محــــبــــوبــــة المــــفــــتــــرس❣️🦇|🇲🇦

🫀وحــــش وجــــد جــــمــــيــــلــــتــــه🫀|2

جابت جوج طباسل كبار واحد فيه ليباط بالفرماج طايبين على شكل كراتان فالفران و الثاني ضلعة خضرة..حطات ليباط على جنبها و طبسيل الضلعة قدامو بابتسامة...

دانا: هدا جهدي عليك مغنجيبش ليك بنادم مقتول

هاركان تيطلع و يهبط فيها عينيه: دابا انا غناكل هاد اللحم؟

دانا جلسات قدامو تتغرف شوية من ليباط لراسها فتبصيل اخر: واش نتا حمق؟ وا رضا بلي تحط!

هاركان شد ديك الضلعة بالنفخة تيغزز فيها بأنيابو لي خرجو: مرة اخرى علميني نجيب ماكلتي معايا!

دانا: ايوا هانتا تتاكلها نيت و تتشكا! بفففف

هاركان: تناكلها غير على قبلك نتي و عراضتك!

فالبلاصة ضحكات حشمانة: ياااقلبيي على قبلييي هههه

هاركان حط العظم و هز كاس المشروب كب لراسو: هي هادي هي شقتك من الداخل؟ دايرة غابة هنا!

دانا تتاكل بالفورشيط و تدوز بالما: راك عارف انني بيكسي و الخضورية جزء مني بل موطني

هاركان: كيفما الماننأنكالز تيعيشو فالكهوف و الأماكن المهجورة و المظلمة...

دانا: تماما! الى جيتي تشوف انا وياك مختلفين تماما! (هبطات حجبانها) ماعرفتش كيفاش غنولدو هاد الولاد...

هاركان رشف رشفة من كاسو: كيفما تزادينا كاملين عادي الفرق انه غيكونو هجناء عبارة على نصف مني و نصف منك

دانا سهات لدقائق تتخييل راسها هازة جوج توام بين يديها كيوووت بزاااف و هي تتبتاسم تيعجبوها الدراري الصغار بزاااف ولكن بحكم خدمتها و حياتها عمرها تخييلات راسها شي نهار أم حتى جا هاركان فييق غريزة الأمومة فيها..غريزة مزروعة فأي بنت منذ ولادتها و الدليل من الصغر تتلقا بنات صغارات هازين مونيكات تيلعبو بيهم و يديرو راسهم انهم هوما امهاتهم! شكون علم هادشي لدوك البنيتات؟ و باش عرفوها فداك العمر الصغير؟ نعم انها غريزة الأمومة!...

بقات ساهية تتفرنس و هو مسند تيتفرج فيها حتى وكان تسالي اللحظة لي عايشاها فداك الدماغ حتى تسمع الدقان فالباب..تبدلو ملامح هاركان بإنزعاج و فاقت دانا من حلمتها و هي فايقة...

دانا حطات الفورشيط و ناضت: غيكونو غير الجيران

مشات دغيا حلات الباب تحت انضارو و مراقبتو لخطواتها..لقات بنت قدها فالعمر و الشباب نقزات عليها...