ملاك بلا جناحين ( الرواية قيد التعديل )

الفصل "12"

البارت الثاني عشر ..

أكرمك الله بالعَقـل ، فلا تُهين نفسك بأفعَالك...!

راح بيها علي المستشفى علي طول وهو قلقان..

عمر واقف عند الكاشير بيدفع مصاريف المستشفى..

وسايب سلمي في أوضة العمليات...

عمر بعد ما دفع المصاريف وطلع للغرفة الي سلمي محجوزة فيها..

عمر بخوف : ربنا يستر يارب ..

بعد حوالي ساعة خرجت سلمي من العمليات بس لسا فاقدة الوعي ..

ومن كلام الدكتور مع عمر انها فقدة الذاكرة ..

شكر عمر الدكتور وراح قدام اوضتها و بيفكر بصوت واطي ..

عمر : هنعمل ايه دلوقتي بقي ..

فضل باصص لها بشرود من ازاز الاوضة ..

بعدها قال بغموض : ربنا يستر في الي جاي..

_________________

ويبقى السؤال : هلّ نحًن آحًيِآء حًقآ ؟؟ آمٌ نتٍنفُس فُقط ،،

صحيت جميلة من نومها بحزن العالم كله ... احساس انها تايهة وخايفة من حاجات كتير .. كان نفسها تبقي هنا فعلا بس مع ابوها وامها ....

ثواني و قالت في نفسها : الحمدلله على كل حال ... كفايه ان ادم اخويا معايا ...
جت فكرة في دماغها خلت عينيها تلمع بشر : ادم معايا ... صح برضو..

راحت علي الاوضة الي في وشها والي كان نايم فيها ادم .... دخلتها وهي بتسحب براحه عشان ميصحاش .....

لقيته مغطي وشه بالغطا و دا من عادات ادم اما ينام ...

راحت براحه علي اطراف صوابعها عند السرير بتاعه و كان الاوضة مفهاش غير النور الي جاي من الشباك.. ولعت الفلاش بتاع تلفونها وحطه تحت وشها ...
(فاهمين انتو حركه الشياطين دي 😂)

شالت من علي وشه البطانية و صحته براحه لحد ما فتح عينه ...
لقا قدامه المنظر دا وجميلة بتقول ..

: صباحك لذيذ .....

قام مفزوع من مكانه وقال بصراخ : اعوذ بالله من الخبث والخبائث ...

جميلة اتعدلت من وقفتها جنبه وقالت ببرود : مالك يا دومي اتخضيت كدا ليه ...

ادم حدف عليها المخدة عشان تمشي او عشان تيجي في دماغها.. : غوري يا جزمه من هنا.. متجيش هنا تاني .....

جميله بهدوء : تصبح علي خير بقي...

و راحت نامت في الارض في الاوضة عنده...

ادم : المهم انها نامت واعرف اتخمد...

********************************

عند حبيبه...

راحت حبيبه للمستشفي وخدت اول جلسة كماوي ليها ....

وهي دلوقتي نايمه في اوضتها تبع المستشفى ...

علي النحية التانيه كان مراد(يارب تكونو فاكرينه🙂)

‌كان قاعد جنب صحبه الي كان عامل حدثة ...
ويشاء القدر انه كان في الاوضة الي جنب حبيبه ...

صاحب مراد (فارس) : انا عايز اعرف مين الي قالك اني عملت حادثة....

مراد : انت عبيط ياض ... وهو فيه حد يعرف لسا.... اساسا انا الي خبطك ....

فارس : يا خويا عارف بس انا عايزك تغور في داهية ..... مينفعش تسيب امك لوحدها كدا... وبعدين مش كنت تفتح يا بغل وانت سايق...

مراد : ما انت الي زي الطور واقف باصص في السما عامل زي الي بيدور علي سحابه ...

فارس / طب الحمدلله ان انا الي خبط فيه ... لو كان حد تاني كان زمانك مع سوابق...

مراد / بقولك ايه ياض اخلص ماكنوش شرخ في الحوض ولا كسر دراع الي مخلينك رائد في السرير كدا....

فارس / عندك حق برضو ايه الدلع الي انا فيه دا ... قال شرخ قال ... في شرخ في الحوض ميخليش حد يعرف يمشي ...

مراد / ولا.. انت هتصدعني انا ماشي عشان عايز اتخمد و هبقي اجيلك بكره ....

فارس / منا عمال اقولك كدا من الصبح يا بني ...

مراد / خلاص هغور ... سلام..

_._._._._._._._._._._._._._._._._._._._._._._._._._..

عند مريم بقي....

مريم / يا ماما منا غسلت المواعين اغسل ايه تاني..

ام مريم / اومال ايه الي جوا دول....

مريم / اهو دول لسا جداد .... عموما هروح اغسله‍....

الام بمقاطعة صريخ / بلا تغسليهم بلا زفت انتي مش نافعة في حاجه اصلا.....

مريم مردتش عشان متعودة علي عصبية ماماتها و عشان برضو هي لما بتزعل او بتضايق بتكتم في نفسها بس..

الام بغضب / طبعاا... تلقيكي دلوقتي بتدعي عليا... الله يخرب بيتك...

مريم بابتسامة هادية / انا رايح اغسل المواعين وهروح انام....

الام / خدي هنا.... في عريس متقدملك..

مريم وضربات قلبها عليت / ﻤ... مين يا مااما..

الام / سمير ابن صحبتي...

لا تكن كالشمعة تضيء للآخرين وتحرق نفسها🕯️💔

..........................................

يتبع......

َ