محــــبــــوبــــة المــــفــــتــــرس❣️🦇|🇲🇦

🫀وحــــش وجــــد جــــمــــيــــلــــتــــه🫀|1

▪︎إسبانيا - مدريد▪︎

بداية منتصف الليل...فالوقت لي اغلبية الناس ناعسين فيه منهم لي خدام و منهم لي قاري و منهم لي عزيز عليه النعاس بحالي...كاينين فئة خرى عاد تيبدا نهارها و نعاسهم متيطيب حتى تيضربو جوج كيسان ولا تلاتة...

صفوف متزاحمة امام اكبر ملهى ليلي بالمدينة مايمكنش دوز الا بقبول السيكوريتي لي تما..بينما فالداخل أجساد متراقصة على إيقاعات موسيقى صاخبة غطات على صوت نخب كؤوس المشروبات الباهضة..أضواء قوية ملونة تحوم بقوة في المكان مع الجمهور لي جاي غير على قبلها..جمهور تيعشق الزهو و فينما كاين النشاط و لي تينشط بحالها يجيو و يخسرو الفلوس و اللعاقة!...

واقفة فمنصة خاصة بيها فوق الكل كأنها متربعة على عرش هاد الملهى الليلي..سماعات مغطية ودنيها تتسمع بيهم مزيجها الإستثنائي..بأصابعها البيضاء الرقيقة تتلعب بأزرار الDj Mixer عالي الجودة الخاص بها و بابتسامة ساحرة قربات شفاهها الوردية الصغيرة من الميكرو ناطقة باللغة الإسبانية...

_أوووولاااا أميكوووس ميييوسسس (أهلا اصدقائي) معاكم DJ Daana/ الديدجي دانا و اليووم غنشعلووووها فمدريييييد...

تسمع صوت هتااااف عااالييي تيعبر على فرحة و حماس جمهورها المتعطشين لإبداعها المستمر بحيث انها معروووفة بتنوع خلطاتها (mixes) و لي متتعاودش ابدا..كل حفلة تتحييها بخلطة غير لي دازو هادشي لي عاونها تحط بصمتها فقلوب العشاقة و الملالة و تنشر مذاقها الخاص من الموسيقى داخل الصوتيات الرقمية بسرعة خيالية...

الإبتسامة متتخطاش ملامحها البريئة و شعرها البني متوسط الطول متمايل مع حركات راسها مستمتعة بألحانها قبل منهم هوما!..بقات على حالها منشطة الناس و فنفس الوقت كاسبة رضى مالك المكان لي رابح على ضهرها آلاف الأورووات حتى حانت اللحظة لي غتبان فيها اللمسة الخاصة بيها و لي طلعاتها للشهرة فهاد المجال.."رقصة البيكسي" كيف مسمياها و هي تطلع فالرتم لي كان منخفض من قبل مهدة لراسها طريقها بنغماتها لي بداو تيتعلاو بقوة غاديين و تيضربو فالودن حتى تسمع بحال شي انفجار تما فين لاحت الكاسك لي على ودنيها تلقائيا و نقزات من المنصة الفوق حتى الأرض من داك العلو كأنه نقزات غير جوج دريجات..كان الأمر لا يصدق و مستحيل يديرو بشري عادي فالأول ولكن مع المدة و كترة الحفلات و العروض ولفوها و مابقاوش متعجبين مؤمنين انه فعالمنا كاينين العجائب غير هو فرضياتهم عمرها وصلات يفكرو انها ماشي بشرية بحالهم...

هاد الضومين من غير الإبداع..التجديد..الإحترافية كاين سلاح اخر باش تستمر فيه و تكون عندك شعبية كبيرة و لي هو "الإبتسامة" للأسف واخا الديدجي تيبقاو عندو مشاعر حتى هو بحالنا ولكن فعروضو وياه مايبتاسمش! و هو لي خدمتو هي يخلي البشار يشطح و ينشط طول الوقت! يوقع ليه لي يوقع قبل مايدخل يوجد ادواتو و معداتو مشاعرو يتحطو برا الملهى الليلي أو البار لي خدام فيه..ولكن بالنسبة لمخلوقة بحال دانا مكانش عندها حتى مشكل راحتها و ضحكها عاد متيحلاو وسط من هاد الاجواء و سلاحها هو رقصها المتناغم مع موسيقاها و ضحكتها الجميلة لي تتزيد تزيين وجهها الملائكي..بقات غادية بين الجمهور تتشطح معاهم و قهقهاتها العالية غير مسموعة بفعل الصخب حتى فلحظة اختفت بيناتهم مثل السحر و بسرعة هزو راسهم بانت ليهم تشقلبات فالسما حتى رجعات لمنصتها مكملة إحياء و إنجاح هاد الحفل...