رفيق العمر ❤️

الحلقة الخامسة

#رفيق_العمر

#الحلقة_الخامسة

بيسان أحمد 💎

صحة فطوركم وحبيت نكتب تاريخ اليوم 2022/4/11 الاثنين 3:00

نردو وين ما وقفنا فِ الحلقة الرابعة

خلينا نشوفوا القصر واخباره ❤️🔥
كان الجو بارد وريح قويه وفي وسط القصر كانت المدفئه والعه ونارها مدفيه القصر وملتمين كل اها القصر في وسط الصاله الكبيره ويشربوا في الشاهي ومعاه فطائر خفيفه وكعك وكانت اصوات الضحك عليا عند جهة البنات واصوات الناقش عند جهة الحاج هارون واولاده
والنفاق والمجالمه ونظرات الحقد والخبث في جهة الكناين وعمتهم
وطبعاً الشباب مش موجودين في القصر كل حد ولاهي بشيء وشن الشيء اللي لاهيهم ممكن يكون شيء خطير ويتخططله او لا  وفجئه خبط باب القصر بكل قوه واول مافتحت الخادمة دخل شخص وشخص هذا كان صدمه للكل واولهم صالح والحاج هارون😧💔🔥
صالح:شن اديري هنا 😡🔥
... : كيف شن اندير انسيت ان حتى انا ليا حق نعيش في وسط القصر
صالح:اطلعي برا توا
... : وكان قتلك مش حٰ نطلع وحٰ نقول للكل السر اللي مخبيه انت وباتك الحاج هارون كبير العيله لِ 23 سنة😏
سالمة:شنو السر ومن هذي وليش تهدد فيك ياصالح😡
صالح: خلاص ياسالمه وسعي بالك توا نفهمك هذي مريضه مادوريهاش
سعاد:صار انا مريضه ياصالح توا نوريك
الحاج هارون:خلاص اسكتوا وتعالي ياسعاد وحتى انت ياصالح لمكتبي
سعاد:لا ياحاج هل المره مانقدرش نسكت ونسمع كلامك ونطاوعك طاوعتك 23 سنه بحالهن ولعند هنا وخلاص لعند امتا بنقعد مخبيه السر فِ الوقت اللي كنتوا فيه متريحين وعايشين في نعيم ورزقك كنت انا وعيالك متبهدلين ودايرين رواحكم بريئين وانتوا احقر ناس 😏

الكل كان في حاله صدمه من كلمة عيالك ومش فاهمين شيء💔

سالمه: عيالك كيف عيالك كيف ينعلااايييييي ياربي شنو هذا حد يفهمني ليش ساكتين 😭💔💔
الحاجه سليمه يا حاج فهمنا الله يربحك ولله مانقصني وجيعت قلب وهم💔
الحاج هارون: الحقيني يافتحيه وانت ياصالح وطلع لمكتبه ولحقه صالح وورا سعاد وقبل ماتخش للمكتب التفتت لي سالمه. بشويا وكان تعرفي انا من وشن اللي ح يصير شن ح يصير فيك احتمال تنجلطي😂
سالمه :تعالي هنا شن قصدك 😡
سعاد:بشويا ع رزقك😂😂وخشت للمكتب
.
.
.
سالمة: ينعلاااي ياعمتي شن تقصد بكلامها
الحاجه سليمة: ولله ماني عارفه يابنيتي يستر الله
سهيبه أم نايا:قربت عليها خلاص ياسالمه اهدي ونشالله مايصير الا الخير
ابتهاج وهناء مشن شور امهن ويهدن فيها
طبعًا حواء وحنان ماقربنش شور سالمه ومادورنهش أصلًا كانن بيعرفن شن ورا سعاد
حنان طبست ع حواء وتوشوش فيها:يسترالله شوفي حالت سالمه
حواء:اها حتى عمي وصالح شفتي وجوهم شكلها حاجه كبيره
حنان:شكلها والله اعلم
حواء:نحس ان متجوز سعاد
حنان:ينعلاااي بعدها سالمه تنجلط
حواء:تستاهل نبيها لها😏
حنان:سكتتت🙄
.
.
.
نمشو لمكتب الحاج هارون وشن قاعد يصير فيه !