မြတ်နိုးဖွဲ့ငင် ချစ်ကြိုးမျှင် (ျမတ္နိုးဖြဲ႕ငင္ ခ်စ္ႀကိဳးမွ်င္)

မြတ်နိုးဖွဲ့ငင်ချစ်ကြိုးမျှင်"1"

#unicode
#zawgyi

တစ်ဝေါဝေါ ရွာချနေသော မိုး။
မြစ်ရေစီးသံဟာကျယ်လောင်စွာနှင်အတူသူရဲ့ အားမာန်အပြည့်ကိုဖော်ကျူးနေသကဲ့သို့ပင်။ ထူးဆန်းမှုကတော့ အမြဲထိန်လင်း​​​နေတဲ့ ဒီရွာဟာ အခုချိန်မှာတော့တစ်ရွာလုံးအိမ်တိုင်းနည်းပါး
ဆီမီးက်ိုသာအသုံးပြုထားပြီး လျှပ်စစ်မီး​တွေကို ပိတ်ထား ကြသည်။
ဒီည ဟာ ရွာရဲ့အရေးကြီးသော နေ့တစ်နေ့။

ဒီညမှာ​​​တော့ရွာ ကိုစောင့်ရှောက်သည်ဟု ယုံကြည်ထားကြသော နဂါးမင်းရဲ့မျိုး နွယ်
နဂါးစံအိမ်တော် က အိမ်ရှေ့စံ မင်းသားနှင့်အတူ စိုင်းလုကောရွာရဲ့ အပျိုတော်ဟာတွေ့ဆုံကြပြီးကျေးဇူးဂုဏ်ဖွဲ့စာချိုးနှင့်အတူ နဂါးချော့ပွဲကျင်းပရမည့်နေ့ရက်။

နှစ် နှစ်ဆယ်တွင်တစ်ခါ သာ ဖြစ်တည်သောထ်ိုအစဥ်အလာဟာ စိုင်းလု​ကောရွာအတွက်တော့ငြိုငြင်မှုတစ်စိုးတစ်စိမှမရှိသော မြင့်မြတ်သောပွဲတော်ဟု ခံယူထားကြသည်။
မြစ်ကမ်းနားဘေးမှာ တည်ထားသောရွာပေမယ့် ရေစီးကြမ်းသော စိုင်းလုကောမြစ်ဟာ ရွာရဲ့မြေတစ်ပိုင်းကိုမှတိုက်စားခြင်းမရှိခြင်းဟာ စိုင်းလုကော ရွာကိုတည်ထားခဲ့သောနဂါးမင်းရဲ့ ဂရုဏာမေတ္တာပင်...။

"မေတ္တာကိုဆက်ပါလို့
အပျိုကိုလှမ်းပါဖွဲ့
အဖြူရောင်နဂါးမင်းကိုကွယ်
အပျ်ိုစင်စေကာလွှတ်လ်ို့
ရွာတော်ကိုစောင့်ရှောက်စေကြောင်း
ဖွဲ့ကာနွဲ့ပါတဲ့
နှောင်ကြိုးဖွဲ့တေး..."

ည ၇နာရီဒေါင်ဆိုတဲ့ စိုင်းလုကောရွာရဲ့ အိမ်တိုင်းမှ ထွက်ပေါ်လာတဲ့ နဂါးချော့တေးဟာ မိုးသံနဲ့အပြိုင် ထွက်ပေါ်လာသည်။

ဒိန်း....ဂျလိမ်း....။

ကျယ်လောင်တဲ့မိုးခြိမ်းသံနဲ့အတူ လျှစ်စီး တစ်ဖျတ်ဖျတ်လက်နေမှုကြောင့် ငြိမ်းချမ်းရေးရဲ့
ခန္တာကိုယ်သေးသေးလေးဟာ တစ်ဇက်ဇက်တုန်ခါနေသည်။

ဆီမီးအကူရှိပေမယ့် အလင်းရောင်ကတော့ကောင်းစွာမရရှိနိုင်။

အဖြူရောင်ချည်ထည်ဘောင်းဘီအဖျားလေးတွေဟာ မိုးရေတွေစိုစွတ်လို့
မိုးလေ တစ်ဖြည်းဖြည်းသည်းတဲ့အခါ စောင်းထားတဲ့ ထီးလေးကိုလည်း ပိုမိုလုံခြုံအောင်ကျစ်ကျစ်ပါဆုပ်ထားမိသည်။