حياتي الثانيه

الفصل السابع

.
.
.

انتبه الجميع إلي وجود سيرين فور سقوط حقيبتها ارضاً  اندفع السيد محمد ناحيتها محاولا تبرير الموقف، بينما ارتبكت السيده سميه عاجزه عن التقدم إليها، حاول السيد محمد إمساك يدي سيرين لكنها انتفضت للخلف لترتطم بشهاب الذي احاطها بيديه ليسندها، القت نظره عليه لتري في عينيه نظرة قلق و عطف اخجلها من النظر في عينيه لتخفض نظرها و تستدير بخطوات راكضه خارجه من القصر.....

_سيرين... سيرين استني.....سيرين "امسك شهاب يدي سيرين ليجبرها علي التوقف بعدما اصبحا خارج الفيلا الخاصة بأهلها..

_آبيه شهاب ممكن تسيبني؟
_هتروحي فين؟
_اي مكان بعيد عن هنا
_هتهربي كالعادة
_مش ههرب، بس انا بحاول احافظ ع العيلة السعيده
_العيلة دي عيلتك انتى كمان،  انتى جزء منها
_لأ.... انا مش جزء منها، وجودى هنا هيدمر سعادتهم و هيقلق راحتهم، عشان كدا لازم امشي
_..... هتروحي شقتك اللي في القاهرة؟
_ايوا، الدراسة علي وشك إنها تبدأ، و انا لازم ارجع
_طيب هنسافر سوا، انا اصلا كنت المفروض هسافر علي اخر الاسبوع عشان استلم شغلي الجديد، هحجزلك في فندق الكام يوم دول و نسافر سوا عشان اطمن عليكي هناك
_لا انا هبات الكام يوم دول عند واحده صحبتي، مش لازم فندق
_صحبتك؟!  من امتى عندك اصحاب يا سيرين؟
_.. اممم... يعني اتعرفت عليها، بعد الحادثه
_دي مين صحبتك دي؟
_مروة.. استاذه مروة سكرتيرة آبيه ياسين
_.... عارفه عنوانها؟
_ايوا
_تمام.. اركبي اوصلك

ـــــــــــــــــــــــــــــــــــــــــــــــــــــــــــــــ

_عارفه يا مروة، انا حقيقي صعبان عليا سيرين، هي طفلة بريئه ملهاش اي ذنب في الحياه غير انها اتولدت بين أب مكنش واعي و أم أنانيه، كل اللي كانت عايزاه احساس بالامان، و للاسف حتي و هي وسط عيله دافيه مقدرتش تلاقي الامان دا، اتحطمت و اتهمشت لدرجه حست فيها إن رحيلها هو الحل الوحيد، الحل الوحيد عشان ما تأذيش اي حد من الناس اللي حواليها.... اتولد جواها احساس غريب انها كائن مؤذي، عشان كده رفضت تتقرب من حد، صحبات او اصدقاء عيلتها او حتي خطيبها شهاب، كانت مرعوبة من فكرة انها ممكن تأذيه، رغم كدا حبته جداً، حبته لدرجه انها لقيت معاه الامان، و قررت تتجاهل كل الحاجات اللي هتقف في طريق جوازها منه، العمر، الطبع، الشغل،.... و كل حاجه، كانت عايزه تعمل عيله و تحس بالدفا، لكن حتى دا مقدرتش تحققه و قررت في النهاية تنهي حياتها.......

_...... انا مش عارفه ارد عليكي اقول ايه، بس فعلاً هي عانت كتيرر بس غلطت لما قررت تستسلم، كان لازم تحاول اكتر.....

_دا اللي هعمله، هساعدها انها تفهم الحياة و تبتهج اكتر، هضبطلها حياتها عشان لما ترجع، تقدر تلاقي السعاده و تتعافي و هعرضها على دكتور نفسي كويس اكيد هساعدها

_...............

ـــــــــــــــــــــــــــــــــــــــــــــــــــــــــــــــ