وحيدة منذ صغر

بارت 15

ووصلت للمدرسه وفهد المره ذي راح عشان مايضايقها ونزلت وحطت اغراضها ونزلت تطقطق على جوالها وفايز جاء
فايز: ها فتاة الميلاد جايه بدري
وابتسمت
ردينا: والله قلت دامني مروقه اجي بدري
فايز: عساء دايم مروقه
ايمن: يه يه وش ذا العقد زين
واشرت بعيونها على فايز
ايمن: اوف! وش المناسبة
ردينا: ااحم يوم ميلادي
ايمن: كل سنه وانتي بخير
ردينا: وانت بخير
وهيثم جاء
ردينا: ياليل ليل لازم يجي ويلعن ابو مزاجي
فايز: ماعليك منه لا تكدرين خاطرك
ايمن: تبون اجلده
ردينا: وش تجلده اركدو
وعدى اليوم بشكل حلو وجميل ودق الجرس
ردينا: هاف فن وشكراً على الهدية
وفايز ابتسم و طلعت زي كل مره وجاء اخوها وصدمها امها جات معاه
ردينا: يماا غريبه جيتيي مو المفروض انتي بنادي وانت مدري وين؟
فضى: اليوم فضينالك ورانا مليون شغله
ومشو وفايز كان يتأملها ويعقوب خرب عليه
ردينا: ليه؟
فضى: خالتك زواجها بعد اسبوع
وصرخت من الفرحه
وفايز كان تاكي وفضى شافته وضحكت ومشو
وفايز عدلت جلسته عشان اخوه وايمن جو
ايمن: ها وين ردينا
فايز: اخوها جاء وخذاها
ويعقوب ضحك ومشو
وردينا قعدت مع امها بسوق وجو خالاتها لين ساعه 11 ولقولهم فستان يهبل وطلعو كأنهم العرايس وخالتهم لسى مالقت
جنان: واه ياردينا جد اني مشتاقه لسوالفك
ردينا: ماعليك انشالله بطلع من المدرسه ذي وتشوفوني مع ناس ودنيا
فضى: والله من يوم بديت اعرفها احسها كأنها وحده من خواتي
ردينا بهمس: زي اختك بس مو كل من هب ودب تقولينه كل شي
وضحكو
سهاء: الى ردون من وين شريتي سلسال ذا يهبل
وفضى ناضرت بردينا
ردينا: جاني هديه امس من البنات
سهاء: ايييه نسيت انه يوم ميلادكك كل سنه وانتي بخيرر
ردينا: وانتم بخير
وقعدو يفرون ويسولفون ورجعو
ردينا: اخ يما من زمان مافريت كذا
فهد: ها جيتو
فضى: تكسرت رجلينا
ردينا: زين انا بنام والله راسي بينفجر من ساينز تصبحون على خير
وحطت الاكياس ونامت...
وصحت اليوم ثاني بدري تنتضر ابوها يجي مع اخوها من صلاة الجمعة وجو...
ردينا: ابوييي... وحشتني
سليمان: وانتي اكثر وحشتيني مرره
ردينا: اجلسس وراي معاك سوالف
سليمان بضحك: اصبري نبغى نطلع تتغدى
وكانو جاهزين وطلعو وردينا قعدت تسولف وابوها مبسوط بسوالفها وفجاء فضى شافت فايز...
فضى وهي تأشر له: فايز
وردينا استغربت
فايز: هل.. ااوه هلا ام ردينا شلونك
فضى: الحمدالله بخير
فايز: شلونك ردينا
ردينا: الحمدالله طيبه كيفك الحين؟
فايز: احسن من اول ، زين اخليكم مابتأخر على اخوي
وفايز راح وهو مستحي وده الارض تنشق وتبلعه
سليمان: اوف من ذا
ردينا: توني بقولك سالفة
وقالتله سالفة مدرستهم وانهم حولوها مختلطه والى
سليمان: والله شكله حنين وش زينه
ردينا: جد ساعدني مره... ولا ابشرك هيثم معي
وفهد ناضر فيها
سليمان: يوه شكله غثك
ردينا: مو شكله اكيد بس اني قاعده اتحاشاه
وقعدو يسولفون وخلصو اكل وكانت قاعده على جوالها وفجاء ابوها يحط كرتون طلعه من تحت طاولة
سليمان: مانسيت يوم ميلادك
ردينا: بابا يعني كان لازم تكلف على نفسك شوفتك لحالها هدية
سليمان بضحك: اقول فكيها بلا دلع
وفكتها وكانت ioc حق الماك بوك
ردينا بضحك: انتم متفقين على هديه وحده ولا وش سالفة يالله تجنن
فهد: تكسرينها بالعافيه
وناضرت فيه
فهد: امزح اكلتيني بعيونك
وضحكو
وتغدو وفرفرو شوي ورجعو البيت وقعدت تسولف مع ابوها
ردينا: بابا ان قلت لك اني بنقل من المدرسه وش بيكون موقفك؟
سليمان: اقول اركدي يابنتي بمدرستك لين تخلصين ثانوي
ردينا: بس بابا عاجبك الوضع اني مااشوفك ولا اشوف امي وفهود الى يوم واحد وبعدها اعيش لحالي الله ستر علي ماجاني اكتئاب مافي فرق بيني وبين اليتم... انا في سن مراهقه محتاجتكم محتاجه امي بذات مااقدر اشاركم لا افراحكم ولا احزانكم
وسليمان سكت وراحت عشان تحسيه شوي بتأنيب ضمير وفضى كملتها عشان يأنبه ضميره مره
فضى: عاجبك كذا!
سليمان: الله يعين
سليمان: تصدقين ضميري مئنبني
فضى: اذا ضميرك يأنبك غير مدرستنا مو معقول مااشوف بنتي الى يوم واخد
سليمان: بحاول بحاول
وردينا سمعت كلامهم ودخلت
ردينا: وش قلتو
سليمان: ابحاول
وابتسمت
سليمان: اه ياشيطانه
وضحكت
سليمان: الى قوليلي من ذا فايز
ردينا: وي وش فيكم فايز صديقي
فضى بتهويش: صديقك
ردينا: يما مو عشان انتي وابوي تزوجتو حب تتوقعون حتى انا
سليمان: امك قالت نفس الكلام وها كانت ميته علي
فضى: ميته عليك ولا انت الي كنت تاكلني بعيونك
وضحكو
ودق رقم غريب
ردينا: رقم غريب ، الو؟
عهد: الوو ردو تذكريني؟
ردينا: صوتك مب غري... عهوووددد عهود وينكك من يوم خلصنا الابتدائي واول سنه متوسط اختفيتي عني
عهد: والله تعرفين من بعد سالفة اخواني رحنا اليمن وحوسه حوسه
"عهد يمينه كانت معاها بالأبتدائي من يوم دخلت مدرسة حكوميه تجربه"
ردينا: ضاروري اشوفك وتقولينلي كل شي
عهد: وين تبين؟
ردينا: عادي اي مكان
عهد: خلاص ****
ردينا: يلا تمام
عهد: الا البست فريند حقتك وينها؟
يتبععع...