ودخلو جوري وميسان وهم يصفقون
جوري: الله يهني سعيد بسعيده
وردينا وفايز قامو
فايز: وش جابكم!!!!!
ميسان: جاية اخرب عرسكم
وطلعت عطر وولاعة وبخت العطر على الكراسي وكل مكان
ردينا: ميسان لا!!! ميسان هاذا عرسي مهما كانت المشاكل الي بينا المفروض ماتخربين عرس ادمية!!!!
جوري: ماشالله مبسوط انه اختك مع الي تحبه... ترا المفروض انا وانت هنا بس لولا غباء اختك المعتوها كان ماصار كذا
سليمان: دقيقه هذول مين؟ ووش عرفها فيك؟
فهد: يبا سالفه طويله
وفهد هج برا لسياره وجاب غرض ودخل هيثم ومعه سلاح
هيثم: الان طلقها ولا قلتلكم سوا
سليمان بصراخ: هيثم!!! لا تخليني اعلم ابوك!!!
هيثم: واذا قلتلك ان ابوي مايدري؟
وفهد جاء ومعه حتى هو سلاح
فهد: نزل سلاحك ولا قلتلكم كلكم
جوري: ناسي اني اقدر اولع فيكم
ردينا: فهد وش قاعد تسويي!!!!
فهد: انطمي وخلك جنب زوجك!
وفايز طلع جواله بدس ودق على شرطه ولا قال ولا شي خلى الخط مفتوح عشان يسمعون الحوار وانه في قتل
فايز بصوت واطي: حي*** قاعة**
وقفل الخط ولا كأنه دق على احد
فايز: بطلقها
ردينا: نعم!!!! فايز منجدك تطلقني بليلة عرس...
فايز: بطلقها بس نزل سلاحك
هيثم: وانا وش يضمنلي انك بتطلقها
فايز: بطلق بثلاث قدام الكل
سليمان: خاف ربك تطلق البنت في ليلة دخلتها!!!
فهد: يبا مارح يطلقها انا فهمت وش بيسوي
سليمان: هين ياهيثم والله لا ابكي ابوك عليك
هيثم: عمي انا قلتلك...
سليمان: مني عمك ياواطي وابوك مو بأخوي وازيدك من شعر بيت ماعندي اهل بعد!
ديالا بصوت واطي لفايز: فايز وش قاعد تسوي!
فايز: لا تشيلين هم كلمة شرطه
عهد: بنات وش قاعد يصير!
حلا: انطمي لا يقتلونا سوا
ميسان: اوووه جوري شوفي مين هناك... دافورة المدرسه عهد
ردينا: ميسان الى عهد!! عهد مالها دخل بالي قاعد يصي...
وهيثم طلق عليها وانجنت من كثر ماصارخت وديالا رجلينها ماقامت تشيلها
عهد: بنات... قولو لردينا اني احبها..
دانة: عهد مارح تموتين قبل يومك!
عهد: وها...هاذا يومي وجاء
وفايز على اعصابه ينتضر شرطه
هيثم: طلقها قبل الحقكم ولا لا ليه انتم
ووجه سلاحه على سليمان وفهد وقف قدام ابوه وموجه سلاح بعد على هيثم
فهد: ان كانك بتقتل ابوي... اقتلني بداله
هيثم: تو لا لا نسيت ان انت عسكري فا مافرقت تموت الحين ولا تموت في المعسكر
فايز: هيثم نزل سلاحك ووالله لا اطلقها هاذاني حلفت
وهيثم قعد يفكر لثواني وجوري تحركت على اساس بتولع بالدنيا وفهد استغل ان هيثم قاعد يفكر وطلق طلقات سريعه في اماكن متعدده ووجه سلاح بشكل سريع على جوري
فهد: معزبكم الي شادين ضهر فيه تقريباً مات الحين حركه وحده قتلتكم فايز دق على الأسعاف
وفايز دق على الأسعاف واكتشف انه شرطه راسلينهم من اول
فهد: شيلوها برا
وشالو عهد ودوها لسيارات الأسعاف الي برا ووصلت شرطه وجوري فقدت الامل وطاحت الولاعه من يدها وميسان طاحت على الارض
شرطي: فهد على قسم شرطه حالاً انت الي راح تتولى امر القضيه ذي
فهد:امرك
وفايز وسليمان شالو ردينا الي كانت متشنجه وودوها المستشفى
الدكتور: الواضح ان انتم جاين من عرس
فايز: طبعاً يعني ليه لابسه فستان وانا بشت
دكتور: هي كان عندها باي بولار صح
سليمان: ايه كان عندها تقريباً من سنه ونص
دكتور: المرض اثر عليها والفترة ذي يمكن ترجعلها توهمات مره ثانيه راح اكتبلها دواء ثاني غير الي تستخدمه ولاكن حق تشنجات القويه الي توصل لذا الحد ونادر بيصير كذا وضروري تكون تحت رقابة
وجو البنات
ديالا: ها وش لونها ردينا؟
فايز: نفس ماتوقعت باي بولار بس وصل لدرجة اقوى لو مالحقنا عليها تكة كان زاغ عقلها
سليمان: وش لونها عهد؟
ديالا: ربي ستر عليها بيطلعونها بعد شوي لغرفة الأفاقه... تقدرون تمشون تعبانكم معانا
وكلهم ناضرو فيها وفكت المغذي وراحت لها
دانه: انجنيتي!!
وكلهم راحو وراها ودخت ودمعت من المنضر الي شافته ومسكت يدها وعهد استجابت لها
ردينا: عهودي فيك شي؟ تكفين ردي علي
ولحضه صمت
عهد: مافيني شي... انتي الي فيك شي
ردينا: والله اني مو بخير من بعد الي صارلك
عهد: لا تقلقين نفسك... انتي عروس
وفايز جاء
فايز: ردينا المغذي
ومسك يدها وكانت قطعة المغذي لين الحين في يدها وسحبها من يدها للغرفه
سليمان: خلاص تطمنتي على عهد
ردينا: ابي اقعد عندها
سليمان: بس ماينفع...
ردينا: ابي اقعد عند عهد
ديالا: ردينا انتي عروسه ماينفع
فايز: خلاص خلوها تقعد عندها اهم شي راحتها
يتبععغ...
YOU ARE READING
وحيدة منذ صغر
Romanceفتاة تواجه الوحدة وتحاول سيطرة على نفسها.. الأبطال: ردينا فايز يعقوب ايمن هيثم حلا دانة بثينه فهد الثانوين: ديالا الين لينا عهد ديالا
