رفيق العمر ❤️

الحلقه الثانيه

#رفيق_العمر

#الحلقه_الثانيه

الكاتبة بيسان احمد

اسفه ع التئخير بس كان عندي ضرف وقاريا بما اني نقرا تخدير وصعب وفِ نفس الوقت مالقيتش دعم منكم عشان يعطيني تحفيز ونكتب😭💔
.
.
.
عند سالمه بعد رقت لدارها قعدت تسب في حنان وتحلف انها توريها وماتخليهش تفرح بولدها ان يمسك القصر وقاعده تفكر وتخطط🔥
.
.
.
عند نايا بعد رقت فتحت كتباتها وبدت تقرا رن تليفونها شافاته لقاته علاء يرن عليها صبت تئكدت ان مافيش حد برا ردت لمكانها ومسكت التليفون وتنهدت وفتحت الخط
نايا:من راس خشمها الو
علاء:آهلًا شخبار
نايا:من ربي بخير😒
علاء:ومن عبده
نايا:مش بخير
علاء:وليش شن صايرلك اه
نايا:ينعنجد شن صايرلي كنك انت ها ماتحسش
علاء:ليش شن درتلك انا
نايا:من امس وانا نرن عليك ماتردش ياعلاء وحتى وين قاعد مش عارفه
علاء:كنت مع الجماعه بايت معاهم في استراحه ونسيت نقولك بس
نايا:توا قعدت تنسا فيا المفروض ماتنسش انا يوم اللي نطلع فيه بس من الحوش للحديقه بدون مانقولك ادير فيا نهار احرف ومانتكلم بس انا ممنوع نحاسبك لما ادير شيء صح😡
علاء:كنك انتي اه كنك تبي تقلبي دين امها نكد توا انا ران عليك نبي نحكي بجو سمح كان بتقليلها نكد بنصكر خيرلي😡
نايا:توا انا قعدت نكد ياعلاء ياخساره بعد كنت تقولي انتي فرحتي 💔
علاء:نقولك حاجه اقعدي فيها انا بنصكر ومش بجوك اتحاسبيني نطلع وقت مانبي ومع من نبي تمام مش انا اللي بنت تشوخ عليا وتمشي كلمتها😡🔥
نايا:مش شوخا وتمشايت كلمه هذا اهتمام وخوف بس انت ماتفهمش😭
علاء:هيا كملي بكاك بروحك باي
نايا😭😭😭🔥
ليش انا حظي هكِ ليش علاء متغير معايا بعد كان مش حامل فيا شيء
اااااه ياربي تعبت وربي تعبتت
.
.
.
عند ريان و روان كانن رقيات من عند الدروج
ريان:تعرفي نكرها اريج هذي خزي محقرها ابتهاج هيا وسُهى
روان:اسكتي انتي فكينا من المشاكل ريحي روحك
ريان:تي اي ريحي روحك تي قعدات يدورن في نايا وانتي عارفه شنو نايا بنسبالي صح مافيش داعي نقولك 😒
روان:خلاص اسكتي اديري اللي تبيها بس خطيني
ريان:اسس مش هذا صوت نايا تبكي😮
روان:اي صح تعالي😧
جت ريان تجري جهت دار نايا وقعدت اتخبط ع الباب
ريان:نايا افتحي الباب كنك
روان:نايا افتحي الباب حبيبتي
نايا:تعبت انا تعبني علاء😭
ريان:تي بلا فضايح طيح سعدك يسمعوك
صبت نايا فتحت الباب وعيونها متورمات😭😭
ريان:هييييي كنك يابنتي دايره في روحك هكِ اكيد علاء الحيوان😠
روان:سكرت باب الدار اسكتي يسمعك حد صوتك عالي تبيهم يقتلونا😱
نايا:رمت روحها ع ريان وبدت تبكي تعبت انا يارينو تعبني حزت فيه😭
ريان:خلاص حبيبتي اهدي وفهميني شن صار عشان نحلوا القصه
صبت روان جابتلها اميه لان كان في كاس اميه جنب سرير نايا وعطاته لنايا اشربي حبيبتي واهدي حرام اديري في عخرك هكِ
شربت نايا اميه وهدت روحها
ريان:ها توا تمام تقدري تحكي
نايا:تمام اها💔
روان:هيا احكي حبيبتي
نايا:علاء متغير معايا مش علاء زمان اللي مهتم بيا ويدلع فيا ويلي مايتحملش بزت الشوكه يلي حتى دموعي يقلب الدنيا عشان ماينزلنش توا متغير متغير بكل ويختمها توا بكلامه وحكتلهن كل شيء صار امس ويلي صار في المكالمه وهذا هوا بس💔
ريان:اسمعي نايا مش تقولي ريان ماتبيليش الخبر بس خطا الحق انا الراجل هذا مش مترحيتله نهائيًا نقولك يا نايو فوتيه مش لكي بس شيء ماتسمعيش في كلامي
نايا:انحبه ياريان انحبه مستحيل تفهمي كلامي ولا ح تحسي بيا لانك عمرك ماحبيتي
ريان:💔💔ليش يانا يعني اللي عمره ماحب مايعرفش يحب لا نعرف ونحس باهِ اللي ماتكوني اتحبي من طرف واحد هذا اصعب من الحب بحد ذاته
روان:نايا شوفي انا كيف خيتك الكبيره وخوذي كلمتي تمام انتي شوفيه كان رن عليكي او لا تمام وكان رن عليك احكي معاه اسئليه ليش متغير وشن اللي مغيره مدام تحبيه وواثقه ان يحبك وتفاهمي معاه
ريان:اسكتي انتي شن اللي واثقه ان يحبك هوا مايحبهش اي خطا صايع البنات كلهن يحكن عليه ان علاء موسى الفلاني نسونجي بس هيا ماتسمعش وياما نبهتها
روان:ريان اسكتي اتزيدي فيها ع البنت بدال ماتحلي قصتها
ريان:انا توا قعدت نزيد فيها انا نبي مصلحتها بس وصيت بتطلع وقفت عند الباب بس يانايا يجيك يوم وتقولي ريان قالت تمام وتوا تشوفي وفتحت الباب وكان في حد يسمع فيهم واول ماسمع صوت ريان تبي تفتح الباب اختفا

روان مادوريهش نايو انتي عارفه رينو لما تعصب وتبي مصلحتك بس
نايا:لاعارفتها انا مش زعلانه💔
روان:خلاص توا خشي ادوشي وانا توا ننزل ونديرلك قهوه وتجيبلك بنادول لراسك عشان تركزي في امتحانك تمام
نايا:نجك ليا تمام

طلعت روان وخشت نايا تدوش
عند ريان بعد طلعت من غرفة نايا نزلت لوطه تلعلع
ريان:الهبله نايا يضحك عليها طيح سعدها
امها:كنك يابنتي تحكي مع روحك
ريان:ماكنيش ياماما بس قاعده نشوف في حجات مانقدرش نتحملهن انا بصراحه
جديده:وشنو الحجات هذينا اه
ريان:شيء شيء وطلعت وهيا معصبه وخبطت في نور الدين

عند روان نزلت وهيا خاشه تلاقت مع ناصف وارتبكت لما شافته

نتلاقوا الحلقه الجايه مع احداث جديده
وزعما من اللي كان جنب غرفة نايا وسمع كل شيءوشن يبي يدير
ونايا شن ح يصير فيها مع علاء هل ح تكمل او لا
ريان شن ح يصير بينها هيا و نورالدين
وروان وناصف

هيا قيمو القدر بس تفاعلكم مزال احداث واكشن في الروايه وحماس❤️