بأن هناك أمل ليجدها
: في المسجد إلي في المعادي ؛ رجلي جابتني هنا لما معرفتش أفكر سجدت لربنا ودعيت دعيت بوجع وخوف وقلق إحساس متلغبط ، كنت ببكي في السجود كأني طفل ضايع من أمه في عز الزحمه ومش عارف أدور عليها أو حتي أنادي بإسمها بصوت عالي إلي كان هيضيع في وسط أصوات الناس ، كل الذكاء وسرعة بديهتي إلي كانت فيا في الحربيه اختفت كنت ضعيف وملقتش غير سجودي لربنا إلي هيقويني
مسح بكفه تلك قطره الماء المالحه التي فرت من عنيه ليكمل حديثه
: في عز دعائي لقيت حاجه لمست قلبي دبت فيا راحه غريبه كأن ربنا بيقولي أنا سامعك هريح بالك
أبتسم "نادر" لشعور صديقه هتفًا ليأكد له حديثه
: طبعا ياخالد في أية في سورة البقرة بتقول
( وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ )
ويلا بقا ياعم أستناني عند الكورنيش أنا جاي
أغلق الهاتف وهو يتمتم بأسى
: يا خربيتك يا فريده هتجنني الصاحب إلي حيلتي مش عارف هعمل فيكي إيه
_____________________
دلف" عوض " ل"فريده" ليجدها مثل ما هي قطه تريد الإنقضاض على العدو
إتجه للحائط ليصعد السلم الخشبي مركبًا تلك الكاميرا الصغيره
إتسعت عيناها بهلع
: إنتوا هتبتزوني بصوري ولا إيه
مرر أصبعه بين خصلات شعره الأماميه
: أه هنبتزك و أسكتي بقا ومتجبيش سيرة الكاميرا دي تاني
نظرت له بطرف عيناها مردده
: هي الرجاله كلها عصبية كده يا.... ونبي صح اسمك إيه مش من الرجوله يعني تكون عارف إسمي وأنا لا
نظر لها مندهشًا هل هي واعيه لما تقوله هل تعلم بأن تم أختطافها أم تظن إنها تلهو في مدينة الملاهي
: يا ست أنتي مخطوفه إيه السلام النفسي إلي أنتي فيه ده
أنت تقرأ
سأنتظرك و ستأتي
Misterio / Suspensoفريده و خالد هذا الشاب الذي في مقتبل عمره يضحي بروحه لبلده لتكون حبيبته ضحية إختطاف وهذه الشابه التي لا تعلم هل ستنجو وينقذها من بطش العدو أم لا .. تابعوا روايه سأنتظرك و ستأتي ڤوت كتيرر❤️✨
