وحيدة منذ صغر

بارت 33

ايمن: اخس عندنا ردينتين
ديالا: تستخف دمك؟
ويعقوب كتم ضحكته
يعقوب: قصفتك يالمخفه
ديالا: انت مو الفصل ثاني؟
يعقوب: ايه
ديالا: اجل طس
وراح وايمن ضحك وجلست جنب ردينا وفايز جنب ايمن
...
ديالا: يما وش ذي مدرسه ولا قدر ضغط
ردينا: والله راسي الي قلب قدر ضغط
ايمن: هونيها وتهون
ردينا: يلا سياره جات امشي
وفايز مسك يدها
فايز: وين رايحه
ردينا: وش الي وين رايحه برجع بيتي
فايز: منتي برايحه بتاكسي بتجين معي
ردينا: ها
وديالا مسكتها وركبتها سيارة فايز
ردينا: اه ياشيطانه
وركب فايز وركبت ديالا ورا وقعدو يسولفون
ديالا: الى اختبرتو قدرات ولا لا؟
فايز: اختبرت مرتين
ردينا: وانا مره
ديالا: انا اختباري الجاي بعد ثلاثه اسابيع
فايز: انا لسى ماحجزت شرايكم نحجز ونذاكر عندي؟
ديالا: تم
وردينا ناضرت بديالا
وغيرو وجهتهم لبيت فايز
...
وكانو قاعدين يذاكرون وردينا من تعب غفت وفايز غطاها وكمل هو وديالا المذاكره وردينا صحت وهي تشاهق
فايز: وش فيك!! ماخذيتي دواك؟؟
ردينا: فايز تكفى لا تخليني والله اني غلطانه
فايز: اهدي ماني بتراكك
ردينا: تكفى لا تتركني
فايز: مابترككك... انا احبك
وديالا صنمت وعيونها تبققت وردينا تجمد الخوف الي كان فيها
ردينا: وش قلت؟
فايز: احبك
وكان بيروح لاكنها مسكت يده ووقفت قدامه ومسكت وجه بيدينها ثنتين
ردينا: وانا احبك
وديالا صرخت ويعقوب نزل
يعقوب: خيير وش فييه!!!
ديالا: فايز قال لردينا احبك
يعقوب: كذابه!!!
ديالا: ورب الكعبه
ردينا: هيه لا تكلمون احد
ديالا: عهد الحقي اعترفو خلاص
عهد: كذابه!!!!! كلووولييييششش!!
وردينا خذت منها الجوال
ردينا: عهد ماعليك منها كذابه ماعندها ماعند جدتي
عهد وهي تلمح: كذابه
وقفلت الخط
ردينا: ماقلت لا تقولين لأحد
ديالا: وي اختي شلون مااقول لأحد
يعقوب: وانا بروح اقول لأيمن
وفايز سحبه
فايز: اقضب ارضك
وسمعو دق قوي للباب وفايز فتح
طارق: اه يالكلب مدخل بنتين معك البيت!!
فايز: خير انشالله من انتم تداهموني ببيتي
طارق: تخسى وتشب ياواطي اعوذ بالله من بعض تربيه
يعقوب بصراخ: شوف لك الحشيمه لاني مااعرفك بس انك تقول ذا الكلام على اهلي كفختك فاهم ولا لا!!!
ردينا: ايه والله اني عارفه دام ابن الحرام ذا معك ماعينا خير
طارق: هاذا ولدي تربيتي قال ولد حرام
ردينا: اها تبي تعرف تربيتك وين راحت... شرايك اقولك انه ولدك تحـ.رش فيني يوم كان عمري 5 سنين؟ تبيني ادخل بتفاصيل.. ولا اسكت احسن اكرام لسامعين
وفايز شهق
فايز: ليه ماقلتيلي
ردينا: ماجات لحضه الي اقولك ياها
طارق: ااا هاذا مو موضوعنا
ردينا: الى موضوعنا!!! ولدك تحـ.رش فيني وقاعد يصورني بالمدرسه ويرسلها لأخوي!
طارق: لانك مو بساتره طبيعي بيسوي فيك كذا
ديالا: مو طبيعي! يعني بنت عمرها 5 سنين شلون تبيها تتستر!!! تربيتك الواطيه ياواطي سوت بأختي كذا
طارق: مو موضوعي ذا! موضوعي الحين ليه مدخل بنتين معك البيت!
يعقوب: لان ذا شي مايخصك انا اخوه الكبير وراضي
طارق: بس احنا مانرضى
فايز: بس هاذي بتصير زوجتي على سنة الله ورسوله بعد ثانويه
وديالا وردينا ناضرو ببعض وصدمه ماكلتهم
ردينا: ففايز مااتفقنا على كذ...
فايز: هاذي بتصير زوجتي بعد الثانويه فيه مشكله؟
هيثم: وبكيف مين بتصير زوجتك!
فايز: بكيفي... وهي اتوقع ماعندها مانع
وردينا الانضار كلها عليها وتوترت
ردينا: انا موافقه
هيثم: لا منتي موافقه
ردينا: الى موافقه!
هيثم: لااا!!!!
ردينا: وليه لا... ولي امري ولا اخوي؟
هيثم: لاني احبك
ديالا: حبتك القراده!!
وردينا بدت تضحك زي المجنونه
ردينا: وتتوقع بقولك وانا كمان احبك؟ بعد ماضيعت شرفي وكرهتني برجال وفوقها مستشرف غبيه انا؟
هيثم: عشان كذا بستر عليك
ردينا: وين عايشين تستر على غلطتك بغلطه؟
يتبعع...