رفيق العمر ❤️

الحلقه الالولى

#رفيق_العمر

#الحلقه_الاولى

الكاتبه بيسان احمد 🦌💎

نبدو فِ قصتنا
في صباح يوم جديد فِ قصر الحاج هارون من طقوس القصر ان ضروري كل اللي فِ القصر يلتموا ع صفرت الفطور ❤️

كانت العائله كلها ع الصفره من كبيرها لصغيرها وكان فِ بدايت الطاوله الحاج هارون وجنبه الحاجه سليمه❤️ وفِ بدايت الطوله من الجه الاخرى ابن الحاج هارون الاكبر مصطفي وطبعاً باقي العائله متوزعه ع باقي الكراسي من احفاد وكناين وابناء ❤️
الحاج هارون: رائد طول فِ الرده شكله معاش بيرد لبلاده
مصطفى:وللهِ ياباتي بطلت وانا نقوله ياولدي رد مالك الا بلادك
الحاجه سليمه:خلوه الولد ح راحته هكِ او هكِ رجوعه لبلاده ماتضغطوش عليه
سالمه مرت صالح:عاد انتي ماتحملي فيه شيء ديما معاه ضد جده وباته😏
حنان:كنك ياسالمه ع ولدي وكان دافعت جدته عليه ماهو حفيدها الكبير😌
سالمه:توا انا شن قلت وبعدها كان حفيدها الكبير ع اساس داير حاجه ما ولدي انا يعتبر هوا الحفيد الكبير ماسك كل الشغل😏
حنان:توا كنك انتي ع ولدي وبعدها....
قاطعتها الحاجه سليمه:خلاص انت وياها احترموا اللي قدامكم😡
سالمه:توا شن قلت ياعمتي حنان هيا اللي بدت😒
حنان:كيف انا اللي بديت شوفي ياعمتي تكذب في وجوهنا😡
الحاج هارون:خلاص انتي وياه وانتوا عليش ساكتين ولا عاجبكم اللي يديروا فيه نساوينكم اخز عليك تربايه😡😡
سالمه:معلش ياعمي مانسمحلكش تغلط في تربيت اهلي ليا ايوه😡
الحاج هارون:سكري فمك يا قليله الادب هذا مانقص انتي اتعلي صوتك عليا
صالح:اسكتي ياسالمه معش بنسمع صوتك 😡😡
سالمه:وللهِ شوف هلك يغلطوا فيا هما وكنتهم وتبيني نسكت عليك جو😏
حنان جت بتتكلم فنص فيها مصطفي سكتت ومش عاجبها الكلام تبي ترد
وقاهرتها سالمه😒😡
صالح:عطها كف سكري فمك اللي تحكي عليهم هلي صبي من قدام وجي معاش بنشوف خليفتك صبيي 😡😡
صبت سالمه تجري روقت فوق وتبكي وتسب فيهم 😡
العائله كلها توترت من الجو اللي صار كلهم انسحبوا ماعادا البنات
ريان:😂😂😂 عليك جو واكشن ع الصبح
روان:اسكتي ريان عيب كلامك
ريان:تي اي عيب وانتي كل شيء عيب عيب مادرتش شيء ضحكت بس😒
هناء: بس كثرن امهاتنا را شنوا الجو هذا
نايا: ربي يهديم الله غالب شن بنديروا انا بنصبي نبي نبدا في قرايتي بكره ع
عندي امتحان صعب ريان كملي والحقيني عشان نقرًا مع بعضنا باي
البنات:باي
ابتهاج: البنت هذي مش متريحتله ديما تلعب في دور الطيابه والرزانه😏
سهى:صح الساكت ناكت توا تشوفوا شن وراها البنت هذي😏
ريان:طبعًا انتن الاثنين غيرات ومقهورات من نايا لانها جميله وهاديه ورقيقه ورازنه وجدي وجدتي يحبوها مش كيفكن يامسمومات😂😂
ابتهاج:😡وعليش بتغار وننقهر من هيا نايا عشان انا ابتهاج نغار منها
سهي:اي ولله عقاب حُثاله بنغاروا منها😏
ريان:را نصبيلك انتي وياها را سكتلكن الا واجد😡
ابتهاج:ليش وللهِ را تطلعي محامي الدفاع متعاها ونحنا مانعلموش😂
ريان:صبت لي ابتهاج ومسكتها من عند شعرها ولواته لها تعرفي تسكتي او نسكتك بطريقتي😡
روان:خلاص احترمونا شنو هذا وانتي يا ريان اطلقي شعر ابتهاج وانتي يا ابتهاج خطيها نايا مش عشان ماعندهش خوات تستقوي عليها الكلام لكِ ول سهى عيب بنت عمكن هذي عيب عليكن وطلعت من غرفة الطعام
ريان:تستاهلن مهزبات وطلعت تضحك😂😂
هناء:صح معاها الحق روان را يابنات شوفن روحكن من دون البنات كلهن منبوذات راجعن انفسكن وطلعت خلتهن يغلن
ابتهاج:وربي نوريها ريان مش انا اللي ادير فيا هكِ 😡
سهى وحتى اختك شوفيها كيف ادافع عليهن😒
ابتهاج:أصلًا هناء هبله يمشن فيها ع كيفهن وتسمع في كلامهن😒
سهى:توا خلينا منهن لازم ننتقموا من نايا أصلًا انا قاهرتني😡
ابتهاج:خليها هذي اول نفضالها توا خلينا في ريان😏

طبعًا اكيد مش فاهمين شيء بديت فيكم ع طول😂😂
تعالوا نفهمك ونشرحلكم ع العائله❤️

طبعا الحاج هارون عنده 4 اولاد وبنتين
الابن الاكبر مصطفي وجوزته حنان عنده رائد و رواد وريان وروان
رائد الحفيد الاكبر مواليد1989 وحكينا عليه في المقدمه ❤️
رواد مواليد 1992 اخر سنه في الهندسه طبعه ضحك ولعب وطايش وحالين فيه ام وباته وحتى جده ونسونجي بس طرف ابيض وطويل وجسمه رياضي ونقشه ع الاشعل طالع لي امه وعيونه عسلي مايل لي الاخضر💚
روان مواليد1995 بنت هاديه جدا ومُسالمه حنونه وماتحبش الخبث وديما تحب الخير جميله نقشها ع الاسود كيف خوها رائد وفي سر وراها توا تعرفوا في الحلقات الجايه❤️
ريان ام لسان 😂😂 مواليد2002 هيا ونايا يقرن مع بعضهن طبعا حتى هيا نقشها ع الاشعل حتى هيا طالعه لي امها هيا ورواد عكس رائد وروان المهم اخر العنقود في العائله طبعًا صح هيا ونايا نفس العمر بس ريان جت بعد نايا بي خمس شهور ف تعتبر اخر العنقود جميله جمالها ساحر وجذاب لسانها متبري منها ومافيش حد قادر عليها حتى جدها واحد فيها من لسانها😂😂

صالح جوزته سالمه بناته ابتهاج وهناء عيالهم جهاد وجواد
ابتهاج مواليد 1999 مسمومه وماتحبش وحده تكون خير منها وتكره نايا وتوا نعرفوا السبب مع في الحلقات الجايه
هناء مواليد1998 طيبه مش كيف اختها وفِ حالها تحب شخص من طرف واحد
جهاد مواليد1990خبيث كيف امه ويكره حاجه اسمها رائد لان جده من ايام وهما صغار كان ديما يفضل فِ رائد عليه وعشان هكِ يكره رائد وامه تعبيله فِ راسه وتبيه يتقرب من جده عشان يمسك الشركه
جواد مواليد1993 شاب هادئ جدأ ديما فِ حاله حتى من مشاكل العائله مايدخلش فيهن نهائي متخرج من برمجة حاسوب وعنده محله بروحه ويشتغل فيه
علي جوزته سهيبه عندهم بنت وولدين نايا ناصف ونورالدين
ناصف مواليد1991 عصبي وطبعه شين مايحبش حاجه اسمها بنات ديما برا الحوش مايحبش الاختلاط مش اجتماعي متخرج من ادارة الاعمال بس حنون مع اخته لان عندهم هيا بس بس مره مره يعصب عليها بس طرف وكل بنت تشوفه تموت عليه
نورالدين مواليد1992 طبعه فروفوش وضحك ولعب كيفه كيف رواد فوله ونقسمت نصين وهما صحاب واجد ديما مع بعضهم ويحب حاجه اسمها نايا يعتبر فيها بنته مش اخته ومدلعها اخر دلع وحتى هوا طرف يشبه بس الممثل التركي "كريم " اللي مثل في مسلسل اطرق بابي كان عرفتوه
المهم اخر سنه في الهندسه كيف رواد يقروا مع بعضهم
سعيد جوزته حواء بنتهم سهى وعماد وصهيب
سهى خبيثه واحقر خلق الله مواليد1998 ماتحبش نايا حتى هيا عشان تغار منها لان ديما يقولوا نايا احلى وحده وهاديه ومؤدبه توا اتعرفوا عليها في الحلقات
عماد مواليد1993
صهيب1994
عمتهم خديجه متجوزه وعندها بنتين ساره واسراء تؤم مواليد2001
عمتهم سعاد عندها ولد واحد وربي مارزقهش بعدها اسمه معتز مواليد 1995 له دور فِ الروايه 
اسفه لو طولت عليكم نتلاقوا فِ الحلقه الجايه باي ❤️❤️