يعقوب: الحمدالله بخير تفضلي
ودخلت وفايز كان قاعد يبكي ولما شافها قام وحضنها وردينا استغربت بس يعقوب ابتسم وبادلته الحضن ومسكت كتفه ووخرته عن حضنها ومسحت دموعه
ردينا: شلونك الحين
فايز بأبتسامة تعب: بخير
ومسكت يده وجلسو
يعقوب: أستئذنكم ياحلوين
وراح وكان يتسمع من الباب ولين الحين ماسكه يده
ردينا: فايز تكفى ممكن معد تخوفني عليك خذ ادويتك وانتضم عليها وكل ماحسيت انك بتبكي دق علي ولا تتردد بس حاول ماتبكي اطلع غير جو سو اي شي بس لا تبكي عشاني
فايز: شوفتك لحالها تنسيني كل شي
ردينا: اذا على كذا كل يوم بتشوفني بس اهم شي مو يقولي يعقوب انك تبكي
فايز: اوعدك
وردينا باست راسه ومشت
وفايز ابتسم
يعقوب: راحت
فايز: ايه
يعقوب: تصدق احس في عيونها حنية ماعمري شفتها الى بالمرحومه
فايز: حتى انا احس شوفتها تنسيني اليتم الي قاعد امر فيه
يعقوب: مع الايام بتتعلق فيها
فايز ابتسم
ويعقوب جلس جنب اخوه
يعقوب: تدري اكتشفت حاجه فيك... تقدر تكتم كل شي الى مشاعر الحب عيونك تفضحك
فايز: ومن قالك
يعقوب: من يوم دخلت وانا حاس بذا شي بعيونك لا تنسى اني اخوك اعرفك من يومك صغير تقدر تلعب على الكل الى انا
نروح لجهة ردينا
ردينا رجعت البيت وغيرت ملابسها وراحت عند امها
فضى: ها حبيبتي وش لون فايز
ردينا: الحمدالله كويس وضعه احسن من اول
فضى: زين حبيبتي ماابي اطولها سوالف معاك تعشي ونامي عشان ماتتأخرين على دوامك ترا اخوك بكره بيوديك
ردينا: ابشري تصبحين على خير
وتعشت ونامت..
وصحت بدري ولبست وسوت ميكبها ولقت اخوها في صاله يفطر وجلست تفطر معه
ردينا: صباح الخير... اعوذ بالله
فهد: خلصي فطور وتلاقيني تحت
ردينا: طب قول على الاقل صباح نور مالت عليك
فضى: ها حبيبتي صباح الخير
ردينا: صباح الورد ونور وسرور يااحلى كوتش
فضى: اخوك وينه
ردينا: تحت نفسيته خرا
فضى: اجل الله يعينك عليه يلا انا بروح
ردينا: حفض رحمن
وفطرت ونزلت
ردينا: مر بيت حلا بتطمن عليهم وبعدها نمشي المدرسه
فهد: صبراً جميل
ردينا: ترا اذا مالك نفس توديني وبتنكد علي اخذ اوبر احسن!
فهد: خلاص انرزعي
وراحو بيت حلا ونزلت
دانه: ردون وش لونك ليه مارحتي المدرسه
ردينا: لسى بدري بس قلت اجي اتطمن عليك وامشي لانه بمر فايز بعد المدرسه
دانه: يختي انا
وجو الاطفال وحضنوها
لينا: وحشتينا
ردينا: وانا اكثر وحشتوني مره
الين: ماما
ردينا: عيون ماما
الين: وين ماما حثتي "وين ماما حقتي"
وردينا ناضرت في دانه وتحاول تمسك دموعها
ردينا: ماما راحت فووق فوق مره
الين: ليه مااخدتاني "ليه مااخذتني"
ردينا بهشقه: لان المكان فوق للكبار راحت عند ربي
لينا: يعني راحت مع بابا
ردينا: ايه . يلا ياحبايبي اسمعو كلام دانة وحلا اوكيه لا تزعلونهم
الين: نحبك ماما
ردينا: وانا اموت فيكم
وركبت سياره وانهدرت دموعها
فهد: وش فيك؟
ردينا: كاسرين خاطري البزران امش يلا
ووصلت للمدرسه واشرت لأيمن وفهد نزل
فهد: مين ذا!
ردينا: ايمن
وايمن جاء
ايمن: وش لونك ردينا
ردينا: الحمدالله بخير
وفهد شاف هيثم واشر له
هيثم: اوه فهد وش لونك
فهد: الحمدالله بخير صدفه حلوه انك مع ردينا عاد ها ابيك تنت...
ردينا: لا شكراً انا خلقه مني طايقته
ومشو هي وايمن
فهد: ماعليك منها انتبه عليها وسملقي ذا لا يجيها
هيثم: بلحفض وصون
وراح وراهم وفهد مشى
ايمن: ذا اخوك
ردينا: ايه بلشه نسخه من هيثم غثيث يتلقف بكل شي
ايمن: الله يعينك عليه ، مريتي فايز اليوم؟
ردينا: بمره بعد دوام بس طبعاً مو مع نشبه ذا
ايمن: اجل انا بوديك لاني بشوفه
ردينا: اجل ثواني ، ورع لا ترجعني اليوم
فهد: وليه انشالله
ردينا: بروح مع صديقتي
فهد: مين
ردينا: وش دخلك
وقفلت الخط
وخلصو حصصهم وهم في قمة تعب
ايمن: راسي يدور من قرقرة الاستاذ
ردينا: انا انهلكت جايبلي مخلوق شكبره يبيني اطلع بنكرياسه يلا خلينا نمشي قبل نتأخر على فايز
هيثم: تعالي تعالي وين رايحه
ردينا: هيثم مني رايقه لك يرحم امك!
هيثم: وين رايحه
ردينا: مايخصك
هيثم: الى يخصني! وين رايحه وليه تبن ذا معك...
ايمن: احترم نفسك!
ردينا: بس خلاص!!! انت امش وانت والله لو شفتك قدام وجهي لا افضحك واقول انك خ...
وهيثم صك فمها لاكنها صفقته على رجله
ايمن: والله منتي بهينه
ردينا: امش مو بوقتك
وركبو لسياره ووصلو لبيت فايز وكان يعقوب بيدخل البيت
يعقوب: هلا والله
ردينا: هلا يعقوب وش لونك
يعقوب: الحمدالله بخير
ايمن: وش بنقعد واقفين عند الباب
ويعقوب فتح الباب وكان فايز جالس على جواله ويغني
ويعقوب دخل لغرفته وايمن لحقه وردينا قفلت الباب بشويش وكان مندمج وماكان حاس بأحد وكانت تاكيه على الجدار ومكتفه يدينها ومبتسمه
يتبععع...
YOU ARE READING
وحيدة منذ صغر
Romanceفتاة تواجه الوحدة وتحاول سيطرة على نفسها.. الأبطال: ردينا فايز يعقوب ايمن هيثم حلا دانة بثينه فهد الثانوين: ديالا الين لينا عهد ديالا
