انا هقولكم الشخصيات بس المرادي من غير صور ليهم ... خليها مع خيالكم احسن ..♥️
"الابطال"
جميله المنشاوي : بنت عندها ٢٠ سنه ... طموحه جدا و بتحب حلمها وهتموووت وتبقي رائد فضاء ... عايشة عشان تقرف اخوها الغلبان في حياته بس ... دمها خفيف جدا ... وقلبها ابيض وهاديه جدآ جدآ جدآ جدآ جدآ جدآ جدآ ومش بتعمل مشاكل خالص ...
ادم المنشاوي *محجوز لمريم عشان الي هتقولي دا بتاعي .. دا ابني حبيبي* : عنده ٢٤ سنه متخرج من كليه الشرطه ودلوقتي معاه رتبة رائد من كفائته وحبه في شغله ... ومش هوصف شعره ولون عيونه عشان كذا مرة اوصفها ... جسمه مثالى ورياضي بيلعب بوكس ودى معلومه حصريا أول مرة أقولها ....
وأخوه جميله ..
جابر استغفر الله العظيم المنشاوى : ابو جميله وادم .... عنده بتاع ٥٤ سنه بس بسم الله ماشاء الله يقدر يتشقلب وانت قاعد حاطط المناديل جبنك عشان متقومش ... بيخاف جدا جدا او وسواس بمعنى اصح علي عياله ... وممكن يصدق اي حاجه تتقال عليهم ... واتهم جميلة زوولم ...
صفاء صفصف : ربنا ابتلاها ببنت و ولد تيران بس مفرجين عليها أهلها وأهل الشارع و اهل مصر والصعيد و فلسطين ... ست طيبة جدا عندها ٤٦ سنه زي القمر مفيش منها اتنين ومعرفش مين الي جوزها جابر ....
محمد المنشاوي : ابن عم جميلة وادم ولاد جابر جوز صفصف الي ظلم جميله الي هي اخت ادم الي هو ابن عم محمد الي بتكلم عليه .... اكبر من جميلة بسنه ... وانسو الصورة الي ورتهالكم وخليكم بخيالكم .... جسمه عادي مش رياضي اوي بس محافظ علي شكله .... عيونه لونها اسود في طول ادم كدا ... متفوق دراسيا و عقليا ومش بيطيق البت جميلة 😉...
مريم : صديقة صدوقة لجميلة ... عندها ٢١ سنه ... زى القمر وبتحب جميله وجميلة بتحبها و اكتر من اخوات ... بس في معلومه هفجرها دلوقتى .... جميله ارمي وستان لايدول كتير عكس مريم خالص مش بتحبهم ... هي دى الحاجة الوحيدة الي مختلفه بينهم ...
*"تاني ابطال الرواية"*
حازم مش فاكره بقيت اسمه : دكتور بيعالج حبيبه و وصفته خمستلاف مرة برضو .... عنده ٢٦ سنه ..
حبيبه : صحبت جميله وانتو بقي عارفينها ...
سميه : صحبت حبيبه بالصدفة ... عندها ٢٣ سنه ... ابوها عايز يجوزها مراد غصب عن مراد و سميه ... وتبقي بنت صاحب حسن الي قتله ..
مراد : ابن صاحب حسن التاني الي قتله برضو ... بيحب حبيبه و هي هطلع عينه ... عنده ٢٣ سنه ...
روان وهدي : دول انا سيباهم لدورهم ... وهو قرب خلاص ... اتنين تؤام عكس بعض شويه صغنطاتين ... روان هاديه وهدي عكسها ... والاتنين شعرهم لونه بني ..
ياسر : واد صعيدي كدا .... بس دماغ أمه ناشفه وعايز يوقع بين أبوه وصاحبه تاني ... جدع طيب بس غبي في موضوع أبوه دا ... ابن بلد يعني وصعيدى .... وصلتلكم الفكرة بقي ..
لمار : انسانه حقودة وانا گ كاتبة الرواية عايزة اجيبها من شعرها ... عندها ٢٠ سنه ... ومش هقول اكتر من كدا عشان مش بحبها ...
عاطف : راجل طيب عكس اخوه جابر حنين بحدود .... بيخاف علي حبايبه بحدود ... واهم حاجه بيحب الولية رباب مراته ...
رباب ملهاش دور كبير في الرواية بس هي مرات عاطف ...
علي : ابن عاطف بيحب أبوه وساعده أنه يعرف الحقيقة ..... اخوه ياسر ... وبيحب سلمي وسلمي مش بتحبه ... عنده ٢٦ سنه ...
سلمي : طب والله العظيم انا اتكلمت عنها كتير اوى في الرواية ... باختصار ..
هي جامدة جامدة جامدة في الجمال والحسن جامده بس عامله غامضة لمضة ... عارفين الحته دي بتاعت اغنية صعبه .... هي دي بقي سلمي .. بين قوسين عافية زوق ..
سلمي عبدالله : دي واحدة علي باب الله وكاتبة الرواية دي و غلبانه والله متنسوش تفرحوها بنجمه ولا كومنت ولا اي حاجه ...
دمتم في رعاية الله ♥️🍀
أنت تقرأ
ملاك بلا جناحين ( الرواية قيد التعديل )
Hài hướcروايه قد نَمَت لبدايه طريق احدهن ، كبدايه طفل حديثى الولاده بخطاوته الاولى فى المشى . حتى لا يُكتب لك ذنب قدم رأيك باحترام و شكرا ان اعجبتك الروايه . ________ لم ترىٰ عينيها منزل عائلتها يومًا ، لغلاظه الاب و صرامته ، يشاء القدر ان يكون صرامته سبب ف...
