ملاك بلا جناحين ( الرواية قيد التعديل )

الفصل "22"

كانت واقفة و دموعها علي خديها الورديين بهدوء تتذكر ما حدث ..

Flash back ..

تسيل من زراعه و رأسه الدماء بين يديها وتري أمامها ابتسامته ..
عادت الي رشدها بينما مازالت تبكي لتمسك بالهاتف تتصل بالطوارئ ...

اتت الإسعاف ونقلته الي المشفي ..

Back ..

_ الو يا جميلة ... اخوكي .. اخوكي ادم في المستشفي .. عمل حادثة

جميله بفزع //: اييه ..!! مستشفى ايه ...
طب انا جاية..

مريم بحزن ودموع //: تيجي فين يا جميلة فاكراني هقولك تيجي بالسلامه انتي بعيد اوى
دا علي ما تيجي يكون خف ..

خليكي يا جميلة ولما يقوم هيجيلك ..

جميله ببكاء //: عايزاني اقعد هنا واخويا في المستشفي عامل حادثة ..

مريم //: متقلقيش مامتك و باباكي في السكه ..

جميله //: طب....

مريم بمقاطعة //: اقفلي دلوقتى هما جيهم...

جميله ببكاء //: اسمها جم يا مريم مفيش حاجه اسمها جيهم يا بنتي حرام عليكي ..

صفاء ببكاء //: ابني ماله يا مريم ..  ابني في ايه ..

مريم بتماسك شديد //: اهدي يا طنط هو كويس أن شاء الله في العمليات دلوقتي ...

جابر ببكاء وندم //: ياارب ... سامحني يا رب ...انا غلطان بس متعقبنيش في ابني يارب ...

صفاء ببكاء وعتاب //: انت السبب .. انت السبب ... لو مكنتش طردته زمان كان زمانه في حضني ... انت ايه ...؟!! قادر تعيش و ولادك بيكبروا بعيد عنك ..؟ حسبي الله ونعم الوكيل ... حسبي الله ونعم الوكيل .. يارب .. ابني يارب متحرقش قلب ام علي ابنها يا رب ..

مريم بتهدئه لوالدة ادم //: اهدي يا طنط وادعيله ... اهدو يا جماعه احنا في المستشفي ....!!

خرج الطبيب من غرفة العمليات و اتجه إليه الجميع متسائلين عن حالة ادم ..

_ الخبطة جت علي الجزء الخلفي من دماغه .. ودي مركز الذاكرة ... وللاسف سببتله فقدان نصفي في الذاكرة ..

انهي كلامه ثم تابعته علو بكاء صفاء ومريم في محاولة كتم شهقاتها ...

جابر ببكاء وندم وحزن //: طب مفيش علاج يا دكتور ...؟

_: من حسن الحظ أنه جاتله نصفي ... يعني في امل ..
في عملية عشان ترجعله الذاكرة بس هياخد وقت لحد ما ترجعلة التفاصيل ...
يعني ممكن يفتكر أنه عمل حادثة بس مش هيبقي عارف عملها ازاى أو امتي ..

جابر //: طب دى بتتعمل هنا ؟

_: اه طبعا بس مش انا الي هعملها هيكون دكتور تاني .. بس مكلفة شوية