ملاك بلا جناحين ( الرواية قيد التعديل )

الفصل "9"

البارت التاسع ....
ملاك بلا جناحين ....

بعض الّنهاياتِ مُرّةً كالقَهوة، ولكنّها تجعلُكَ شخصاً مُستيقظاً، مُتنبهاً☕

جه الصبح و جميله مع حبيبه في المستشفى وادم روح مريم وفضل مع اخته..

ادم : الساعه جت سبعه والنهار طلع علينا يا جميله مش هتروحي...

جميله : لو كنت مكانها مكانتش سابتني..

ادم : طب روحي و تعالي تانى انتى منمتيش من امبارح ..

قاطعهم حازم : بعد اذنكم يا جماعه ... انسه جميله حضرتك قولتي أن حبيبه كانت هتموت مكان باباها تقريباً أو حاجه ... بعد اذنك ممكن اعرف الحكايه ..

جميله بابتسامة احترام : اولا بس حضرتك اكبر منى فمش لازم حضرتِك ... خدت نفس وكملت ...
حبيبه كان عندها عشر سنين ..

Flash back..

كان والد حبيبه بيتكلم في التلفون ......

الاب :  يعني ايه.
_......

الاب : اكيد مش موافق...  انتو عايزيني اكون سبب في موت شباب ملهمش زنب...

_.....

الاب : حرام عليكو انتو بتعملو كدا ليه..  الو... الو..  الو

قفل التلفون اللي كان معاه ..

حبيبه : بابا انت زعلان

الاب بحنان رغم القلق والخوف اللى جواه : لا يا حبيبتي مفيش حاجه ... قوليلي بس أن عاملة اية في المدرسه ..

حبيبه بزعل طفولي : كل اما العب مع مراد يكسبني

الاب : يا أدى مراد ... تعالي شوفي بنتك يا فاطمة ..

فاطمه (الام) : في ايه يا حسن ..

حسن : ايه حكايه مراد دا بقي أن شاء الله مش هنخلص منه ..

فاطمه بضحك : ملهم العيال الصغيرة ... العيال الصغيرة واخد بالك معايا ..

حبيبه بغضب طفولي : احنا مش عيال صغيره انا عندى عشر سنين ومراد عنده حداشر ..

ضحكوا الوالدين عليها ..
حسن : اومال يا حبيبتي دا انتى دكتوره مشاء الله اهو ..

فاطمه : انا عايزاك في موضوع يا حسن ...

حسن : طب روحي اوضتك يا حبيبه دلوقتى ..

طلعت حبيبه الاوضة..

فاطمه بقلق : هو انت كنت بتكلم مين في التلفون..

حسن بحزن : للأسف هما يا فاطمة ... انا مش عارف ازاى دول كانو في يوم من الايام صحابي وعشرة عمري ... دول عايزيني اتاجر في المخدرات معأن عندهم برضو اطفال .. يعني مش خايفين عليهم ...