محــــبــــوبــــة المــــفــــتــــرس❣️🦇|🇲🇦

🫀وحــــش وجــــد جــــمــــيــــلــــتــــه🫀|4

▪︎بلجيكا - مطار بروكسل▪︎

بعدما هبطات الطائرة و وصلات ركابها بأمان هبطو كل من دانا و هاركان حتى دخلو لداخل المطار و خداو حقائب سفرهم من البلاصة لي تيتلاحو فيها..خرجو من تما كان هاركان غادي عارف فين قاصد بفضل الحاسة ديالو القوية و دانا غير تابعاه حتى وقفو على درايك لي كان واقف فواحد الزاوية تيتسناهم و قدامو كانت واحد الشابة عاطياهم بالظهر شعرها بني متوسط الطول..عيون بنية و متوسطة القامة كانت حركية بزاف تدوي و تعبر بيديها و هو غير خاشي يديه فجيوبو تيسمع ليها و عاطيها وقتها حتى حسات بيهم موراها و هي تلفت مغوتة بحماس خلات البشر يضورو كاملين مخلوعين جيهتها بأش واقع...

_ ناااااري جيتيييوووو مزاااال (تلاحت على دانا عنقاتها) اووووه و اخيراااا تلاقينااااا شحااال عاودووو لياااا عليييك (غير درايك لي عاود) فرحت بزااااف ياختييي قيسيي قلبييي (تتجر ليها يديها)

دانا بدهشة مخلطة بالفرحة: شكراا شكراا صراحة ماعرفت مانقووول

درايك شاف فدانا و اشار للشابة: تنقدم ليك مراتي زيلدا غير حشمت نقول بنتي

زيلدا قربات منو تضور ليه بحال القطة ظامة يديها بضحك: حيت نتا اكبر شوكر دادي يمكن ههههه

دانا: هههه شوكر دادي عند البشر ماشي حنا علاه شحال فعمركوم؟؟

زيلدا نقزات مامخلياش ليه المجال..حطات يديها على صدرها داوية على راسها: انا فعمري دابا 24عام و هو (حطات يدها على صدرو و الثانية تتحركها بشك) ماعقلتش بالضبط ولكن راه كاين فالمياواااات (المئات) اصاحبتييي

دانا تضحك: هههههه راك صغيرة بزاف و نيييييت

هاركان حط يدو على راسها: نتي براسك صغيرة!

دانا: راه انا نيت و عشت لقرون ا حبيبي اشمن صغيرة

درايك: مقارنة بهاركان راك صغيرة هو عاش كتر منك

زيلدا بقلق مصطنع: اووووه هي كلكم دابا كبار عليا بزاااف

دانا شافت فدرايك باستغراب: باش عرفتي بلي عشت قل منو؟

هاركان مابغاهاش تعرف انه عارف شي حوايج على ماضيها: هادشي راه باين مهم فيناهوما الولاد؟

زيلدا: فالقصر اويلييييي ا خويا بغيتيهم يجيو لهاد المطار يرييبوه ولدت شي ذيااااب غيهنشرو ليااا البشر هنا

درايك بهدوء: بغات تقول زعمة بلي مزال ماتدربو يكونو بين البشر

زيلدا تتبتاسم و تحرك فراسها: اه داكشي زعمة المهم لي مافهمتوهش فهضرتي راه درايك غيشرحو ليكم