يعقوب: فايز امانه تحبها
فايز: ياحبيبي معجب في شخصيتها لا اكثر ولا اقل
ايمن: والله اني اشك بهاذا الكلام
نروح لجهة ردينا
ردينا: ها دانه وش لونك
دانه: بخير وش لون فايز
ردينا: حالته تخوف احس اني شايله همه اكثر من نفسه
حلا: اثار الحب شوي شوي تصيرين تعشقينه
ردينا: انا افتك من بثينه وامي تجيني انتي.. على طاري امي ماقلتلها
حلا: روحي قوليلها
ردينا: انا جيت اتطمن عليكم ورايحه تبون شي؟
ردينا: حفض رحمن.. والله انها تحبه
دانه: داريه بس مسويه ثقيله
ورجعت للبيت وراسها مصدع وامها مو موجوده ولا بغرفتها وغيرت ملابسها ومسحت ميكبها واخوها جاء
فهد: ردو وش قصتك جايه متأخر
ردينا: اعوذ بالله ناس صارت تتوفى كثير ولا ايش قبل كم اسبوع ام حلا ماتت الحين ام فايز ماتت
فهد: الله يرحمها انتي وش دخلك
ردينا: وش الي وش دخلني زميلي ماقصر معي وقف معي ومع حلا والبنات
فهد: اقول انا بدخل انام
ردينا:. روح... بصوت واطي نومة الدهر
وانتضرت امها تجي واول ماسمعت صوت المفتاح راحت جري
فضى: ردو حبيبتي غريبه جايه متأخر
ردينا: يما ام فايز ماتت وراسي انفجر الولد شوي ويفقد ذاكره من كثر مابكاء
فضى: ماالومه يابنتي فقدان الام يعور القلب
ردينا: بذات لما تكون حيه بس فاقدتها
فضى: رجعنا لنفس الموضوع لازم تعورين قلبي
ردينا: مااقصد بس جات من قلبي على لساني
فضى: زين وش لونه فايز الحين
ردينا: حالته احسن من قبل تطمنت عليه قبل امشي ووصيت اخوه عليه وصديقه
فضى: الله يعينه ويصبر قلبه
ودق يعقوب
ردينا: جبتي طاريه دق يعقوب.. الو
يعقوب: الو ردينا كيفك
ردينا: الحمدالله تمام فايز شلونه
يعقوب: طول الوقت يبكي اروح واجي عيونه تقوطر دموع حاولت بكل طرق اهديه احاول انسيه اسولف معه اضحكه مافي اي ردة فعل
ردينا: ماعطيته دواه صح؟
يعقوب: دكتور ماعطاه ادويه
ردينا: يووه صح الله ياخذ ذا دكتور
وجاء فهد
ردينا: زين اسمع بكلم دكتور وارجع اكلمك تمام ان صار شي دق علي
يعقوب: تمام بتوفيق
وقفلت
ردينا: ماقلت بتنام؟
فهد:ماجاني نوم... من كنتي تكلمين
ردينا: يعقوب
فهد: ومن يعقوب بعد اشوف بدينا نخنبق
ردينا: نقرو راسك ذا اخو فايز الكبير
فهد: وش كان يبي منك
ردينا: عشان... دقيقه انا ليه ارد على أسئلتك وش دخلك انت
فهد: الي دخلني اني اخوك الكبير رجال البيت
ردينا: رجال على نفسك ياحبيبي ابوي مايسأل من اكلم ومن اروح معه
فضى: فهد فك اختك شوي تراك جننتها بعيشتها هي خلقه مو ناقصه و بكره ود اختك المدرسه
فهد: يما وش اوديها المدرسه...
فضى: ودي اختك المدرسه بدال ماطول الوقت رايحه بذي تكاسي بكره ماعندك كلاسات ودها
فهد: بطلع مع اخوياي والله معليش من فاضيلها
فضى: توديها ولا اكلم ابوك
فهد: اف منك غثوه
ردينا: الى يما ابوي بيجي الاسبوع ذا
فضى:اكيد
ردينا: الى دخلت اي تخصص
فهد: عسكريه
ردينا: الله يعني بتصير رجال
فهد: بنت ثمني كلامك
فضى: الله يعطيني على كثر ماتتهاوشون
ردينا: انا أستئذنكم بروح لدكتور الغبي ذا ماعطاني الأدوية
فهد: انا بوديك
ردينا: الله الله يوم كنت ابيك توديني المدرسه منت فاضي ثواني وانا جايه
وراحت غيرت ملابسها ورجعت
ردينا: يلا يما شوي وجايه
فضى: بحفض رحمن
وركبو لسياره ووصلو للمستشفى ونزلت ونزل فهد معها
ردينا: خير وش تبي
فهد: بجي معك
ردينا: افف صبر من عندك يالله امش
وراحو وراحت عند الاستقبال
ردينا: سلام عليكم كان عندي موعد مع دكتور بأسم فايز بن جريس
وفهد ناضر فيها
الاستقبال: تقدرين تدخلين عنده
وراحو
فهد: تستهبلين تروحين دكتور عشان تاخذين ادويته وبإسمه بعد
ردينا: فهد انطم تكفى انجطع هنا ولا تدخل م
فهد: والله لا ادخل
ودخلت عند دكتور
دكتور: اهلاً وسهلاً انا قد شفتك...
ردينا: ردينا ردينا سليمان
دكتور: اهلاً اخت ردينا امريني
ردينا: تذكر يوم جيناك انا وفايز طلعتنا بدون ادوية
دكتور: اووه اسف هاذي الادويه نسيت اعطيك ياها تفضلي الي على خطين صباح والي عليها خط مساء والاوقات موجوده
ردينا: الله يعطيك العافيه...بصوت واطي امش
وركبو سياره وكانت محتاره تروح لعند فايز ولا اخوها بيطفشها وقررت ترجع البيت بعدين تروح لحالها ووصلو للبيت
ردينا: مساء الخير يما
فضى: هلا حبيبتي
فهد: يما يرضيك بنتك تروح المستشفى بأسم رجال وتاخذ بداله الادويه
فضى: ايه يرضيني... يرضيني يرضيني
فهد: انتم ناس ماتعرفون الاصول انقلع لغرفتي احسن
ردينا: بقلعتك
فضى: الى يما ليه رحتي المستشفى
ردينا: عشان اخذ الادويه حقة فايز دكتور نسى يعطيه ياه ودكتور محذره مايبكي ولا يجيه اي ضغط نفسي
فضى: ياعمري خليك الام له
ردينا: ابشري زين يما بروح اوديله الادويه
فضى: زين ليه ماخليتي اخوك يوديك
ردينا: مستحيل فهد اعرفه بيسويلي سالفه اروح لحالي احسن
فضى: زين روحي ولا تتأخرين
وردينا راحت ودقت على يعقوب وهي بطريق
ردينا: يعقوب انا في طريق بعطيك الادويه
يعقوب: تمام انتضرك
وقفلت ووصلت ودقت الباب بشويش وفتح لها يعقوب
ردينا: هلا يعقوب وش لونك
يتبعععع...
YOU ARE READING
وحيدة منذ صغر
Romanceفتاة تواجه الوحدة وتحاول سيطرة على نفسها.. الأبطال: ردينا فايز يعقوب ايمن هيثم حلا دانة بثينه فهد الثانوين: ديالا الين لينا عهد ديالا
