Uni
"CEOအမျိုးသားက ချောတယ်နော်"
တစ်ရုံးလုံးက မိန်းမပျိုများက ထန်လွန်းထိုက်နဲ့အတူ တိမ်လရောင်မော်ကွန်းဝင်ကတည်းက ငေးမောစွာ ကြည့်နေကြသည်။ ကွန်းခမျာ လူအများကြီးကြည့်နေတော့ တုန်လှုပ်နေပေမယ့် ထိုက်ကတော့ ခပ်တည်တည်ပင်ရှေ့ကသွားသည်။
မိမိအခန်းရောက်သည်နှင့် ကုတ်အင်္ကျီကော်လံကို အနည်းငယ်ဆွဲချကာ ထိုင်ခုံပေါ်ထိုင်လိုက်သည်။တိမ်လရောင်မော်ကွန်းကလည်း ထန်လွန်းထိုက်၏ရုံးခန်းထဲက ဆိုဖာပေါ်ထိုင်ပြီး အနားယူနေသည်။
"ဘာလဲ ကြောက်နေတာလား"
"အင်း ငါတစ်ခါမှ ဒီလိုနေရာကို မရောက်ဖူးတာ"
"ဟားဟား"
"ထိုက် မရယ်နဲ့ ဟိုမှာ ဝန်ထမ်းတွေက ငါတို့ကိုကြည့်နေတယ်"
ရုံးခန်းကတံခါးဖွင့်ထားသောကြောင့် ဝန်ထမ်းတစ်ချို့က ချောင်းကြည့်နေကြသည်။ဒါကိုတိမ်လရောင်မော်ကွန်းက ခေါင်းလေးငုံ့ကာ ရှက်ပြီးပြောနေသောကြောင့် ထိုက်က အပြင်ဘက်ချောင်းကြည့်နေသော ဝန်ထမ်းများကို အကြည့်တစ်ချက်ပို့တော့ အကုန်လုံး ကိုယ့်အလုပ်ကိုယ်ပြန်လုပ်ကြသည်။
"ထန်လွန်းထိုက်"
"ဗျာ"
"မင်း အလုပ်မလုပ်ဘူးလား"
"ကျုပ်အလုပ်က လက်မှတ်ထိုးရုံဘဲလေ ဘာဖြစ်လို့လဲ"
"မဟုတ်ပါဘူး မင်းကအလုပ်မလုပ်ဘဲ ငါကိုကြည့်နေလို့"
ဟုတ်ပါတယ်။ထန်လွန်းထိုက်ဟာ သူ့အလုပ်စားပွဲပေါ်ကနေ ဆိုဖာပေါ်ထိုင်နေသောတိမ်လရောင်မော်ကွန်းအား မေးထောက်ကာ ကြည့်နေတာပါဘဲ။ ခန္ဓာကိုယ်တစ်ခုလုံးကို အပေါ်တစ်လှည့် အောက်တစ်လှည့်ကြည့်နေတာကြောင့် တိမ်လရောင်မော်ကွန်း ကျောချမ်းသလိုဖြစ်ကာ ထန်လွန်းထိုက်အားမေးလိုက်ခြင်းပင်။
"ကျုပ်အလုပ်က ခင်ဗျားကို တစ်နေ့ကုန်ထိုင်ပြီး တစ်စိမ့်စိမ့်ကြည့်ချင်တာ"
"မင်း!"
ဒေါက် ဒေါက်
ထိုအချိန် ဝန်ထမ်းကောင်မလေးတစ်ယောက်က ယဉ်ကျေးမှုအရ ဖွင့်ထားသော တံခါးကိုခေါက်ကာ
YOU ARE READING
Cigarette and poison
RomantikI recommend reading over 18 years old. Seme is Possessive type and Asshole type. Htike+Koon Tracy///
