رفيق العمر ❤️

مقدمة

رفيق العمر❤️
روايتي ح تكون ع معنى السند والعزوة ع معنى الرفيق رفيق الدرب رفيق الحياة رفيق العمر❤️
المقدمة
في ليله بارده وفي قصر كبير كان الكل في غرفهم في اللي راقد وفي اللي النوم هارب من عيونه وفي اللي سهران يفكر ف حياته وشن ح يكون مصير حياته وفي اللي سهران مع اللي يحبه وفي اللي يفكر في حل لمشكلته وفي اللي يخطط لشيء اكبر منه وهل الشيء اللي يخططله ح يرد عليه او لا وفي اللي الندم بياكله ومش عارف كيف يتصرف وفي اللي تعبان،،،،
طبعًا قصر الحاج هارون ال،،،،، قصر كبير ملايان حُب وكره وانتقام وحقد وخبث وظلم وطمع واي شيء يخطر في بالك
كانوا الخوت يسكنوا كلهم في نفس القصر خوت يحبوا بعضهم ربتهم امهم الحاجه سليمه ع الحب والطيبه والحنيه بس الحقد والطمع والخبث اللي عند نساوينهم خلوا الخوت يكرهوا بعضهم ويغارو ويخططو لشيء كبير وهوا من اللي ح ياخذ الميراث،،
شي صعب لما يكون الحب والكره والحقد والخبث والانانيه والانتقام والطمع في نفس المكان او بِ الاحرى في نفس البيت من نفس الدم في قصر الحاج هارون ح تتعرفوا ع حجات واجده وح تتعلموا من كل قصه وح تاخذوا العبره من كل قصه ومن كل شخصيه فِ الروايه
الشخصيات:-
نايا:بنت جميلة جدا جميلة بِ معنى الكلمة جمالها كان طفولي بريئة كانت حنونة  قلبها ابيض ماعندهش ع الخبث والحسد مواصفاتها بيضه ك بياض الثلج ومن كثر بياضها لعند قاعده ورديه عيونها كبار ع العسلي رموشها طوال وكثيفات خشمها صغير فمها صغير ومنفوخ شعرها واصل لنهاية ظهرها لونه كستنائي وناعم كيف الحرير قصيره وطشه جسمها نحيف وفيها شامه تحت عيونها وتحت فمها تقرا ثالثه ثانوي علمي مواليد 2002 وتحب شخص ح اتعرفوا عليه فِ الروايه❤️
رائد:شخص عصبي بكل وشخص غامض ومغرور جماله حاد بشرته ع البرونزي طويل وعريض لحيته مرسومه رسم سوده وشعره كثيف واسود ك سواد الليل عيونه سود الخلاصه كان طرف مطرففف مواليد 1989 الحفيد الاكبر لي الحاج هارون دكتور جراح معروف بي سمعته وشطارته كان يقرا فِ بريطانيا وكمل القرايه وحب يشتغل غادي ويكمل حياته فِ بريطانيا بس شن الشيء اللي ح يصير ويخليه يغير كلامه ويرد لي ليبيا ح نتعرفوا فِ الحلقه الاولى❤️
انا حبيت نحكي ع رائد ونايا بس اما الباقي ع نتعرفوا عليهم في الحلقات الجايه وكل واحد وشن قصته ❤️
نبي دعم لان هذي اول روايه ليا وكل القصص حقيقيه وصارت مع ناس انا نعرفهم شخصيًا وجمعت كل القصص وحطيتهن في روايه وحده ❤️❤️
هيا حبايبي قيمو القدر نوعدكم مش ح تندموا في قرائت الروايه نستنا في دعمكم❤️❤️
طبعًا لو لقيت دعمم ح نبدا كتابتها فِ رمضان❤️

﮼بيسان،احمد❤️