محــــبــــوبــــة المــــفــــتــــرس❣️🦇|🇲🇦

🫀وحــــش وجــــد جــــمــــيــــلــــتــــه🫀|8✨️ 𝓣𝓱𝓮 𝓔𝓷𝓭✨️

▪︎بعد أشهر - تركيا▪︎

الدولة لي تتعتابر من سنة 2003 انه موقعها جاي نيشان فالمركز الجغرافي للأرض تقريبا 200كم لي بينو و بين شمال شرق العاصمة أنقرة الموقع لي ماتختارش عن عبث بل كمركز لجمعهم بعد فراق طويل!...

كانت سيارة فاخرة ماشية بين شوارعها جالسة فمقاعدها الخلفية امرأة شابة بملابس صيفية متكونين من تيشيرت ابيض و سروال احمر مفتوح مع قبعة بيضاء فوق شعرها البني و هي تتشوف من النافذة بنضراتها الفضولية كانت حاطة تيليفونها على وذنها تتسنا الرد...

دانا بتنهيدة: و اخيرااا جاوبتي!

زيلدا حاطة السماعة على ودنها بإنزعاج من صداع الدراري: واش وصلتو على خير؟؟ كيف دايرة الدنيا تما؟؟؟

دانا: وصلنااا و الدنيا شغنقول ليك كلشيي زويين بغيت غير نطمأن على التوينز (التوأم)

زيلدا شافت فيهم: لباس عليهم كوني هاااانية تيلعبو مع الدراري و كاثوولف هازة ريما

دانا بدهشة: اويلييي ا زيلدا غطييحها ليااا!!!

زيلدا بإطمئنان: حتى نتي شحال فيك سيري سيري واش مشيتي لموعد ولا تصوني عليا فالدقيقة الاولى ولادك امانة على رقبتي

دانا بتردد: واخاا من بعد و نصوني عليك تاني

قطعات عليها زيلدا دغيا قبل ماتزيد شي حرف اخر..وقفات السيارة قدام واحد من أرقى المقاهي فالعاصمة..هبطات دانا مزييرة على الصاكادو ديالها و قلبها غيخرج من بلاصتو دقاتو غادية و تتزيد اكتر من قبل كلما تتزيد تقرب من الداخل حتى دخلات تضور عينيها و بكل لباقة سولاتها البنت لي فالإستقبال بلباسها الرسمي...

البنت بالإنجليزية حيت المنطقة سياحية(اما غااالبا الأتراك متيدويو غير بلغتهم): فاش نقدر نعاونك ميس؟

دانا بتوتر: تنقلب على هاد البنت(جبدات التيلي وراتها الحجز من لابليكاسيون)

البنت بلباقة داتها لحتال فين كانت الطاولة المحجوزة بنفس الرمز بانت ليها بنت شقراء بفستان ابيض راقي جالسة بكل رقي تتحتاسي القهوة كانت عاطياها بالضهر..دانا حركات راسها للبنت و شكراتها و مشات..بلعات دانا ريقها و رجليها خواو بيها فهاد اللحظة كانت مترددة واش تقرب ولا تمشي بحالها ماحد البنت مزال ماعاقت بيها و ماضارتش لجيهتها حتى سمعات صوتها الرقيق لي نطق بكل هداوة "صوت نبضات قلبك مسموع من هنا و مشاعر الخوف ريحتهم شوية لي بقا غتخنقني لهاد الدرجة تنخلع؟"

دانا خرجات عينيها بصدمة و بسرعة وقفات عليها مزييرة على صاكها بينما الشقراء هزات غير عينيها القهويين الغامقين فيها و حطات فنجانها بلباقة فوق الطبيسيل الصغير ديالو: ديانتي!