وحيدة منذ صغر

بارت 4

ردينا: وانا مارح اقصر معكم بجيكم كل يوم
حلا: زين ترا ماارضى موتة امي تجي وتروح كذا لازم نسوي عزاء
ردينا: اوكيه وبخلي امي تساعدكم
دانه: نفتح عزاء ثلاثه ايام في بيتنا
ردينا: وخلو البنات انا اعرف وين اوديهم
وردينا وفايز طلعو وهم طالعين من الباب ردينا مسكت يده
ردينا: فايز... شكراً مره انك ساعدتني وساعدة البنات
فايز بأبتسامة: العفو واذا تبين شي انا بلخدمة
ومافكت يده لين ركبو لسياره ووصفت له البيت ونزلت
ردينا: فايز... شكراً
فايز بأبتسامة: العفو
ودخلت البيت وفايز مشى
فايز: يازينها
ودخلت لقت قدامها اخوها
فهد: من كنتي راكبه معه
ردينا: اعوذ بالله مافي سلام عليكم اشتقتلك يااختي ترا منزمان مو شايفتك
فهد: سلام عليكم من ذا الي كنتي راكبه معه
ردينا: صديقي فايز
فهد: نعم ومن متى عندنا بنات عندهم اخوياء عيال؟
ردينا: اول شي قبل كم يوم حولو مدرستنا مختلطة ثاني شي ترا قبل كم يوم شايفك مركب بنت معك
فهد: هاذي صديقتي بلكلية
ردينا: اوف متى انقبلت؟؟
فهد: بدري صارلي اسبوع مداوم
ردينا: نسيت الاخبار تجيني متأخر
فهد: وبعدين انا وضعي غير انا كبير وجامعة شي طبيعي انها مختلطة وليه منحاشه من المدرسة لا يكون
ردينا: ياتبن لا حلا صديقتي امها ماتت واستئذنت عشان اروحلها وفايز اصر يوديني
فهد: اها الله يرحمها ولعد تركبين معه
ردينا: مو على كيفك صديقي بلمدرسه وترا امي شافته
فهد: وبعد امي
فضى: نعم تعالو المجلس
فهد: امي من ذا فايز ومن متى بنتك مدرستها تحولت لمختلطه
فضى: والله توني اليوم ادري
ردينا: اكيد لان حضرتكم محد يدري عني كأني يتيمة ماعندي اهل
فهد: يليل بدت فقرة دراما
ردينا: مو دراما انت مستوعب اني في سن المراهقه وعايشة بدون اهل محد يسأل عني ولا شي وانا محتاجتكم في ذي الفترة مااشوفكم الى الجمعة خير دوام شفتات هو
فهد: انا مايهمني انشالله لو مااشوفك اسبوع كامل اهم شي من ذا فايز
ردينا: مالت عليك اخوي بالأسم بس
فضى: وبعدين وش فيك مشتط تراه صديقها وواضح انه واحد محترم ولا تسوي طالع منها ترا حتى انت شايفتك مع وحده من بنات الكلية
فهد: بس انا غير انا رجال وكبير مو زيها بزر
ردينا: رجال على نفسك ياحبيبي وبعدين الله واكبر كم بيني وبينك 3 سنين كأنك هثيم اعوذ بالله
فضى: اوف هيثم معاك بالمدرسة الله يعينك
فهد: ليه وش فيه هيثم بلعكس رجال ويعرف الاصول
ردينا: الله واكبر يالأصول يعني الأصول تطبق علي وماتطبق عليك
فضى: بس ماصدقت على الله اشوفكم متجمعين قدامي اخرتها تتهاوشون
ردينا: والله انا داخله بموضوع لك وهاذا الي جاي ينكد علي
فضى: وش موضوعك
ردينا: يما حلا اصرت انه موتت امها ماتعدي كذا وتبي تسوي عزاء وقلتلهم امي بتساعدكم
فضى: اخ والله ياانهم كاسرين خاطري بذات دانة المسؤلية كلها طاحت عليها
ردينا: اي والله كثر الله خير فايز لو انه ماتدخل وحل وضعها كان مستقبلها راح
وفضى عدلت جلستها وحطت يدها على خدها
ردينا: وش سوا؟
ردينا: قلتلها وش بتسوي بدراستها قالت يمكن احمل المواد وانتضر خواتي يكبرون واقنعتها انه في حل وفايز قال انه عنده الحل تحول شفت دوامها لمسائي اول ماترجع حلا هي تروح للجامعة وحلا تمسكهم
فضى: ياحليلة ذكي من يوم ماشفته ارتحتله
فهد: يما شقصدك
وصفقته على كتفه
ففضى: بسك عياره انت ولحيتك ذي كنك واحد عمره 18 سنه
ردينا: عاد انا بروح اغير ملابسي وبرجع لكم اليوم ماعندي شي
فضى: لا تصيفين بسمع علومك
وغيرت ملابسها سريع ورجعت
ردينا: يما انتي عاجبك هذا الوضع
فضى: لا
ردينا: طب وش الي حادك تقدرين تنقليني من المدرسة زبالة الي انا فيها فوق انها مسائية مختلطه لذي درجة ماتخافون علي تراني اخر العنقود المفروض كل الاهتمام لي انا في فترة مراهقه محتاجتكم محتاجتك انتي بذات مو معقول مااشوفك الى الجمعة ومااخباركم ماتجيني الى متاخر
فضى: مو الوضع مو بيدي انتي ناسيه انك دخلتي عشان ميسان
ردينا: الي طلعت ماتستاهل خلاص المفروض اول ماتدرين اني تهاوشت معاها تطلعيني من الوضع قبل يتراكم تدرين انها مدرسة عامية يعني مااقدر اطلع منها الى اذا كملت سنتين دراسيه كامله حتى لما تجي الفرص لين عندك ترمينها بيدك اجي من المدرسه البيت مضلم انتي في غرفتك مسكره على نفسك الباب ولا برا البيت فهد مافرقت معاه ابوي طول وقته مسافر مافرقت شي عن اليتم ابداً
يتبععع..